NEHEMIAH 7:2 - Hakcipta - Biatah Bidayuh

² Aku bada jurud ku Hanani mritah Jerusalem, ka Hananiah aku bada jadi pingibās soldadu kuta. Hananiah inŭh daya adi bisa dog sabah buang daya adi taru di Tapa. Mating daya bŭkŭn re mun ayŭh.

NEHEMIAH 7:2 ပူးပေါင်းရင်းမြစ်များ

TIBIRIK 42:18

Ngga andu adi taruh Joseph nang di ngara, “Aku ati daya adi taru di Tapa, aku bisa dŭh siŭ angān adŭ-i so ndi masam atur.

2 SAMUEL 23:3

Tapa Israel mbŭh minyu, pinyigrindung Israel nang di aku: “Raja adi mritah ngga pinŭnggŭn, adi mritah darŭm nundok di Tapa,

1 RAJA 18:12

Munki kambŭi roh TUHAN tambit ka taban kaam ka tarun adi dŭh daya puan, kan aku mbŭh matak. Komŭnŭ, kan aku kidaan di Ahab nang kaam agi digiti ka ayŭh dŭh tungang dapŭd kaam, ayŭh re siŭ aku. Ingat aku ati daya adi tŭtŭd nyambah TUHAN so aku gi-sŭ.

1 RAJA 18:3

ka Ahab bagan Obadiah bada mŭrŭt, adi tukang kingat kayuh di istana. (Obadiah inŭh daya adi tŭtŭd nyambah TUHAN,

NEHEMIAH 1:2

Hanani, ndi naan so jurud dari ku, mandŭg so Judah ngga tibaran adi bŭkŭn, ka aku siken ngara pasar Jerusalem ka pasar bara dingan ami adi samah daya Jahudi adi mbŭh mari ripas ko dog taran ka Babylonia.

NEHEMIAH 13:13

Aku tijuan ngara ati bada nguasa birit birit-pinyirikŭn: Shelemiah, adi imam; Zadok, adi sukup pandai di Ukum-adat; ka Pedaiah, adi daya Levi. Hanan, adi anak Zaccur ka sukuh Mattaniah, jadi gapit ngara. Aku puan ka sabah ngara daya adi jujur darŭm kutung biranja man di dingan ngara adi samah daya adi nyiraja.

NEHEMIAH 2:8

Aku mite gŭh surat an ku taban ka Asaph adi tukang jaga tuān raja, kidaan di ayŭh bada nggen di aku betang betang kayuh ngga ndai tiban tiban-bās kuta adi ngibān Ramin TUHAN, ngga ndai sindung kupo, ka ngga ndai ramin adi re aku yŭn rŭŭ. Raja nggen di aku sopŭrŭg adi aku mite, sabab Tapa agi ngga aku.

NEHEMIAH 5:15

Sopŭrŭg gabenor adi diŭ so aku mbŭh jadi pinyirabis bat di rayat ka mbŭh mite 40 kiping duit pirak barang andu yŭn pinguman ngga wain. Bara pinurung ngara ani agi kinanyuh rayat. Pak aku dŭh an mun anŭ, sabab aku taru buang stabi di Tapa.

NEHEMIAH 7:3

Aku kidaan di ngara bada dŭh kuka tiban tiban-bās Jerusalem isan isan kambŭi andu gibayuh sukup jawa. Ka aku bada ngara ngabŭt-i ngga parang sibayuh bara tukang jaga mari nyiraja singumi andu. Aku gŭh kidaan di ngara bada tijuan tukang jaga so dupan bara daya adi rŭŭ di Jerusalem ka kada so ngara anŭ patut dog nggen tarun yŭn bijaga; ka ngara adi bŭkŭn an panu bijaga maning ramin adŭp ngara.

JOB 1:1

Agi ndi naan daya dŭn Job, rŭŭ di tarun tana Uz, adi nyambah Tapa ka tŭtŭd di Ayŭh. Ayŭh daya adi kana, adi raru nakit ngga adŭp-i dŭh ndai kayuh arap.

MAZMUR 101:6

Aku re nyibandar daya adi tŭtŭd di Tapa ka re bada ngara rŭŭ di istana ku. Ngara adi sukup jujur re dog nyibandar ngidang aku.

PINYIRUAH 18:21

Pak nambah anŭ, kuu patut mien kada daya adi bisa jadi pinguru bara daya: pinguru biribu naan daya, biratus naan daya, rimŭh puru ka simŭng naan daya. Ngara dŭh siŭn dŭh daya adi taru di Tapa, adi bisa dog sabah ka dŭh dapŭd dog nyuap.

DANIEL 6:4

Komŭnŭ bara adi tukang ngatur kraja bara gabenor ngga adŭp bara gabenor suba jiroh arap Daniel di gaya-i ndai kraja yŭn empaya, pak ngara dŭh dapŭd, sabab Daniel inŭh daya adi bisa dog sabah ka dŭh ndai sarah buang-i daya adi jujur.

PINYIKIANG 12:7

Pak-i dŭh simŭnŭ kan Aku minyu ngga urun Ku Moses; Aku mbŭh bada ayŭh jadi pinguru sopŭrŭg bara daya Ku Israel.

MATTHEW 24:45

“Asi meh garang, daya-gaji adi tŭtŭd ka adi bijak? Ayŭh inŭh sianŭ adi tuan-i tijuan da jaga daya daya-gaji adi bŭkŭn, da nggen man di ngara di jam adi patut.

MATTHEW 25:21

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

1 CORINTH 4:2

Ndi kayuh adi dŭh siŭn dŭh di bara urun adi mun anŭ, anŭ inŭh ngara an tŭtŭd di tuan ngara.

2 TIMOTHY 2:2

Taban ajar adi kuu ko dingah aku piagah di sirung jawin bagŭ saksi, ka mbas pasan-i di tangan daya adi bisa dog harap, adi bisa ngajar daya bŭkŭn gŭh.