PHILIPPI 2:9 - Hakcipta - Biatah Bidayuh

⁹ Sabab anŭ, Tapa pakat Ayŭh ka yŭn adi bigatung di sambu ka nggen di Ayŭh adŭn adi bās dŭ so dŭn adi bŭkŭn.

PHILIPPI 2:9 ပူးပေါင်းရင်းမြစ်များ

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

MAZMUR 110:1

TUHAN nang di tuan ku, “Guru digiti tura ka tauh Ku ndŭg ka Aku mbŭh na pinganyu mu di ribo kaja mu.”

MAZMUR 110:5

TUHAN agi di tura ka tauh mai; kan Ayŭh baji, Ayŭh re ngarah bara raja.

MAZMUR 89:27

Aku re bada ayŭh jadi anak pinuai Ku, raja adi siabo bās raja.

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

ISAIAH 52:13

TUHAN nang, “Urun Ku re mujur darŭm kraja-i; ayŭh re bandar dog stabi.

ISAIAH 53:12

Ngapŭi Aku re nggen di ayŭh yŭn guru adi bibragah, pinyiguru di dupan daya bās ngga adi bikuasa. Ayŭh re jugan asŭng adŭp-i ka sua kinyam nasip daya adi arap. Ayŭh gŭrŭng dosa daya bagŭ ka bidua mite ngara dog apun.”

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 28:18

Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

JOHN 13:3

Jesus puan Sama mbŭh nggen di adŭp-I sukup kuasa; Ayŭh puan adŭp-I mandŭg so Tapa ka mbŭh re pari ka Tapa.

JOHN 17:11

Ka madin Aku mandŭg ka Kaam, ka dŭh tia di ong, pak ngara babŭ di ong. Sama adi kudus, kingat ngara ngga kuasa adŭn Mai, adŭn adi Kaam mbŭh nggen di Aku, isa ngara bisa jadi ndi nimun Kaam ngga Aku agi ndi.

JOHN 17:12

Sitadŭn Aku agi ngga ngara, Aku kingat ngara ngga kuasa adŭn Mai, adŭn adi Kaam mbŭh nggen di Aku. Aku mbŭh grindung ngara, ka ndi so ngara mating gŭh manyap, adŭ-i sianŭ adi taŭn re manyap. Ayŭh mbŭh simŭnŭ, isa pinganang Surat-kudus jadi bitŭtŭk.

JOHN 17:5

Sama! Nyibragah Aku madin ngga bragah anŭ adi Aku ko biyŭn ngga Kaam sibayuh ong dog napa.

PINGANDAI 5:31

Tapa mbŭh katuh Ayŭh ka tangan tauh-I, nimun Pinguru ka Pinyikudip, siŭn daya Israel dapŭd aran ngga marik pimudip-i pari ka adŭp-I ka dapŭd pingapun dosa.

EPHESUS 1:10

Kayuh adi Tapa an ndai anŭ, adi-I re ngamas di tipuh adi adŭp-I mien, inŭh nguruk sopŭrŭg anŭ adi-I ko napa, bait-i darŭm shorga, bait-i darŭm ong, ngga Kristus adi jadi ubak.

COLOSSAE 1:18

Ayŭh inŭh ubak yŭn pŭrŭng-I, eklisia; Ayŭh inŭh adi so pŭrŭng dapŭd udip. Ayŭh anŭ Anak pinuai Tapa, adi ko dog pakat so kabŭs, siŭn Ayŭh sadi adŭ bisa dapŭd numbor ndi darŭm sopŭrŭg kayuh.

2 THESSALONICA 1:12

Ngga simŭnŭ inŭh adŭn Tuhan ta Jesus re dog nyibragah darŭm angān, ka angān darŭm Ayŭh, so ka pinyirasi-mandis Tapa ta ngga Tuhan ta Jesus Kristus.

HEBREW 1:4

Anak Tapa mbŭh dog bada bās dŭ so bara malaikat, nimun adŭn adi Tapa mbŭh nggen di Ayŭh agi bās dŭ so dŭn bara malaikat.

HEBREW 1:9

Kuu rindu kayuh adi batur ka tiru di kayuh adi sarah. Ngapŭi Tapa, adi Tapa Mu, mbŭh mien Kuu ka mbŭh nggen di Kuu pinyigaŭn stabi adi rabis bās so adi-I mbŭh nggen di bara dingan Mu.”

HEBREW 12:2

Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.

HEBREW 2:9

Pak ata mbŭh kiris Jesus, adi ko nyitiro dog bada rapat so bara malaikat, isa so pinyirasi-mandis Tapa Ayŭh patut kabŭs yŭn sopŭrŭg daya. Madin ata kiris Ayŭh dog nggen makota bragah ngga stabi sabab jera-birasa pinyikabŭs adi-I ko kinyam.

1 PETER 3:22

adi mbŭh di ka shorga ka mbŭh tura ka tauh Tapa, mritah sopŭrŭg malaikat, pinguasa ka pinyibake di rangit.

2 PETER 1:17

Kieh agi diginŭ di andu Tapa Sama nggen di Ayŭh stabi ngga bragah, kan sirŭŭn mandŭg ka Ayŭh so Bragah Siabo Bās, nang, “Siati inŭh Anak nyirot Ku; di Ayŭh asŭng Ku munos!”

3 JOHN 1:7

Amai ngara mbŭh matak di nyuse agah pasar Kristus, ka abah-i kambat pinurung so bara daya adi dŭh sabah di Tapa.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.

PINANDŬNG 5:12

ka biragu ngga sirŭŭn bana, nang: “Anak Biri adi ko dog siŭ inŭh patut kambat kuasa, pinyikaya, pinyibijak, ka pinyibake, stabi, bragah, ngga puji!”