PHILIPPI 2:1 - Hakcipta - Biatah Bidayuh

¹ Pimudip ngan darŭm Kristus bada angān bake, ka pinyirindu-I nyaduh angān. Angān mbŭh udip ndi darŭm Roh Kudus, ka angān mbŭh biyŭn atin mandis ngga atin masi di dingan ngan.

PHILIPPI 2:1 ပူးပေါင်းရင်းမြစ်များ

MAZMUR 133:1

Munki masam sangŭn-i, munki masam kana-i, kan daya Tapa udip ngga ndi atin!

ISAIAH 16:11

Aku nyidaing ngga susah yŭn Moab, aku muās Kir Heres.

LUKE 2:25

Di tika anŭ agi ndi naan daya dŭn Simeon rŭŭ di Jerusalem. Ayŭh daya adi kana, tŭnggŭn buang kajŭn Israel dog nyiramat. Roh Kudus agi ngga ayŭh

JOHN 14:18

“Aku dŭh re tagan angān sadi mun anak tumang; Aku re mandŭg pari ka angān.

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

JOHN 17:13

Madin Aku mandŭg ka Kaam. Ka Aku nang kayuh kayuh ati darŭm Aku gibabŭ darŭm ong, isa ngara bisa biyŭn pinyigaŭn Ku ngga sipuno-i.

PINGANDAI 2:46

Barang andu ngara mandŭg tikuruk di Ramin Tuhan, samah man di ramin dingan ngga atin gaŭn ngga atin tŭkŭn,

PINGANDAI 4:32

Tibaran adi sabah mbŭh ndi atin ndi pekat. Mating so ngara nang tadŭ tadŭ kayuh adi-i dapu mbŭh tung adŭp-i, pak ngara samah samah sua dapu sopŭrŭg-i.

ROME 5:5

Pingarap anŭ dŭh re bada ata asa, amai Tapa, ngga Roh Kudus adi pinganggen-I di ata, mbŭh ren darŭm atin ta pinyirindu-I.

ROME 8:26

Simŭnŭ gŭh Roh Kudus agi digiti turung ata adi ramah. Amai ata dŭh puan munki ata patut simayang; adŭp Roh Kudus bidua yŭn ta ka Tapa ngga sidaing adi dŭh manusia tungang kira.

1 CORINTH 12:13

Simŭnŭ gŭh sopŭrŭg ta, bait-i ata daya Jahudi puan kah adi dŭh bangsa Jahudi, bait-i daya urun puan kah daya bebas, mbŭh dog baptisa Roh ndi anŭ ka darŭm ndi pŭrŭng anŭ. Tapa mbŭh nggen ndi Roh anŭ di ata da nok.

1 CORINTH 15:31

Bara dingan ku, barang andu aku siraru dŭm tadŭ re kabŭs! Sabab aku mingangŭn di angān, darŭm pimudip ta adi ndi ngga Kristus Jesus Tuhan ta, aku nang sakanŭ.

1 CORINTH 3:16

Angān mbŭh tatu puan nang angān mbŭh yŭn pinyirŭŭ Tapa amai adŭp Roh Tapa rŭŭ darŭm angān!

2 CORINTH 2:14

Pak trima kaseh di Tapa! Amai darŭm udip ndi ngga Kristus kieh mbŭh siraru dog nguru Tapa nimun daya-takap darŭm baris pimanang Kristus. Tapa pakai kieh da pikambang pinyipuan pasar Kristus adi keya ka buuh wangi ka barang yŭn.

GALATIA 4:6

Ngga kiren adŭp ngan mbŭh bara anak-I, Tapa mbŭh pait Roh Anak-I ka darŭm atin ta, adi bagan, “Sama, Sama ku.”

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

EPHESUS 4:4

Agi ndi pŭrŭng ka agi ndi Roh, nimun agi ndi pingarap adi taŭn mbŭh sabab-i Tapa bagan angān.

PHILIPPI 1:8

Tapa puan pinganang ku sawŭ kan aku nang pinyirindu ku di angān agi mandŭg so atin adŭp Kristus Jesus.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

COLOSSAE 2:2

Aku ndai simŭnŭ ngga ngatat ngara ka isa-i ngara jadi ndi darŭm pinyirindu. Simŭnŭ gŭh angān ngga ngara bisa batur batur puan ka mirati buang natŭng rusia Tapa, adi taŭn mbŭh adŭp Kristus.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

HEBREW 6:18

Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 JOHN 3:24

Ngara adi sita pinyipesan Tapa udip ndi ngga Tapa ka Tapa udip ndi ngga ngara. Ka sabab Roh adi Tapa ko nggen di ata, ata puan adŭp ta mbŭh udip ndi ngga Ayŭh.

1 JOHN 4:12

Gi-mating daya kiris Tapa, pak kambŭi ata rindu dingan ta, Tapa udip ndi ngga ata, ka pinyirindu-I mbŭh jadi sukup batur darŭm ata.

1 JOHN 4:16

Ka adŭp ta puan ka sabah pinyirindu Tapa di ata. Tapa inŭh pinyirindu, ka ngara adi udip darŭm pinyirindu udip ndi ngga Tapa ka Tapa udip ndi ngga ngara.