NEHEMIAH 9:1 - Hakcipta - Biatah Bidayuh

^1-2 Andu adi 24 darŭm buran anŭ, daya Israel tikuruk yŭn bipusa ngga kiren atin susah amai dosa ngara. Ngara mbŭh nyidŭrŭ adŭp ngara so sopŭrŭg daya tami. Ngara nēn banang guni ka na apŭk di ubak ndu tandā atin susah. Komŭnŭ ngara mijog ka piguru ngaku dosa adi ngara mbŭh ndai samŭn adi tayung-babuk ngara mbŭh ndai.

NEHEMIAH 9:1 ပူးပေါင်းရင်းမြစ်များ

2 SAMUEL 1:2

Ngga andu jawa ndi, ndi naan bujang dari mandŭg so bari Saul. Ngga kiren adŭp-i susah, ayŭh nyiratak piraka-i ka na tana di ubak-i. Ayŭh di ka yŭn David ka mutu ubak-i ka tana ngga stabi.

2 KRONIKEL 20:3

Jehoshaphat mbŭh taru ka bidua ka TUHAN mite Ayŭh turung kidaan ani patut-i ndai. Komŭnŭ ayŭh nggen ukum bada sopŭrŭg daya bipusa di ndi tarun tana rais.

2 KRONIKEL 7:10

ka di andu anŭ ndi, 23 andu buran ju, Solomon bada bara daya maad. Ngara mbŭh raru sanang asŭng amai sopŭrŭg berkat adi TUHAN mbŭh nggen di daya-I Israel, di David, ka di Solomon.

EZRA 8:21

Di pang sungi Ahava aku nggen ukum bada sopŭrŭg kieh bipusa ka pirapat adŭp ami di sirung jawin Tapa ami ka mite Ayŭh nguru kieh di pimanu ami ka grindung kieh ngga anak anak ami samŭn buat-rata ami.

EZRA 8:23

Jadi kieh bipusa ka bidua mite Tapa grindung kieh, ka Ayŭh nam dua ami.

NEHEMIAH 8:2

Jadi Ezra taban-i ka tarun yŭn bara daya mbŭh tikuruk — bara dari, bara dayung ngga anak-anya adi mbŭh baga ka dapŭd mirati isi surat anŭ.

ESTHER 4:16

“Panu di bada sopŭrŭg daya Jahudi tikuruk di Susa. Bada ngara bipusa ka bidua yŭn ku. Dŭhnyah man bait nok tadŭ tadŭ kayuh sitŭkŭd taruh andu taruh ngarŭm. Bara dayung ku adi mara ngga adŭp ku re ndai simŭnŭ gŭh. Ripas anŭ, aku re di ka yŭn raja, sunggu-i miranggar ukum-adat aku ndai simŭnŭ. Kambŭi aku patut kabŭs amai aku ndai simŭnŭ, isa-i aku kabŭs.”

ESTHER 4:3

Di ndi tarun tana utung utung rais, di yŭn pinganang ukum raja mbŭh dog kidaan, diginŭ mbŭh agi puās adi raru bana di dupan daya Jahudi. Ngara bipusa, sien ka nyirais, ka bagŭ ngara mbŭh nēn banang guni ka guring di tunduh apuk.

JOB 2:12

Darŭm ngara gibabŭ jo ngara kiris Job, pak dŭh natŭng ayŭh. Kan ngara natŭng ayŭh, ngara rasu nangŭng sien, nyiratak piraka ngara darŭm susah buang taran dabu di au-tarun ka di tunduh ubak ngara.

ISAIAH 22:12

Di tika anŭ TUHAN Raja Bisa-pŭrŭg bagan angān bada sien ka muās, bada angān nundo ubak ngan ka nēn banang guni.

JOEL 2:12

“Pak dŭh-i rambat,” nang TUHAN, “yŭn ngan marik pimudip ngan pari ka Aku ngga siabo asŭng ngan ngga bipusa, sien ka muās.

LEVITICUS 23:39

Kan angān muko ngatŭm ŭmŭh ngan, sita gawai pingatŭm yŭn tipuh ju andu, piguru so andu adi simŭng-rimŭh darŭm buran ju. Sibungas andu inŭh dog nitah jadi andu ngga rŭŭ.

JOSHUA 7:6

Joshua ngga bara pinguru Israel nyiratak piraka ngara darŭm susah ka sipŭŭb nura Pati Simanya ndŭg singumi andu anŭ, ka di ubak ngara agi dabu tana ngga nandā adŭp ngara susah.

PINANDŬNG 11:3

Aku re pait duwŭh naan saksi ku adi nēn piraka guni; ngara re piagah agah so Tapa sitŭkŭd 1,260 andu anŭ.”

AKIM 20:26

Komŭnŭ sopŭrŭg daya Israel di ka Bethel ka muās diginŭ. Ngara tikuruk diginŭ di sirung jawin TUHAN, ka bipusa ndŭg singumi andu. Ngara jugan sadis bidingan ka mŭrŭng badang kada sadis di sirung jawin TUHAN.

1 SAMUEL 4:12

Ndi naan daya so tibaran-asar Benjamin bikaduh so tarun adi yŭn biperang di ka Shiloh, ka mbŭh ndŭg nŭ andu anŭ gŭh. Ngga kiren atin susah-i ayŭh nyiratak piraka-i ka na tana di ubak-i.

1 SAMUEL 7:6

Jadi sopŭrŭg ngara tikuruk di Mizpah. Ngara pēn piin ka ren-i ndu sadis pinganggen ka TUHAN ka bipusa ndi andu andu anŭ. Ngara nang “Ata mbŭh bidosa rawan TUHAN.” (Mizpah inŭh tarun adi yŭn Samuel nyirase kaii daya Israel.)