NEHEMIAH 6:1 - Hakcipta - Biatah Bidayuh

¹ Sanballat, Tobiah, Geshem ngga bara pinganyu ami adi bŭkŭn dingah kieh mbŭh ngamas pijog sindung ka mating tia rubang dieh, sunggu kieh gibayuh na sindung sindung tiban di tiban-bās.

NEHEMIAH 6:1 ပူးပေါင်းရင်းမြစ်များ

NEHEMIAH 13:4

Imam Eliashib, adi nguasa birit birit-pinyirikŭn Ramin TUHAN, mbŭh tian-ti bidingan rapat ngga Tobiah.

NEHEMIAH 2:10

Pak Sanballat, so kupo Beth Horon, ngga Tobiah, ndi naan pinurung di utung rais Ammon, dingah daya agi mandŭg an nyiraja yŭn kana daya Israel, mbŭh raru bangok.

NEHEMIAH 2:19

Kan Sanballat, Tobiah, ngga ndi naan daya Arab dŭn Geshem dingah kayuh adi re ami ndai, ngara tawŭh kieh ka nang, “Ani anŭ ndai ngan? Angān re rawan pritah raja-empaya kah?”

NEHEMIAH 3:1

Simuti inŭh sindung kupo pari dog pijog. Imam Bās Eliashib ngga bara dingan-i adi samah imam pari pijog Tiban Biri, nyikudus-i, ka na sindung sindung tiban dieh. Ngara nyikudus sindung Jerusalem jeh ndŭg Tawā Siratus ngga Tawā Hananel.

NEHEMIAH 3:3

Manak Hassenaah pijog Tiban Iken. Ngara na parang tiban ka sindung sindung tiban dieh, ka na abŭt parang sikutang ngga ngabŭt tiban anŭ.

NEHEMIAH 3:6

Joiada anak Paseah ngga Meshullam anak Besodeiah pari pijog Tiban Jeshanah. Ngara na parang ka sindung sindung tiban dieh, ka na abŭt parang sikutang ngga ngabŭt tiban anŭ.

NEHEMIAH 4:1

Kan Sanballat dingah kieh daya Jahudi pari pijog sindung kupo, ayŭh baji ka piguru ngamun kieh.

NEHEMIAH 7:1

Ka madin sindung kupo mbŭh kamas pari dog pijog, sindung sindung tiban-bās mbŭh dog na, ka bara tukang jaga ramin TUHAN, bara pinyanyi, ka bara daya Levi adi bŭkŭn mbŭh dog nggen kraja ngara.

DANIEL 9:25

Ngatin ka mirati kayuh ati: so andu pinganang dog nggen bada pari pijog Jerusalem, ndŭg andu pinguru adi Tapa mien mandŭg, ju kari ju sawa re ripuan. Jerusalem re pari dog pijog ngga anak anak aran passar ngga sindung sindung adi tagap, ka re mijog sitian ju kari ju puru sawa, pak anŭ re tipuh susah.