NEHEMIAH 1:6 - Hakcipta - Biatah Bidayuh

⁶ Tingga aku, TUHAN, ka dingah dua ku, darŭm aku bidua sandu ngga singarŭm yŭn bara urun Mai, daya Israel. Aku ngaku kieh, adi daya Israel, mbŭh bidosa. Tayung-babuk ku ngga adŭp ku mbŭh bidosa.

NEHEMIAH 1:6 ပူးပေါင်းရင်းမြစ်များ

1 RAJA 8:30

Dingah dua ku ngga dua daya Mai kan ngara nura tarun ati buang simayang. So ramin Mai di shorga dingah kieh ka apun kieh.

1 RAJA 8:47

dingah dua daya Mai. Kambŭi diginŭ di tarun tana anŭ ngara marik pimudip ngara pari ka Kaam ka bidua ka Kaam, ngaku munki masam bidosa buang ginaka ngara, dingah dua ngara, O TUHAN.

2 KRONIKEL 28:10

Ka madin angān re bada daya Jerusalem ngga Judah jadi bara urun ngan. Dŭh kah angān puan adŭp ngan mbŭh bidosa rawan TUHAN adi Tapa ngan?

2 KRONIKEL 29:6

Tayung-babuk ta dŭh tŭtŭd di TUHAN adi Tapa ta ka ndai kayuh adi dŭh pimunos asŭng-I. Ngara dŭh piduri tarun yŭn pinyirŭŭ-I.

2 KRONIKEL 6:40

“Madin, O Tapa ku, tingga kieh ka dingah dua adi dog jugan ka Kaam di ramin ati.

EZRA 10:1

Sitadŭn Ezra mutu ubak-i bidua di jawin Ramin TUHAN, sien ka ngaku sopŭrŭg dosa anŭ, ndi tibaran daya Israel — dari, dayung, ngga anak-anya — mandŭg ka tikuruk maning ayŭh, bandar bandar sien.

EZRA 10:11

Sabab anŭ, ngaku dosa ngan ka TUHAN, adi Tapa tayung-babuk ngan, ka ndai kayuh adi pimunos asŭng-I. Pijo adŭp ngan so daya bangsa bŭkŭn adi rŭŭ di tarun tana ta ka bada bu sawŭn ngan adi dayung bangsa bŭkŭn.”

NEHEMIAH 1:11

Dingah meh dua ku, ka dua urun urun Mai adi bŭkŭn adi raan stabi di Kaam. Bada aku mujur andu ati ka bada raja-empaya masi di aku.” Dawŭ-i aku muko jadi tukang pingidang wain raja-empaya.

MAZMUR 102:17

Ayŭh re dingah daya-I adi-I ko tagan ka dŭh turak pimite ngara.

MAZMUR 106:6

Kieh mbŭh bidosa nimun tayung-babuk ami; kieh mbŭh ginaka buang arap.

MAZMUR 130:2

Dingah sien ku, O TUHAN; dingah sirŭŭn ku mite turung!

MAZMUR 32:5

Komŭnŭ aku ngaku dosa ku di Kaam; aku dŭh sukan pingandai sarah ku. Aku mbŭh natu an ngaku-i di Kaam, ka Kaam apun sopŭrŭg dosa ku.

MAZMUR 34:15

TUHAN nyibatŭh daya adi tŭnggŭn ka dingah sien ngara;

MAZMUR 55:17

Isan isan, kumbeng, ka singarŭm aku ngadu ngga nyidaing, Ayŭh dingah aku; Ayŭh re dingah sirŭŭn ku.

MAZMUR 88:1

TUHAN Tapa, adi pinyikudip ku, aku bagan ndi andu andu, ka singarŭm aku mandŭg ka sirung jawin Mai.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

PUĀS 5:7

Tayung-babuk ami bidosa, pak madin ngara mbŭh mating, ka kieh mbŭh sangsara amai dosa ngara.

DANIEL 9:15

“O TUHAN adi Tapa ami, Kaam mbŭh kiren kuasa Mai darŭm Kaam taban daya Mai ruah so Egypt, ka kuasa Mai inŭh babŭ dog ingat. Kieh mbŭh bidosa; kieh mbŭh ndai sarah.

DANIEL 9:20

Aku babŭ bidua, ngaku dosa ku ngga dosa daya ku bangsa Israel, ka mite turung so TUHAN adi Tapa ku bada pari pijog Ramin-I adi kudus.

DANIEL 9:4

Aku bidua ka TUHAN adi Tapa ku ka ngaku dosa daya bangsa ku. Aku nang, “TUHAN Tapa, Kaam inŭh bās, ka kieh stabi di Kaam. Kaam inŭh tŭtŭd ngga simanya Mai ka kiren pinyirindu adi dŭh bisa birubah di ngara adi rindu di Kaam ka adi ndai kayuh adi Kaam pesan.

DANIEL 9:5

“Kieh mbŭh bidosa, kieh mbŭh ndai arap, kieh mbŭh ndai sarah. Kieh mbŭh tirawan kayuh adi Kaam pesan di kieh bada ndai ka mbŭh miriseu so kayuh adi Kaam nang batur.

DANIEL 9:8

Bara raja ami, pimritah ami, ka tayung-babuk ami mbŭh ndai kayuh adi mangŭh nŭŭh ngarun ka mbŭh bidosa rawan Kaam, TUHAN.

LUKE 18:7

Dŭh kah meh Tapa re an turung daya-I adi dŭh ko ko mite turung so Ayŭh sandu singarŭm? Re sais kah Ayŭh turung ngara?

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

1 TIMOTHY 5:5

Dayung uban adi mbŭh rŭŭ sadi, dŭh biyŭn daya adi tukang jaga ayŭh, mbŭh na pingarap-i di Tapa buang adu adu simayang mite turung so Ayŭh sandu singarŭm.

2 TIMOTHY 1:3

Aku nggen trima kaseh di Tapa, di yŭn ku bituan ngga pikir-kira atin ku adi bisig, nimun tayung-babuk ku jah. Aku nggen trima kaseh di Ayŭh darŭm ku siraru ingat kuu darŭm dua ku sandu ngga singarŭm.

1 JOHN 1:9

Pak kambŭi ata ngaku dosa ta ka Tapa, Ayŭh re ingat janji-I ka ndai nanyam patut: Ayŭh re apun dosa ta ka pibisig ata so sopŭrŭg pingandai sarah ta.

1 SAMUEL 15:11

“Aku nyesar aku bada Saul jadi raja; ayŭh nyipunok aku ka mbŭh nyibireu pesan ku.” Samuel baji ka ndi ngarŭm ngarŭm ayŭh bidua ka TUHAN.