PHILIPPI 4:7 - Hakcipta - Biatah Bidayuh

⁷ Ka damai Tapa, adi rabis so tungang manusia mirati, re jaga atin ngga pikir ngan da pagŭng darŭm angān udip ndi ngga Kristus Jesus.

PHILIPPI 4:7 ပူးပေါင်းရင်းမြစ်များ

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

ISAIAH 26:3

Kaam, TUHAN, nggen damai adi sawŭ di ngara adi tŭtŭd ka adi na pinyabah di Kaam.

2 THESSALONICA 3:16

Isa-i adŭp Tuhan, adi atak damai yŭn ta, nggen di angān damai di tadŭ nga-i ka darŭm tadŭ mun gaya-i. Tuhan agi ngga sopŭrŭg ngan.

COLOSSAE 3:15

Damai adi Kristus nggen inŭh ngga turung angān ndai pikir-kira ngan adi patut; amai nuju damai anŭ inŭh Tapa mbŭh bagan angān da tikuruk darŭm ndi pŭrŭng. Angān patut nggen trima kaseh.

MAZMUR 29:11

TUHAN nggen pinyibake di daya-I ka nyiberkat ngara ngga pimudip sanang.

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

JOHN 16:33

Aku nang sopŭrŭg ati isa angān biyŭn damai darŭm Aku. Ong re bada angān jera. Pak pagan meh! Aku mbŭh ngarah ong!”

ROME 8:6

Dog nguasa tibiat manusia, pinŭbŭn-i inŭh pinyikabŭs; dog nguasa Roh Kudus, pinŭbŭn-i inŭh udip ngga damai.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

EPHESUS 3:19

Sawŭ, isa-i angān puan pinyirindu-I adi rabis so tungang nŭŭh mirati, ka isa angān jadi brisi ngga tibiat Tapa ngga sipuno-i.

ISAIAH 48:18

“Nyamtadar kambŭi angān dingah pesan Ku, tatu angān adu adu trima berkat keya ka sungi adi bŭn badŭh! Pimanang ari tudu angān keya ka girumbang adi maad ka tabing.

JOB 22:21

Madin, Job, bidamai meh ngga Tapa ka dŭh tia bada Ayŭh jadi keya ka pinganyu mu; kambŭi kuu dŭh tia, Ayŭh re nyiberkat kuu.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ISAIAH 48:22

“Daya bidosa dŭh re siramat,” nang TUHAN.

PINANDŬNG 1:4

So John nuju ju eklisia di utung rais Asia: Pinyirasi-mandis ngga damai mbŭh jangān so Tapa, adi madin, adi mbŭh, ka adi re mandŭg, ka so ju roh adi di jawin takta-I,

LUKE 1:79

Ayŭh nggen jawa-I di sopŭrŭg daya adi udip darŭm karŭm buang di ribo singangi pinyikabŭs, ka jaga kaja ta panu mŭrŭt aran damai.”

2 CORINTH 13:11

Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.

PINYIKIANG 6:26

Isa-i TUHAN kana ngga angān ka nggen di angān damai.

LUKE 2:14

“Bragah ka Tapa di rangit siabo bigatung ka damai di ong yŭn ngara adi pimunos asŭng-I!”

MAZMUR 85:8

Aku dingah kayuh adi TUHAN Tapa nang; Ayŭh bijanji an nggen damai ka ata, adi daya-I, kambŭi ata dŭh pari ka pimudip budo ta.

PHILIPPI 4:9

Ndai anŭ adi angān ko birajar ka kambat so aku, bait-i so piminyu ku, puan kah so aran pimudip ku. Ka Tapa adi nggen damai di ata re agi ngga angān.

PITAS 6:22

Ajar ngara re nguru kuu darŭm pimanu mu, grindung kuu singarŭm, ka pitayan kuu sandu.

ISAIAH 26:12

Kaam re bada kieh mujur, TUHAN; sopŭrŭg kayuh adi kieh dapŭd jadi so pingandai Mai.

PITAS 4:6

Dŭhnyah tagan pinyibijak, ka-i re grindung kuu; rindu-i, ka-i re bada kuu siramat.

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

PITAS 2:11

Pinyipitar ngga pinyimirati mu grindung kuu

NEHEMIAH 8:10

Maad angān ka bigawai. Samah pinguman ngga wain ngan ngga ngara adi dŭh biyŭn sukup pinguman. Andu ati inŭh kudus di TUHAN ta, ka dŭhnyah susah. Pinyigaŭn adi TUHAN nggen di angān re bada angān bake.”

JEREMIAH 33:6

Pak Aku re pari pijog kupo ati samŭn bara daya-i ka bada ngara bua sanang. Aku re bada ngara udip sukup pagŭng buang siramat.

ISAIAH 45:7

Aku napa jawa ngga karŭm; Aku taban berkat ngga pinyirusag. Aku, adi TUHAN, ndai sopŭrŭg anŭ.

HEBREW 13:20

Tapa mbŭh pakat Tuhan ta Jesus so kabŭs, adi Pingingat-Biri adi bās sabab deya-I, adi ngga simanya adi tan adu adu dog natu. Isa-i Tapa damai nggen di angān sopŭrŭg kayuh kana adi angān biguna ngga ndai pinyiraan-I, ka isa Ayŭh, so Jesus Kristus, ndai darŭm ata kayuh adi pimunos asŭng-I. Ka di Kristus bragah ndŭg situi tui! Amen.

JOB 34:29

Kambŭi Tapa natu re dŭh ndai ani ani, mating daya dapŭd ngamun Ayŭh. Kambŭi Ayŭh sukan jawin-I, ata re dŭh bigaya.

PINANDŬNG 2:17

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen kada manna adi bisukan. Aku re nggen gŭh di barang naan ngara batuh buda di yŭn agi dog nuris dŭn bauh adi mating daya puan adŭ-i sianŭ adi kambat-i.

JUDE 1:1

So Jude, adi urun Jesus Kristus, ka jurud James, nuju ngara adi mbŭh dog bagan Tapa, adi udip darŭm pinyirindu Tapa Sama ka adi dog grindung Jesus Kristus:

PHILIPPI 1:2

Isa-i Tapa adi Sama ta ngga Tuhan Jesus Kristus nggen di angān pinyirasi-mandis ngga damai.

JEREMIAH 32:16

Ripas aku mbŭh nggen surat adat-bibiris anŭ di Baruch, aku bidua,

2 CORINTH 10:5

kieh re nyirubuh pingandai uap-sambuh manusia adi jadi pinyibatŭn di pinyipuan pasar Tapa; kieh re tambit sopŭrŭg pikir-kira ka bada-i nundok di Kristus.

PHILIPPI 1:1

So Paul ngga Timothy, adi urun Kristus Jesus, nuju sopŭrŭg daya adi Tapa mbŭh mien di Philippi adi mbŭh ndi ngga Kristus Jesus, samŭn bara nyamba eklisia ngga bara pinurung:

PHILIPPI 4:19

Tapa ku ngga kaya bās-I re nggen di angān kayuh adi angān biguna, so Kristus Jesus.

PHILIPPI 4:21

Tabi ka barang naan daya adi Tapa mbŭh mien adi mbŭh jadi tung Kristus Jesus. Bara dingan ku adi agi digiti samah ngga aku pait tabi ka angān.