NEHEMIAH 4:20 - Hakcipta - Biatah Bidayuh

²⁰ Kambŭi angān dingah trompet dog mambak, angān an tikuruk maning aku. Tapa ta re birawan yŭn ta.”

NEHEMIAH 4:20 ပူးပေါင်းရင်းမြစ်များ

1 KRONIKEL 19:12

Joab nang di ayŭh, “Kambŭi kuu kiris daya Syria tatŭng bake dŭ so aku, mandŭg di turung aku, ka kambŭi daya Ammon tatŭng bake dŭ so kuu, aku mandŭg di turung kuu.

NEHEMIAH 4:19

Aku kidaan di rayat ngga bara pinurung ka pinguru ngara, “Buka kraja ta ati paŭh bayah ka ambu, ka ata meh paŭh jo so dingan ta di sindung.

NEHEMIAH 4:21

Jadi meh, barang andu so isan isan ndŭg ka bitang tatŭng singarŭm, sitangah so kieh nyiraja di sindung, darŭm sitangah adi bŭkŭn bijaga ngga jarok ngara.

PINYIRUAH 14:14

Adŭp TUHAN re birawan yŭn ngan. Angān dŭhsah ndai ani ani.”

PINYIRUAH 14:25

Ayŭh bada kaja kaja krita kuda ngara bakŭt panu, ndŭg ka ngara mbŭh briyuh buang mbar re panu. Bara daya Egypt anŭ nang, “TUHAN mbŭh birawan ngga ata yŭn daya Israel. Ja bu so ti!”

ZECHARIAH 14:3

Komŭnŭ TUHAN re ruah ka biperang rawan bangsa bangsa anŭ, mun dawŭ-i.

DITRONOMI 1:30

TUHAN adi Tapa ngan re nguru angān, ka re birawan yŭn ngan nimun adi muko angān kiris Ayŭh birawan yŭn ngan di Egypt,

DITRONOMI 20:4

TUHAN adi Tapa ngan re matak ayō angān, ka Ayŭh re nggen di angān pimanang.’

DITRONOMI 3:22

Dŭhnyah taru ngara, amai TUHAN adi Tapa ngan re birawan yŭn ngan.’

JOSHUA 23:10

Tadŭ tadŭ so angān tungang bada siribu naan daya bu, sabab TUHAN adi Tapa ngan inŭh adi birawan yŭn ngan, nimun adi Ayŭh mbŭh janji.