PHILIPPI 4:9 - Hakcipta - Biatah Bidayuh

⁹ Ndai anŭ adi angān ko birajar ka kambat so aku, bait-i so piminyu ku, puan kah so aran pimudip ku. Ka Tapa adi nggen damai di ata re agi ngga angān.

PHILIPPI 4:9 ပူးပေါင်းရင်းမြစ်များ

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

ISAIAH 8:10

Ndai pusar ngan, pak-i dŭh re marui. Minyu ngga situngang tungang ngan, pak-i re dŭh biguna, sabab Tapa agi ngga kieh.

MATTHEW 1:23

“Ndi naan dayung tibŭn re bite ka biranak ndi anak dari, ka Ayŭh re dog kadŭn Immanuel” (rati-i, “Tapa agi ngga ata”).

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

MATTHEW 7:21

“Dŭh sopŭrŭg daya adi bagan Aku ‘Tuhan, Tuhan’ re kinyam Pinyipritah Tapa, adŭ-i ngara adi ndai pinyiraan Sama Ku adi di shorga.

LUKE 6:46

“Mani meh angān bagan Aku, ‘Tuhan, Tuhan,’ pak dŭh ndai kayuh adi Aku bada angān ndai?

LUKE 8:21

Jesus nang di sopŭrŭg ngara, “Sindŭ Ku ka jurud Ku inŭh ngara adi dingah pinganang Tapa ka tunda-I.”

JOHN 13:17

Amai madin angān puan kayuh ati, munki masam sanang angān kambŭi angān ndai simŭnŭ!

JOHN 15:14

Ka angān inŭh dingan Ku kambŭi angān ndai pinyiraan Ku.

JOHN 2:5

Sindŭ Jesus rasu kidaan di daya daya-gaji, “Angān ndai ani ani adi-I bada angān ndai.”

PINGANDAI 9:6

“Pak makat ka nŭh di mŭrŭt kupo, di yŭn mu re dog kidaan kayuh adi dŭh siŭn dŭh kuu ndai.”

ROME 15:33

Isa-i Tapa, adi atak damai, agi ngga sopŭrŭg ngan. Amen.

ROME 16:20

Ka Tapa, adi atak damai, re rikas pirandŭk Shetan di ribo kaja ngan. Pinyirasi-mandis Tuhan ta Jesus, agi ngga angān.

1 CORINTH 10:31

Ani ani adi angān ndai, bait-i man puan kah nok, ndai-i yŭn bragah Tapa.

1 CORINTH 14:33

sabab Tapa dŭh raan ata udip darŭm pito, pak raan ata udip tunda atur ka damai. Nimun adi mbŭh jadi di sopŭrŭg eklisia Tapa,

1 CORINTH 4:16

Ngapŭi meh aku mite angān tunda suto danding ku.

2 CORINTH 13:11

Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.

DITRONOMI 5:1

Moses bagan bada mandŭg tikuruk sopŭrŭg daya Israel ka nang di ngara, “Angān daya Israel, dingah sopŭrŭg ukum-adat adi aku nggen di angān andu ati. Birajar nŭh ka nakit ingat adŭp nŭh tunda-i.

PHILIPPI 3:17

Bara dingan ku, tunda meh danding ku. Ka birajar so ngara adi mbŭh tunda danding ami anŭ.

PHILIPPI 4:7

Ka damai Tapa, adi rabis so tungang manusia mirati, re jaga atin ngga pikir ngan da pagŭng darŭm angān udip ndi ngga Kristus Jesus.

1 THESSALONICA 1:6

Angān tunda suto danding ami samŭn suto danding Tuhan. Sunggu angān kinyam bagŭ pinyusah, angān mbŭh kambat agah anŭ ngga pinyigaŭn adi mandŭg so Roh Kudus.

1 THESSALONICA 2:14

Bara dingan, kayuh adi jadi di angān agi samah ngga kayuh adi jadi di eklisia eklisia di Judea, di ngara diginŭ adi mbŭh tung Kristus Jesus. Angān mbŭh kinyam pinyusah so daya bangsa adŭp ngan, mun ngara mbŭh kinyam pinyusah so daya Jahudi,

1 THESSALONICA 5:23

Isa-i Tapa adi nggen damai di ata bada angān sukup kudus. Isa-i Tapa jaga asŭng ngan, simangi ngan, ka pŭrŭng ngan so sopŭrŭg sarah, di andu pimandŭg Tuhan ta Jesus Kristus.

2 THESSALONICA 3:4

Ka Tuhan inŭh adi bada kieh biyŭn atin-sabah di angān; ka kieh puan angān ndai ka re babŭ ndai kayuh adi kieh bada angān ndai.

2 TIMOTHY 4:22

Tuhan agi ngga simangi ngan. Pinyirasi-mandis Tapa agi ngga sopŭrŭg ngan.

JAMES 1:22

Dŭhnyah kadong adŭp ngan batur an dingah pinganang-I adŭ, pak ndai nanyam adi angān dingah.

2 PETER 1:10

Jadi meh, bara dingan ku, angān dŭh siŭn dŭh ngga situngang ngan kiren darŭm pimudip ngan Tapa sawŭ ko bagan ka mien angān. Kambŭi angān ndai simŭnŭ, angān dŭh re udah pasan pinyabah ngan;

1 JOHN 3:22

Ata kambat so Ayŭh tadŭ tadŭ kayuh adi ata mite, sabab ata sita pinyipesan-I ka ndai kayuh adi pimunos asŭng-I.