NEHEMIAH 7:3 - Hakcipta - Biatah Bidayuh

³ Aku kidaan di ngara bada dŭh kuka tiban tiban-bās Jerusalem isan isan kambŭi andu gibayuh sukup jawa. Ka aku bada ngara ngabŭt-i ngga parang sibayuh bara tukang jaga mari nyiraja singumi andu. Aku gŭh kidaan di ngara bada tijuan tukang jaga so dupan bara daya adi rŭŭ di Jerusalem ka kada so ngara anŭ patut dog nggen tarun yŭn bijaga; ka ngara adi bŭkŭn an panu bijaga maning ramin adŭp ngara.

NEHEMIAH 7:3 ပူးပေါင်းရင်းမြစ်များ

NEHEMIAH 13:19

Jadi aku nggen ukum bada tiban-bās kupo dog tŭŭp piguru di andu Sabbath, kan-i mbŭh singumi andu, ka dŭh siŭn dog kuka dinge ndŭg ka-i mbŭh ripas andu Sabbath. Aku tijuan kada daya bada jaga di tiban-bās isa daya dŭh taban kayuh ka darŭm kupo di andu Sabbath.

NEHEMIAH 3:23

Benjamin ngga Hasshub pijog tung ngara tŭtŭb tubu anŭ, adi di jawin ramin adŭp ngara; Azariah anak Maaseiah ka sukuh Ananiah, pijog jangi tŭtŭb tubu anŭ adi di jawin ramin adŭp-i;

NEHEMIAH 7:2

Aku bada jurud ku Hanani mritah Jerusalem, ka Hananiah aku bada jadi pingibās soldadu kuta. Hananiah inŭh daya adi bisa dog sabah buang daya adi taru di Tapa. Mating daya bŭkŭn re mun ayŭh.

NEHEMIAH 7:4

Jerusalem inŭh kupo adi bayah, pak dŭh bagŭ daya rŭŭ dieh, ka gibayuh bagŭ ramin dog pijog dieh.

MAZMUR 127:1

Kambŭi TUHAN dŭh pijog ramin, pingandai tukang ramin dŭh biguna; kambŭi TUHAN dŭh grindung kupo, dŭh inŭh biguna bada daya jaga-i.

MAZMUR 147:13

Ayŭh bada tiban tiban-bās mu tagap; Ayŭh nyiberkat daya mu.

MATTHEW 10:16

“Dingah ati! Aku pait angān keya ka biri ka ruang kasong tarun. Angān dŭh siŭn dŭh an nakit mun jippŭh ka duduh mun manuk asang.