NEHEMIAH 5:13 - Hakcipta - Biatah Bidayuh

¹³ Komŭnŭ aku tambit bŭŭng kupong so kupong ku ka nang buang aku ngambar-i, “Simuti inŭh Tapa ngga tadŭ tadŭ so angān adi dŭh ingat janji-i. Tapa re sirapas ramin ngan ka sopŭrŭg kayuh adi angān biyŭn, ka re bada angān dŭh biyŭn ani ani.” Barang naan daya adi agi diginŭ nang, “Amen!” ka muji TUHAN. Ka bara pinguru gŭh ndai nimun adi mbŭh ngara janji.

NEHEMIAH 5:13 ပူးပေါင်းရင်းမြစ်များ

2 RAJA 23:3

Ayŭh mijog sindŭk tiang bās adi taŭn mbŭh dog sidia yŭn raja, ka ndai simanya ngga TUHAN an tŭtŭd di Ayŭh, an sita ukum ukum-adat ngga pesan ngga siabo atin-i ka ngga siabo asŭng-i, ka ndai nanyam ka adi mbŭh dog miratak yŭn simanya anŭ, nimun adi mbŭh dog nuris darŭm surat anŭ. Ka sopŭrŭg daya bijanji an sita simanya anŭ.

1 KRONIKEL 16:36

Puji ka TUHAN, adi Tapa Israel! Muji meh Ayŭh madin ngga ndŭg situi tui! Komŭnŭ sopŭrŭg daya nang, “Amen”, ka muji TUHAN.

NEHEMIAH 8:6

Ezra nang, “Puji ka TUHAN, Tapa adi bās!” Sopŭrŭg daya pakat tangan ngara ka nam, “Amen! Amen!” Ngara sidikang ka bidua, mutu buang jawin ngara dog tana.

MAZMUR 119:106

Aku re bidigŭng di payu ku ka tunda ajar Mai adi tŭnggŭn.

MAZMUR 50:14

Bada pinganggen trima kaseh jadi sadis ngan ka Tapa, ka nggen di Ayŭh adi Bisa-pŭrŭg sopŭrŭg adi angān mbŭh bijanji an nggen.

MAZMUR 76:11

Nggen ka TUHAN adi Tapa ngan kayuh adi angān mbŭh bijanji an nggen; taban pinganggen ka Ayŭh, sopŭrŭg ngan bangsa adi maning tarun tana ati. Tapa bada barang naan daya taru di Ayŭh;

PITAS 28:4

Kambŭi kuu dŭh sita ukum-adat, kuu mbŭh di parad daya ginaka; pak kambŭi kuu sita ukum-adat, kuu mbŭh rawan daya ginaka.

EKLISIASTIS 5:5

Kana dŭ dŭhsah ndai janji so nŭŭh ndai janji ka dŭh tungang sita-i.

PINYIKIANG 5:22

Isa-i piin ati mŭrŭt tain mu ka bada-i bakak ka bada buat mu kŭrŭng.” Dayung anŭ siŭn nam, “Aku situju; isa-i TUHAN ndai simŭnŭ.”

MATTHEW 10:14

Ka kambŭi daya puan kah kupo dŭh an kambat angān, puan kah abah dingah angān, bu so nŭ ka gutog dabu so kaja ngan.

PINGANDAI 13:51

Paul ngga Barnabas tapis dabu so kaja ngara ngga matah ngara, ka ngara di ka Iconium.

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

1 CORINTH 14:16

Kan angān nggen trima kaseh darŭm roh, simuki daya biasa adi sua simayang re nang “Amen” yŭn dua trima kaseh ngan? Ngara dŭh puan kayuh adi angān nang.

1 SAMUEL 15:28

Samuel nang di ayŭh, “TUHAN mbŭh nyiratak pritah Israel so kuu andu ati ka nggen-i di daya bŭkŭn adi rabis kana so kuu.