NEHEMIAH 8:6 - Hakcipta - Biatah Bidayuh

⁶ Ezra nang, “Puji ka TUHAN, Tapa adi bās!” Sopŭrŭg daya pakat tangan ngara ka nam, “Amen! Amen!” Ngara sidikang ka bidua, mutu buang jawin ngara dog tana.

NEHEMIAH 8:6 ပူးပေါင်းရင်းမြစ်များ

TIBIRIK 14:22

Abram nam, “Aku ngga siabo atin ku bipayu di sirung jawin TUHAN, Tapa adi Sambu Sopŭrŭg, Pinapa rangit ngga ong,

TIBIRIK 24:26

Komŭnŭ daya anŭ sidikang ka nyambah TUHAN.

1 KRONIKEL 16:36

Puji ka TUHAN, adi Tapa Israel! Muji meh Ayŭh madin ngga ndŭg situi tui! Komŭnŭ sopŭrŭg daya nang, “Amen”, ka muji TUHAN.

1 KRONIKEL 29:10

Diginŭ di sirung jawin daya bagŭ Raja David muji TUHAN. Ayŭh nang, “TUHAN Tapa Jacob adi babuk ami, isa-i Kaam dog muji ndŭg situi tui!

1 KRONIKEL 29:20

Komŭnŭ David mritah bara daya, “Muji TUHAN adi Tapa ngan!” Ka sopŭrŭg daya muji TUHAN, adi Tapa tayung-babuk ngara, ka ngara mutu rapat ubak ngara nggen stabi di TUHAN ka simŭnŭ gŭh di raja.

2 KRONIKEL 20:18

Komŭnŭ Raja Jehoshaphat mutu rapat ubak-i, buang raŭn-i dog tana, ka sopŭrŭg daya mutu ngga ayŭh ka nyambah TUHAN.

2 KRONIKEL 29:10

“Aku mbŭh ndai pikir ku raan ndai ndi simanya ngga TUHAN, adi Tapa Israel, isa Ayŭh dŭh tia baji ngga ata.

2 KRONIKEL 29:30

Raja ngga bara pinguru bangsa kidaan di daya Levi bada biragu ka TUHAN ragu puji adi dog nuris David ka adi dog nuris Asaph adi nabi. Jadi barang naan biragu ngga pawŭn buang ngara sidikang ka nyambah Tapa.

2 KRONIKEL 6:4

Ayŭh nang, “Puji ka TUHAN adi Tapa Israel! Ayŭh mbŭh bada bitŭtŭk janji adi-I ndai ngga sama ku David kan Ayŭh nang di ayŭh,

NEHEMIAH 5:13

Komŭnŭ aku tambit bŭŭng kupong so kupong ku ka nang buang aku ngambar-i, “Simuti inŭh Tapa ngga tadŭ tadŭ so angān adi dŭh ingat janji-i. Tapa re sirapas ramin ngan ka sopŭrŭg kayuh adi angān biyŭn, ka re bada angān dŭh biyŭn ani ani.” Barang naan daya adi agi diginŭ nang, “Amen!” ka muji TUHAN. Ka bara pinguru gŭh ndai nimun adi mbŭh ngara janji.

NEHEMIAH 8:7

Komŭnŭ ngara makat ka mijog masin masin di yŭn adŭp-i, ka bara daya Levi ati kidaan rati Ukum-adat anŭ di ngara: Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, ka Pelaiah.

MAZMUR 134:2

Pakat tangan ngan darŭm bidua di Ramin-I, ka muji meh TUHAN!

MAZMUR 141:2

Kambat dua ku keya ka kimanyan, tangan adi aku pakat keya ka sadis singumi andu.

MAZMUR 28:2

Dingah aku kan aku mite turung so Kaam, kan aku pakat tangan ku nuju Ramin Mai adi kudus.

MAZMUR 41:13

Puji ka TUHAN, adi Tapa Israel! Muji Ayŭh madin ka ndŭg situi tui! Amen! Amen!

MAZMUR 63:4

Aku re nggen trima kaseh di Kaam sitŭkŭd aku udip; aku re pakat tangan ku ka Kaam darŭm bidua.

MAZMUR 95:3

Amai TUHAN inŭh Tapa Bisa-pŭrŭg, raja adi bikuasa di tunduh sopŭrŭg tapa.

PINYIRUAH 12:27

Angān nam, ‘Ati inŭh sadis Gawai Paska ngga kibās TUHAN, sabab Ayŭh mbŭh nandan ramin ramin daya Israel di Egypt. Ayŭh siŭ bara daya Egypt, pak ata Ayŭh dŭh siŭ.’ ” Bara daya Israel sidikang ka nyambah.

PINYIRUAH 4:31

Ngara sabah, ka kan ngara dingah nang TUHAN mbŭh mandŭg ka ngara ka mbŭh kiris munki masam ngara dog pijera, ngara mutu ubak ngara ka nyambah.

JEREMIAH 28:6

“Kana raru! Aku harap TUHAN sawŭ re ndai simŭnŭ! Aku manŭn harap Ayŭh re bada pinganang-binabi mu jadi bitŭtŭk ka re taban ngga pari so Babylonia sopŭrŭg rata Ramin TUHAN ngga sopŭrŭg daya adi dog taban ngga bu jadi daya-takap.

PUĀS 3:41

Ja ata kuka atin ta ka Tapa di shorga ka bidua,

LEVITICUS 9:24

Gŭgŭh ka TUHAN pait apui ka-i badang sadis badang anŭ, samŭn parad parad adi piramak, di tunduh mija-sambah. Kan bara daya kiris kayuh anŭ, sopŭrŭg ngara nyirais ka mutu ubak nyambah.

MATTHEW 26:39

Ayŭh panu mua juan-i, mŭŭb di tana, ka simayang, “Sama Ku, kambŭi bisa, kadi makuk jera-birasa ati so Aku! Sunggu mŭnŭ dŭhnyah nurut pinyiraan Ku, pak ndai adŭ pinyiraan Mai.”

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

1 CORINTH 14:16

Kan angān nggen trima kaseh darŭm roh, simuki daya biasa adi sua simayang re nang “Amen” yŭn dua trima kaseh ngan? Ngara dŭh puan kayuh adi angān nang.

EPHESUS 1:3

Ata nggen trima kaseh di Tapa adi Sama Tuhan ta Jesus Kristus! Amai darŭm ata udip ndi ngga Kristus Ayŭh mbŭh nyiberkat ata ngga sopŭrŭg berkat roh so shorga.

1 TIMOTHY 2:8

Di tika simayang aku raan dari bidua, ngara adi mbŭh nyerah adŭp ngara ka Tapa ka adi bisa pakat tangan ngara darŭm simayang dŭh ngga baji bait karit.

1 PETER 1:3

Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

PINANDŬNG 7:11

Sopŭrŭg malaikat anŭ mijog maning takta, samŭn bara nyamba, ka pat dāng udip anŭ. Komŭnŭ ngara sidikang buang mutu di jawin takta ka nyambah Tapa,