NEHEMIAH 9:10 - Hakcipta - Biatah Bidayuh

¹⁰ Kaam ndai pingandai-nginga ngga rawan raja, ka rawan bara pinurung-i ka bara daya tarun tana-i, sabab Kaam puan munki daya Mai dog kinanyuh. Di tika anŭ Kaam bada adŭn Mai timagah, ndŭg andu ati.

NEHEMIAH 9:10 ပူးပေါင်းရင်းမြစ်များ

NEHEMIAH 9:16

Pak tayung-babuk ami bitambah sambuh ka baking ka abah tunda pesan Mai.

NEHEMIAH 9:29

Kaam bakan ngara bada tunda ajar Mai, pak ngga atin sambuh ngara tirawan ukum ukum-adat Mai, sunggu aran nuju udip inŭh so ka sita Ukum-adat Mai. Tangek buang baking, ngara abah dingah pinganang.

MAZMUR 83:18

Isa-i ngara puan nang Kaam sadi adŭ adi TUHAN, pimritah adi bās di ndi ong ong.

PINYIRUAH 18:11

Madin aku puan nang TUHAN sawŭ bās dŭ so sopŭrŭg tapa adi bŭkŭn, amai Ayŭh mbŭh ndai simŭnŭ di tika daya Egypt dŭh stabi di daya Israel.”

PINYIRUAH 3:20

Pak Aku re pakai kuasa Ku ka re ngukum Egypt ngga pingandai adi bisā diginŭ. Ripas anŭ ayŭh re bada angān panu.

PINYIRUAH 5:2

“Asi TUHAN anŭ?” raja siken. “Re ngga mani aku tunda pinganang-I ka bada daya Israel bu ruah so ti? Aku dŭh puan TUHAN anŭ; ka aku dŭh re bada daya Israel ruah so rais ati.”

PINYIRUAH 7:1

TUHAN nang, “Aku re bada kuu keya ka Tapa di batŭh raja, ka jurud mu Aaron re minyu ngga ayŭh keya ka nabi mu.

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

ISAIAH 42:20

Israel, mbŭh raru bagŭ kayuh muko angān kiris, pak ani meh rati-i di angān? Angān biyŭn kajit ngga dingah, pak angān dŭh dingah.”

ISAIAH 63:12

Diki TUHAN, adi ndai pingandai bās so Moses, mire piin rawŭt nyinuwŭh ka nguru daya-I mutas piin tŭrŭp, ngga dapŭd adŭn adi adu adu timagah yŭn adŭp-I?” Dog nguru TUHAN, ngara panu mun kuda tarun dŭh sikak dŭh sikakong.

ISAIAH 63:14

Mun sapi sapi dog nguru ka rubān adi damŭn, simŭnŭ gŭh TUHAN nggen rŭŭ-paya di daya-I. Ayŭh nguru daya-I ka dapŭd stabi yŭn adŭn-I.

JEREMIAH 32:20

Ndun jah, Kaam ndai pingandai-nginga ngga pingandai-saruh di Egypt, ka Kaam babŭ ndai-i ndŭg andu ati, di Israel ngga di bangsa bangsa bŭkŭn, siŭn madin Kaam dog puan di barang yŭn.

EZEKIEL 20:9

Pak Aku dŭh jadi ndai simŭnŭ, amai anŭ bisa taban arap di Adŭn Ku, nambah gŭh dinge di sirung jawin daya adi bigaur udip ngga ngara Aku mbŭh kidaan di Israel nang Aku an nguru ngara ruah so Egypt.

DANIEL 4:37

“Ka madin, aku, Nebuchadnezzar, muji, stabi, ka nyibragah Raja Shorga. Barang masam kayuh adi ndai-I inŭh batur buang kana, ka Ayŭh dapŭd pirapat daya adi udip sambuh.”

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 9:15

“O TUHAN adi Tapa ami, Kaam mbŭh kiren kuasa Mai darŭm Kaam taban daya Mai ruah so Egypt, ka kuasa Mai inŭh babŭ dog ingat. Kieh mbŭh bidosa; kieh mbŭh ndai sarah.

PINGANDAI 7:36

Ayŭh taban bangsa Israel ruah so Egypt, ndai pingandai-nginga ngga pingandai-saruh di Egypt ka di Rawŭt Bireh ka sitadŭn pat puru sawa di tarun tana-pajam.

ROME 9:17

Amai di Surat-kudus Tapa nang di raja Egypt, “Aku mbŭh pakat kuu da jadi raja siŭn Aku bisa pakai kuu ngga kiren kuasa Ku ka ngga bada adŭn Ku timagah di ndi ong ong.”

DITRONOMI 4:34

Agi kah tapa adi pagan tambit daya so bangsa bŭkŭn ka bada ngara jadi daya adŭp-i, nimun adi TUHAN adi Tapa ngan mbŭh ndai yŭn ngan di Egypt? Angān mbŭh kiris ngga batŭh adŭp ngan Ayŭh pakai kuasa bās-I ngga pinyibake-I. Ayŭh nimbur sesak-andam ngga perang. Ayŭh ndai pingandai-nginga ngga pingandai saruh, ka bada kayuh adi bisā timbur.

DITRONOMI 7:19

Ingat nŭh sesak-andam adi angān mbŭh kiris ngga batŭh adŭp ngan, pingandai-nginga, ngga pingandai saruh, ka kuasa bās ngga pinyibake adi ngga TUHAN adi Tapa ngan pirupas angān. Simŭnŭ Ayŭh pirabur daya Egypt, simŭnŭ gŭh Ayŭh re pirabur sopŭrŭg daya anŭ adi angān taru madin.

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”