PHILIPPI 4:1 - Hakcipta - Biatah Bidayuh

¹ Jadi meh, bara dingan ku adi aku rindu, aku raru jabŭng di angān! Aku mbŭh raru gaŭn buang mingangŭn di angān! Angān patut mijog tagap darŭm pimudip samah darŭm Tuhan.

PHILIPPI 4:1 ပူးပေါင်းရင်းမြစ်များ

JOB 31:36

aku bisa nēn-i di kawin ku ka na-i di ubak ku ndu makota.

MAZMUR 125:1

Ngara adi sabah di TUHAN inŭh keya ka Sandah Zion, adi dŭh dapŭd dog ngugoh, dŭh dapŭd dog ngana.

MAZMUR 27:14

Sabah di TUHAN. Sabab meh, dŭhnyah jimŭ. Sabah di TUHAN.

MATTHEW 10:22

Barang naan daya re tiru di angān sabab angān murid Ku. Pak asi asi adi bijijŭ ndŭg sikasŭn-i re dog nyiramat.

JOHN 8:31

Jadi Jesus nang di ngara adi sabah di Ayŭh, “Kambŭi angān tunda ajar Ku, angān sawŭ bara murid Ku.

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

PINGANDAI 2:42

Ngara awet mandŭg tikuruk dingah ajar so bara pinyuruh. Ngara udip keya ka bijurud bimadis, man samah, simayang samah.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

1 CORINTH 15:58

Jadi meh, angān adi aku rindu, mijog tagap ka dŭhnyah bada ani ani pigayo adŭp ngan. Na atin ngga pikir ngan di kraja Tuhan, amai angān puan sopŭrŭg kayuh adi angān ndai yŭn Tuhan dŭh-i au-tarun.

1 CORINTH 16:13

Bijaga meh, mijog tagap darŭm pinyabah, dŭhnyah taru pak bada adŭp ngan bake.

GALATIA 5:1

Kristus mbŭh nggen di ata pinyirupas. Mijog tagap meh ka dŭhnyah tandah adŭp ngan jadi urun dinge.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

PHILIPPI 1:8

Tapa puan pinganang ku sawŭ kan aku nang pinyirindu ku di angān agi mandŭg so atin adŭp Kristus Jesus.

PHILIPPI 2:16

darŭm angān nyuse agah adi nggen udip adi sawŭ adi tan adu adu di ngara. Ka kambŭi angān ndai simŭnŭ, aku re biyŭn sabab yŭn mingangŭn pasar angān di Andu pimandŭg Kristus, amai-i re kiren susah-payah ku ngga kraja pingandai ku dŭh jadi au-tarun.

PHILIPPI 2:26

Ayŭh graŭh an kiris sopŭrŭg ngan ka mbŭh raru susah sabab angān agi dingah ayŭh birandam.

COLOSSAE 4:12

Tabi so Epaphras, urun Kristus Jesus, adi so tibaran ngan gŭh. Ayŭh siraru simayang yŭn ngan, mite Tapa nagap angān darŭm pinyabah ka bada angān sukup mirati darŭm aran pimudip Kristen, buang tŭtŭd ngga pinyiraan Tapa.

1 THESSALONICA 3:13

Simŭnŭ Ayŭh re nyibake angān, ka angān re jadi sukup kana buang kudus di sirung jawin Tapa adi Sama ta kan Tuhan ta Jesus mandŭg ngga sopŭrŭg daya adi mbŭh tung adŭp-I.

2 THESSALONICA 2:15

Jadi meh, bara dingan, angān an tŭtŭd ka bidigŭng tagap di ajar ajar anŭ adi kieh ko nggen di angān, pakai piminyu puan kah pakai surat.

2 TIMOTHY 2:1

Ka kuu, anak ku, jadi tagap meh ngga pinyirasi-mandis adi mbŭh tung jata darŭm ata udip ndi ngga Kristus Jesus.

HEBREW 10:23

Ja ata bidigŭng tagap di pingarap adi ata ngaku, sabab ata sabah Tapa ta taŭn ingat janji-I.

HEBREW 3:14

Amai sopŭrŭg ata samah nyiraja ngga Kristus kambŭi ata bidigŭng tagap di atin-sabah ta anŭ adi ata mbŭh biyŭn so sibungas ndŭg sikasŭn-i.

HEBREW 4:14

Ja meh garang, ata bidigŭng tagap di pinyabah adi ata ngaku. Amai ata biyŭn Imam adi siabo bās, adŭp Jesus Anak Tapa, adi mbŭh di ka sirung jawin Tapa.

2 PETER 3:17

Pak angān, bara dingan ku, mbŭh puan kayuh ati. Bijaga meh, isa angān dŭh miriseu da sarah daya adi arap, ka rabu so yŭn ngan adi siramat.