PHILIPPI 3:9 - Hakcipta - Biatah Bidayuh

⁹ ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.

PHILIPPI 3:9 ပူးပေါင်းရင်းမြစ်များ

TIBIRIK 7:23

Tapa pirusak sopŭrŭg adi udip di ong, manusia, dāng, ka manuk. Kaŭs-i adi dŭm inŭh Noah ngga sinadan adi agi ngga ayŭh darŭm batra.

1 RAJA 8:46

“Kan daya Mai bidosa rawan Kaam — ka mating daya dŭh bidosa — ka darŭm baji Mai Kaam bada pinganyu ngara ngarah ngara ka taban ngara jadi daya-takap di ka tarun tana bŭkŭn, sunggu tarun tana anŭ jo bait kani,

2 KRONIKEL 32:25

Pak Hezekiah mbŭh raru sambuh ka dŭh biyŭn atin trima kaseh yŭn kayuh adi TUHAN mbŭh ndai di ayŭh, ka Judah ngga Jerusalem meh adi sangsara bada-i.

2 KRONIKEL 32:31

ndŭg ka kan bara pingarun adi daya Babylonia mandŭg di siken pasar kayuh saruh adi mbŭh jadi di tarun tana anŭ, Tapa tandah Hezekiah nggen pinyinam-i amai raan puan isi atin-i.

MAZMUR 14:3

Pak sopŭrŭg ngara mbŭh sarah; sopŭrŭg ngara mbŭh brimun arap. Mating adŭ adi ndai kayuh batur, Ndi naan mating gŭh.

MAZMUR 143:2

Dŭhnyah na aku, urun Mai, darŭm pisuba; mating daya dŭh sarah di batŭh Mai.

MAZMUR 19:12

Mating daya tungang kiris sarah adŭp-i; pirupas aku, TUHAN, so sarah adi bisukan!

EKLISIASTIS 7:20

Mating daya di ong adi ari ndai kayuh adi batur ka bŭn ndai sarah.

ISAIAH 46:13

Aku taban andu pimanang bada sindŭk — dŭh-i gibabŭ jo. Pimanang Ku dŭh re dog pirambat. Aku re nyiramat Jerusalem ka taban stabi ka Israel diginŭ.”

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

ISAIAH 53:6

Sopŭrŭg ata muko keya ka biri adi mbŭh manyap, barang naan ata panu kadŭg aran adŭp ta. Pak TUHAN bada ukum anŭ nyatŭk ayŭh, ukum adi sopŭrŭg ata patut trima.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

JEREMIAH 23:6

Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

JEREMIAH 33:16

Daya Judah ngga daya Jerusalem re dog nyiramat ka re udip darŭm damai. Kupo anŭ re dog kadŭn ‘TUHAN adi Pinyikudip Ta’.

DANIEL 9:24

“Ju kari ju puru sawa inŭh ambu tipuh adi Tapa mbŭh miratak yŭn-I re pirupas daya mu ngga kupo kudus mu so dosa ngga arap. Dosa re dog apun ka pinyitŭnggŭn adi tan adu adu re dog pijog, isa kayuh adi dog kiris keya ka darŭm pŭmŭh ngga pinganang-binabi anŭ jadi bitŭtŭk, ka Ramin TUHAN adi kudus re pari dog nitah.

MATTHEW 9:13

Di tingga ka jiroh rati pinganang Surat-kudus adi nang: ‘Atin mandis inŭh adi Aku raan, dŭh-i sadis dāng.’ Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

ROME 1:17

Amai Agah Kana anŭ kiren munki Tapa bada daya bamai ngga adŭp-I: anŭ inŭh so ka pinyabah so sibungas-i ndŭg sikasŭn-i. Sak adi nang Surat-kudus, “Daya adi mbŭh bamai ngga Tapa so ka pinyabah re udip.”

ROME 10:10

Amai so ka pinyabah ta inŭh ata dapŭd bamai ngga Tapa; darŭm ata ngaku ka kidaan di daya bŭkŭn ata mbŭh dog nyiramat.

ROME 16:7

Tabi gŭh ka Andronicus ngga Junia, ngara adi samah daya Jahudi adi ko agi ngga aku darŭm jer; ngara mbŭh dog puan bara pinyuruh, ka mbŭh jadi Kristen diŭ so aku.

ROME 5:21

Ngapŭi meh, nimun dosa taban pinyikabŭs ka daya adi bidosa, simŭnŭ gŭh pinyirasi-mandis Tapa biyŭn kuasa bada daya bamai ngga Tapa, ndŭg ka taban ata ka udip adi sawŭ adi tan adu adu so ka Jesus Kristus adi Tuhan ta.

ROME 8:1

Madin daya adi udip ndi ngga Kristus Jesus dŭh re dog nunggu.

ROME 8:3

Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

2 CORINTH 5:17

Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

GALATIA 2:16

Pak kieh puan daya dapŭd bamai ngga Tapa adŭ-i so ka pinyabah-i di Jesus Kristus, dŭh so pinyita Ukum-adat. Kieh mŭnŭ gŭh, mbŭh sabah di Kristus Jesus siŭn dapŭd bamai ngga Tapa so ka pinyabah ami di Kristus, ka dŭh so pinyita Ukum-adat. Amai mating daya dapŭd bamai ngga Tapa so pinyita Ukum-adat.

DITRONOMI 27:26

“Pangu Tapa nyatŭk tadŭ tadŭ daya adi dŭh tunda sopŭrŭg ukum-adat ngga ajar Tapa.’ “Ka sopŭrŭg daya re nam, ‘Amen!’

PHILIPPI 3:6

ka mbŭh raru nundok dieh ndŭg ka aku kisiis eklisia. Ka pasar daya bisa jadi tŭnggŭn so pinyita pinyipesan Ukum-adat, aku taŭn dŭh biyŭn sarah.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

TITUS 3:5

Ayŭh nyiramat ata. Dŭh-i sitagar pingandai kana adi ata ko ndai, pak sitagar pinyirasi adŭp-I Ayŭh mbŭh nyiramat ata, ngga kuasa Roh Kudus, adi nggen di ata pinyibranak bauh ngga pimudip bauh darŭm-I ngu ata.

HEBREW 6:18

Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.

JAMES 3:2

Sopŭrŭg ta siraru ndai sarah. Pak kambŭi daya bŭn ndai sarah darŭm piminyu-i, ayŭh anŭ mbŭh sukup kana ka mbŭh tungang jaga adŭp-i samŭn ndi pŭrŭng ganan-i.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

1 JOHN 3:4

Asi asi adi bidosa taŭn mbŭh miranggar ukum-adat Tapa, sabab dosa taŭn-i miranggar ukum-adat.