NEHEMIAH 6:6 - Hakcipta - Biatah Bidayuh

⁶ Sakati surat anŭ: “Geshem kidaan di aku nang mbŭh agi dog dingah di dupan daya di rais rais adi maning ati nang kuu ngga bara daya Jahudi suba an rawan pritah ka anŭ inŭh sabab kuu pari pijog sindung kupo. Ayŭh gŭh nang kuu bipusar an bada adŭp mu jadi raja

NEHEMIAH 6:6 ပူးပေါင်းရင်းမြစ်များ

EZRA 4:12

“Kieh raan Tuan Raja puan nang bara daya Jahudi adi mandŭg kamati so tarun tana mai adi bŭkŭn mbŭh rŭŭ di Jerusalem ka aŭn pari pijog kupo adi arap ka adi sipŭ anŭ. Ngara mbŭh piguru pari pijog sindung sindung ka mbŭh re rikas ngamas-i.

EZRA 4:15

kaam nggen ukum bada daya pirasa rekod tayung-babuk mai adi dog nyikŭn. Kaam re puan nang kupo anŭ taŭn ari an birawan ka so jah ari nyusah raja raja ngga pimritah di utung utung rais. Daya-i marar mbar dog mritah. Anŭ inŭh sabab kupo anŭ dog nyirubuh.

NEHEMIAH 2:19

Kan Sanballat, Tobiah, ngga ndi naan daya Arab dŭn Geshem dingah kayuh adi re ami ndai, ngara tawŭh kieh ka nang, “Ani anŭ ndai ngan? Angān re rawan pritah raja-empaya kah?”

NEHEMIAH 6:13

Ngara ngupah ayŭh bada pirawan aku isa aku ndai dosa, amai darŭm ndai simŭnŭ ngara dapŭd pirusak dŭn ku ka pimangŭh aku.

NEHEMIAH 6:5

Komŭnŭ Sanballat pait ndi naan so bara daya gaji-i ngga pinganang adi numbor rimŭh, pak kari ati ngga surat adi tikuka.

NEHEMIAH 6:7

ka nang kuu mbŭh ngatur bada kada nabi kidaan di daya bagŭ nang kuu inŭh raja Judah. Tuan Raja tatu re puan pasar kayuh anŭ, jadi aku pikir kana dŭ ata duwŭh bidapŭd ka kirakar pasar kayuh anŭ.”

JEREMIAH 20:10

Aku dingah barang naan daya sigayas, “Pinyitaru mbŭh di barang yŭn! Ja di ripot ayŭh di ngara adi bikuasa!” Ndŭg ka bara jerā ku kajŭn pinyirabu ku. “Kadŭ ayŭh dapŭd dog ngarah pakai aran tipu,” ngara nang; “ka ata dapŭd nakap ayŭh ka maras dendam.”

MATTHEW 5:11

“Sanang inŭh angān kan daya pimangŭh angān, kisiis angān ka napŭ angān sabab angān pinunda Ku.

LUKE 23:2

diginŭ ngara piguru nyarah Ayŭh: “Kieh mbŭh dapŭd daya ati kinanyap bangsa ami ngga ajar-I, nang kieh dŭh siŭn bayar suke ka Caesar, buang-I nang adŭp-I Kristus, adi raja.”

JOHN 19:13

Kan Pilate dingah pinganang anŭ, ayŭh taban Jesus ka sapa ka guru di baku bisara di awah adi dog kadŭn “Awah Batuh.” (Darŭm piminyu Hebrew anŭ inŭh “Gabbatha.”)

ROME 3:8

Mani dŭh nang, “Ja ata ndai arap isa kayuh kana timbur”? Agi daya, taŭn mbŭh pimangŭh aku darŭm-i nyarah aku nang aku agi minyu sakanŭ! Ngara re dog nunggu, nimun patut.

2 CORINTH 6:8

Kieh dog stabi ka dog pimangŭh; kieh dog ngamun ka dog muji. Daya nang kieh pingadong, pak kieh minyu kayuh adi sawŭ.

1 PETER 3:16

Pak nam ngara ngga duduh ngga stabi. Bada pikir-kira atin ngan bisig, isa kan angān dog pimangŭh, ngara adi kinarap urah-rakah ngan adi kana adi tunda Kristus, re mangŭh ngarun kayuh adi adŭp ngara ko nang.