NEHEMIAH 13:12 - Hakcipta - Biatah Bidayuh

¹² Komŭnŭ sopŭrŭg daya Israel piguru pari taban ka birit-pinyirikŭn Ramin TUHAN pinganggen ngara ndi utung-so-simŭng so ruwang ruwang kayuh, wain, ka inyo kanā.

NEHEMIAH 13:12 ပူးပေါင်းရင်းမြစ်များ

2 KRONIKEL 31:4

Ngga nambah anŭ, raja bada daya Jerusalem taban pinganggen adi tah tung bara imam ngga daya Levi, isa ngara dapŭd nggen sopŭrŭg masā ngara nanyam adi mbŭh dog miratak Ukum-adat TUHAN.

2 KRONIKEL 31:5

Kan pinganang mbŭh dog nggen, bara daya Israel taban pinganggen gandom adi siabo kana, wain, inyo kanā, ju banyis, ka kayuh kayuh adi bŭkŭn so teya, ka ngara gŭh taban ndi utung so-simŭng so barang masam kayuh adi ngara biyŭn.

NEHEMIAH 12:44

Di tika anŭ bara daya agi dog tijuan bada nguasa birit birit-pinyirikŭn di yŭn pinganggen yŭn Ramin TUHAN dog nyikŭn, samŭn pinganggen ndi utung-so-simŭng ka buwa buwa bungas adi masak barang sawa. Ngara anŭ inŭh adi dapu tanggong sun so teya sindŭk barang kupo pinganggen yŭn bara imam ngga bara daya Levi nimun adi mbŭh dog miratak di Ukum-adat. Sopŭrŭg daya Judah munos asŭng di bara imam ngga bara daya Levi,

LEVITICUS 27:30

Ndi utung so simŭng so sopŭrŭg buwa tana, bait gandom puan kah buwa kayuh, mbŭh TUHAN dapu.

MALACHI 3:10

Taban sopŭrŭg pinganggen ndi utung-so-simŭng ngan ka Ramin TUHAN, isa pinguman jadi bagŭ diginŭ. Suba Aku, ka angān re kiris Aku kuka pinjan shorga ka ren di tunduh ngan barang masam kayuh kana.

MALACHI 3:8

Aku siken angān, kayuh adi batur kah nŭŭh nipu Tapa? Taŭn-i dŭh, pak angān nipu Aku. ‘Munki?’ angān siken. Di har pinganggen ndi utung-so-simŭng ngan ngga sadis ngan.

DITRONOMI 14:22

“Nyidŭrŭ ndi utung-so-simŭng so buwa tana ngan barang sawa.