NEHEMIAH 8:10 - Hakcipta - Biatah Bidayuh

¹⁰ Maad angān ka bigawai. Samah pinguman ngga wain ngan ngga ngara adi dŭh biyŭn sukup pinguman. Andu ati inŭh kudus di TUHAN ta, ka dŭhnyah susah. Pinyigaŭn adi TUHAN nggen di angān re bada angān bake.”

NEHEMIAH 8:10 ပူးပေါင်းရင်းမြစ်များ

1 RAJA 8:66

Di andu adi mai Solomon bada daya maad. Ngara muji ayŭh ka mari gaŭn sabab sopŭrŭg berkat adi TUHAN mbŭh nggen di urun-I David ngga di daya-I Israel.

1 KRONIKEL 16:27

Bragah ngga pinyibake kirurung Ayŭh, kuasa ngga pawŭn ngisi yŭn pinyirŭŭ-I.

NEHEMIAH 8:11

Bara daya Levi nyaduh bara daya ka kidaan di ngara bada dŭh susah di andu adi kudus anŭ.

NEHEMIAH 8:12

Jadi sopŭrŭg daya maad ka arŭn adŭp ngara ka man nok darŭm pawŭn ka samah pinguman ngga dingan ngara, sabab ngara mirati kayuh adi mbŭh dog basa di sirung jawin ngara.

ESTHER 9:19

Anŭ inŭh sabab bara daya Jahudi adi rŭŭ di anak anak kupo bigawai di andu adi simŭng pat darŭm buran Adar, andu adi ngga nggen pinganggen ka pinguman di dingan ngara.

ESTHER 9:22

Anŭ inŭh andu adi ngga daya Jahudi ngarah pinganyu ngara; anŭ inŭh buran adi ngga pimudip jera ngga sangsara dog marik jadi pimudip gaŭn ngga sanang. Ngara dog bada sita andu andu anŭ ngga gawai ka rami, nggen pinganggen pinguman di dingan ka di daya sirata.

MAZMUR 149:2

Gaŭn, Israel, sabab Pinapa ngan; pawŭn, daya Zion, sabab raja ngan!

MAZMUR 89:17

Kaam nggen di kieh pimanang; darŭm pinyirindu Mai Kaam bada kieh mijog tagap.

PITAS 17:22

Atin adi pawŭn bada pŭrŭng bua sanang. Atin adi marar susah pijera adŭp.

EKLISIASTIS 11:2

Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

EKLISIASTIS 2:24

Pingandai manusia adi siabo kana inŭh man ka nok ka pimunos adŭp nŭh ngga kayuh adi mbŭh nŭŭh dapŭd. Pak, aku rada ndŭg ka kayuh ati gŭh mandŭg so Tapa.

EKLISIASTIS 3:13

Sopŭrŭg ata patut man nok ka pimunos adŭp ta ngga kayuh adi ata mbŭh dapŭd so turang udas adŭp ta. Anŭ, pinganggen so Tapa.

EKLISIASTIS 5:18

Ati inŭh kayuh adi aku mbŭh dapŭd: kayuh adi siabo kana inŭh nŭŭh man nok ka pimunos adŭp nŭh ngga kayuh adi nŭŭh dapŭd so turang udas adŭp nŭh darŭm pimudip adi purok adi Tapa mbŭh nggen di ata; anŭ mbŭh nasip manusia.

EKLISIASTIS 9:7

Man adŭ pinguman ngan ka gaŭn; nok wain ngan ka pirami adŭp ngan. Dŭh Tapa nagah.

RAGU 5:1

Pingaten dayung ku adi aku siŭt, aku mbŭh mŭrŭt ka darŭm teya ku. Aku nguruk rapah ngga myrrh ku; aku man ju banyis ngga mara banyis ku; aku nok wain ngga sisuh ku. Man, angān adi biawang, ka nok ndŭg ka angān mabuk ngga pinyiawang!

ISAIAH 49:5

Diŭ so aku dog biranak, TUHAN mbŭh tijuan aku; Ayŭh bada aku jadi urun-I adi taban daya-I ngga pari, adi taban ngga pari daya Israel adi mbŭh papar sasah. TUHAN nggen di aku stabi; Ayŭh inŭh atak pinyibake ku.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

JOEL 2:23

“Gaŭn angān, daya Zion, gaŭn meh angān amai kayuh adi TUHAN adi Tapa ngan mbŭh ndai yŭn ngan. Ayŭh mbŭh nggen di angān sukup ujen di tipuh jaya; Ayŭh mbŭh ren ujen tipuh madud ka ujen tipuh bunga mun dawŭ-i yŭn ngan.

ZECHARIAH 14:21

Barang priok ngga tanŭk di Jerusalem ka di barang yŭn di Judah re dog nitah yŭn pakai di tika nyambah TUHAN Bisa-pŭrŭg. Daya adi jugan sadis re pakai-i ngga tanŭk ngga piin dagin sadis. Kan tika anŭ mbŭh mandŭg, re mating daya dagang tia darŭm Ramin TUHAN Bisa-pŭrŭg.

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

2 CORINTH 8:2

Pinyusah adi dog ngara mbŭh bana suba ngara; pak sabab pinyigaŭn ngara adi raru bās ngara ngga atin adi dŭh sibut jugan pinganggen, sunggu ngara daya adi sirata.

PHILIPPI 3:4

Aku bisa gŭh, sibandar-i, bisangan di adat pŭrŭng. Ka kambŭi daya pikir adŭp-i bisa bisangan di adat pŭrŭng, aku rabis biyŭn bagŭ sabab yŭn ku ndai simŭnŭ.

PINANDŬNG 11:10

Bara daya di ong re gaŭn sabab pinyikabŭs ngara duwŭh ati. Ngara re bigawai ka pait buwa-tangan ka dingan ngara, sabab kayuh adi mbŭh jadi di tunduh duwŭh naan nabi anŭ adi ko mito rayat manusia.

1 SAMUEL 25:8

Bisa siken ngara, ka ngara re kidaan di kaam. Kieh mandŭg di tika gawai, ka David mite kaam trima kieh ngga sanang asŭng. Turung nggen kayuh adi kaam biyŭn di kieh urun mai ka di David adi jerā mai.”