NEHEMIAH 4:2 - Hakcipta - Biatah Bidayuh

² Di jawin bara adi ayō ayŭh ngga bara soldadu daya Samaria ayŭh nang, “Ani anŭ adi bara daya Jahudi adi budo anŭ ndai? Ngara an pari pijog kupo anŭ kah? Ngara pikir ngara tungang ngamas kraja ngara darŭm ndi andu amai mbŭh jugan sadis kah? Dapŭd kah ngara pakai tugung batuh adi mbŭh sau anŭ ngga piramin?”

NEHEMIAH 4:2 ပူးပေါင်းရင်းမြစ်များ

EZRA 4:4

Ripas anŭ bara daya adi rŭŭ di tarun tana anŭ suba an pijimŭ ka pirawan daya Jahudi isa ngara dŭh pijuu kraja piramin ngara.

NEHEMIAH 12:27

Kan sindung kupo Jerusalem dog nyikudus, bara daya Levi dog taban kamanŭ so yŭn ngara rŭŭ, isa ngara dapŭd sua darŭm kraja nyikudus anŭ buang nang ragu trima kaseh dog kayak ngga jawŭn sigager ka kachapi.

NEHEMIAH 12:43

Di andu anŭ bagŭ sadis dog jugan, ka bara daya mbŭh raru gaŭn sabab Tapa mbŭh bada ngara pawŭn. Bara dayung ngga anak-anya sua di gawai anŭ, ka dudu adi ngara ndai dapŭd dog dingah so jo.

NEHEMIAH 4:10

Bara daya Judah nang ndi ragu: “Kieh bitambah ramah kabis pinyirabis; Mbŭh raru bagŭ sapok an dog taran. Simuki kieh re pijog sindung andu ati?”

NEHEMIAH 6:15

Ripas 52 andu sindung anŭ mbŭh kamas dog pijog di andu adi 25 darŭm buran Elul.

MAZMUR 83:4

Ngara nang, “Ja ata di pirabur bangsa ngara, isa Israel dŭh re tia dog ingat ndŭg situi tui.”

JEREMIAH 26:18

“Di andu Hezekiah jadi raja Judah, nabi Micah so Moresheth kidaan di sopŭrŭg daya nang TUHAN Bisa-pŭrŭg mbŭh nang, ‘Zion re dog majak mun ŭmŭh, Jerusalem re jadi tugung rakang tibawang, ka sandah Ramin TUHAN re jadi tuān.’

JEREMIAH 33:24

“Puan mu kah daya minyu nang Aku mbŭh tirawan Israel ngga Judah, duwŭh rawang anŭ adi Aku mbŭh mien? Ngapŭi meh ngara tiru di daya Ku ka dŭh tia nyirundeng ngara ndi bangsa.

DANIEL 9:25

Ngatin ka mirati kayuh ati: so andu pinganang dog nggen bada pari pijog Jerusalem, ndŭg andu pinguru adi Tapa mien mandŭg, ju kari ju sawa re ripuan. Jerusalem re pari dog pijog ngga anak anak aran passar ngga sindung sindung adi tagap, ka re mijog sitian ju kari ju puru sawa, pak anŭ re tipuh susah.

HABAKKUK 3:2

O TUHAN, aku mbŭh dingah pasar kayuh adi Kaam mbŭh ndai, ka aku angan-i. Madin ndai dinge di jaman ati pingandai bās adi Kaam ari ndai. Masi di kieh, bait-i di tika Kaam baji.

ZECHARIAH 12:8

Di tika anŭ TUHAN re grindung ngara adi rŭŭ di Jerusalem, ka ngara adi siabo ramah di dupan ngara re jadi bake mun David gŭh. Sesang sesang David re nguru ngara mun adi dog nguru malaikat TUHAN, ka mun adi dog nguru adŭp Tapa.

ZECHARIAH 4:10

Ngara asa sabab kraja piramin anŭ paŭh sais. Pak ngara re kiris Zerubbabel pijuu pijog Ramin TUHAN, ka anŭ re bada ngara sanang asŭng.” Malaikat anŭ nang di aku, “Rati ju prita anŭ inŭh ju batŭh TUHAN, adi nyibatŭh ndi ong ong.”

1 CORINTH 1:27

Tapa saji-I mbŭh mien kayuh adi ong nyirundeng au-tarun ngga pimangŭh ngara adi bijak, ka kayuh adi ong nyirundeng ramah ngga pimangŭh ngara adi bikuasa.