PHILIPPI 4:3 - Hakcipta - Biatah Bidayuh

³ Ka kuu gŭh, dingan ku adi tŭtŭd darŭm kraja, aku mite kuu turung duwŭh naan dayung anŭ; amai ngara mbŭh bandar nyiraja ngga aku darŭm nyuse Agah Kana, samah ngga Clement samŭn sopŭrŭg adi bŭkŭn di kraja ta. Dŭn ngara mbŭh agi darŭm surat di yŭn dŭn bara daya adi Tapa mbŭh mien dog nuris.

PHILIPPI 4:3 ပူးပေါင်းရင်းမြစ်များ

MAZMUR 69:28

Isa-i dŭn ngara dog kadi so surat di yŭn dŭn bara daya adi Kaam mbŭh mien dog nuris; isa-i ngara dŭh dog pibŭrŭt di susud dŭn bara daya Mai.

PINYIRUAH 32:32

Turung apun dosa ngara; pak kambŭi Kaam abah ka nŭh kadi adŭ jaku dŭn so surat adi yŭn Mai nuris dŭn bara daya Mai.”

ISAIAH 4:3

Barang naan daya adi dŭm di Jerusalem, adi Tapa mbŭh mien bada babŭ udip, re dog kadŭn kudus.

EZEKIEL 13:9

Aku re ngukum angān bara nabi adi kiris kayuh keya ka darŭm pŭmŭh pak adi dŭh sawŭ, ka adi nggen pininjau adi kinanyap daya. Angān re mating diginŭ kan daya Ku tikuruk matŭd pikir-kira ngara; dŭn ngan re dŭh dog pibŭrŭt di susud dŭn bara rayat Israel; angān dŭh re pari ka tarun tana adŭp ngan. Komŭnŭ angān re puan nang Aku ati TUHAN Raja.

DANIEL 12:1

Malaikat adi nēn piraka banang linen nang, “Di andu anŭ malaikat bās, Michael, adi kingat daya bangsa mu, re nandŭng. Komŭnŭ re agi tipuh susah, siabo bisā so adi mbŭh ngitong so sibungas bangsa bangsa di ong timbur. Kan tipuh anŭ mandŭg, sopŭrŭg daya bangsa mu adi agi dŭn ngara dog nuris darŭm surat Tapa re siramat.

LUKE 10:20

Dŭhnyah gaŭn sabab roh arap nundok di angān, pak gaŭn sabab dŭn ngan mbŭh dog nuris di shorga.”

ROME 12:1

Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

ROME 16:12

Tabi ku ka Tryphaena ngga Tryphosa, adi nyiraja yŭn Tuhan, ka dingan ku Persis adi aku rindu, adi ko ndai bagŭ kraja yŭn Tuhan.

ROME 16:9

Tabi gŭh ka Urbanus, adi samah nyiraja yŭn Kristus ngga ata, ka Stachys ani, dingan adi aku rindu.

PHILIPPI 1:12

Aku raan angān puan, bara dingan ku, kayuh adi mbŭh jadi di aku agi turung pimaju kraja pingandai Agah Kana.

PHILIPPI 1:16

Ngara ndai simŭnŭ so pinyirindu, sabab ngara puan Tapa mbŭh tijuan aku da nyibandar Agah Kana anŭ.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

PHILIPPI 1:5

sabab gaya ngan adi turung aku darŭm kraja ku adi piagah Agah Kana so sibungas-i ndŭg madin.

PHILIPPI 1:7

Angān siraru agi darŭm atin ku! Taŭn patut inŭh asŭng ku nyam anŭ di angān, amai angān mbŭh biturung ngga aku di kraja adi Tapa mbŭh nggen di aku. Angān mbŭh turung aku, di tika aku darŭm jer madin ka di tika aku dŭh darŭm jer dawŭ-i, darŭm aku nyibandar Agah Kana buang nyuse-i.

PHILIPPI 4:2

Euodia ngga Syntyche, aku mite angān duwŭh ndi atin darŭm Tuhan.

COLOSSAE 1:7

Angān mbŭh dingah pasar pinyirasi-mandis Tapa so Epaphras, adi samah urun Kristus mun kieh; ayŭh adi kieh rindu, ndai kraja Kristus ngga atin tŭtŭd ngga ngarun kieh.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.

PINANDŬNG 17:8

Dāng anŭ ko udip dawŭ-i, pak mbŭh dŭh tia udip; ayŭh mbŭh re makat so rasan ong ka re dog pirabur. Bara daya adi udip di ong adi gibayuh dog nuris dŭn-i sibayuh ong dog napa, di surat di yŭn dŭn bara daya adi Tapa mbŭh mien dog nuris, re nginga darŭm ngara kiris dāng anŭ. Dāng anŭ ko udip; dŭh-i re dŭh tia udip, pak-i re pari tatŭng.

PINANDŬNG 20:12

Ka aku kiris bara adi mbŭh kabŭs, bās ngga adi sŭ, mijog nura takta. Surat surat dog kuka, ka agi dinge dog kuka gŭh, surat di yŭn dŭn bara daya adi Tapa mbŭh mien dog nuris. Bara adi mbŭh kabŭs dog bisara nanyam ka pingandai ngara, nimun adi mbŭh dog nuris di surat surat anŭ.

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.

PINANDŬNG 3:5

Ngara adi mbŭh manang re dog kibarui simŭnŭ ngga piraka buda, ka Aku dŭh re kadi dŭn ngara so surat di yŭn dŭn bara daya adi Tapa mbŭh mien dog nuris. Di sirung jawin Sama Ku ka di sirung jawin bara malaikat-I Aku re kidaan nang ngara mbŭh tung jaku.