NAHUM 1:3 - Hakcipta - Biatah Bidayuh

³ TUHAN dŭh udah baji, pak Ayŭh bikuasa ka bŭn tandah daya adi sarah dŭh dog ukum. Di yŭn TUHAN panu, sabak ribut makat; Abun inŭh dabu so yŭn kaja-I bidigang!

NAHUM 1:3 ပူးပေါင်းရင်းမြစ်များ

2 SAMUEL 22:10

Ayŭh kuka rangit ka mūn, ngga kruman adi singŭt di ribo kaja-I.

NEHEMIAH 9:17

Ngara abah dingah pinganang; ngara kambŭt sopŭrŭg kayuh adi Kaam mbŭh ndai; ngara kambŭt pingandai-nginga adi Kaam mbŭh ndai. Darŭm sambuh, ngara mien ndi naan pinguru bada taban ngara pari jadi urun di Egypt. Pak Kaam inŭh Tapa adi an apun; Kaam inŭh mandis buang rindu daya, ka sais baji. Masi Mai inŭh bās; Kaam dŭh tagan ngara.

JOB 10:14

Kaam taŭn mbŭh nyibatŭh aku kadŭ aku an ndai dosa, isa Kaam bisa abah apun aku.

JOB 38:1

Komŭnŭ, so sabak ribut, TUHAN minyu di Job.

JOB 9:4

Tapa inŭh raru bijak ka bikuasa; mating daya tungang rawan Ayŭh.

MAZMUR 103:8

TUHAN inŭh puno ngga pinyirasi ngga pinyirindu, sais baji buang puno ngga pinyirindu adi dŭh bisa birubah.

MAZMUR 104:3

ka pijog ramin Mai di tunduh piin di sambu. Abun inŭh krita kuda Mai ka sabak inŭh urad-i.

MAZMUR 145:8

TUHAN inŭh pinyirindu ka masi, sais baji ka puno ngga pinyirindu adi dŭh bisa birubah.

MAZMUR 147:5

Bās ka bikuasa inŭh TUHAN ta; pinyibijak-I dŭh tungang dog kira.

MAZMUR 50:3

Kan Tapa ta mandŭg, Ayŭh dŭh re pajam; jireb apui agi diŭ di jawin-I, sabak ribut agi maning Ayŭh.

MAZMUR 62:11

Rabis so ndi sidah aku mbŭh dingah Tapa nang kuasa anŭ inŭh tung jangi

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

ISAIAH 19:1

Ati inŭh agah pasar Egypt. TUHAN mandŭg ka Egypt, guru di tunduh abun adi raju nyisayar taban ayŭh. Tibudo tibudo Egypt kimŭtŭr di sirung jawin-I, ka pinyipagan daya Egypt miyap.

ISAIAH 29:6

TUHAN Bisa-pŭrŭg re nyiramat kuu ngga dudū ka kijat ka ngga tana bigugoh. Ayŭh re pait sabak ribut adi bangat ngga jireb apui;

ISAIAH 66:15

TUHAN re mandŭg ngga apui. Ayŭh re mandŭg ngga sabak ribut di ngukum ngara adi yŭn-I baji.

JEREMIAH 4:13

Tingga, pinganyu mbŭh mandŭg mun abun. Krita krita kuda ngara mun sabak biriyung, ka kuda kuda ngara raju mun beuh. Arah ata! Mŭmbŭh inŭh ata!

DANIEL 7:13

Darŭm kayuh anŭ adi dog kiris keya ka darŭm pŭmŭh ngarŭm anŭ, aku kiris kayuh mun manusia. Ayŭh mandŭg tudu aku, dog kirurung abun, ka ayŭh di ka sianŭ adi udip ndŭg situi tui ka dog taban ka yŭn-I.

HOSEA 8:7

Kan ngara purun sabak, ngara re ngatŭm sabak ribut! Ŭmŭh gandom adi dŭh masak, dŭh re pijadi ruti. Pak kambŭi masak, daya tami gŭh re man-i.

JOEL 2:13

Bada atin ngan anŭ adi keya ka asur kiren susah ngan; nyiratak piraka ngan dŭh-i sadang.” Pari ka TUHAN adi Tapa ngan. Ayŭh inŭh mandis ka raru masi; Ayŭh tŭtŭd ka ingat janji-I; Ayŭh ari sidia an apun ka dŭh-I an ngukum.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

ZECHARIAH 9:14

TUHAN re pinandŭng adŭp-I di daya-I; Ayŭh re nimbak reja panah-I keya ka kijat. TUHAN Raja re mambak trompet; Ayŭh masang darŭm sabak ribut so siratan.

PINYIKIANG 14:18

‘Aku adi TUHAN, dŭh re udah baji, ka Aku kiren pinyirindu adi bās ngga pinyitŭtŭd ka apun dosa ngga urah adi birawan. Pak Aku dŭh re kambŭt ngukum bara pinanak ngga bara sukuh ndŭg taruh ngga pat turap sitagar dosa pimas pimas ngara.’

MATTHEW 26:64

Jesus nam ayŭh, “Adŭp mu mbŭh nang. Pak Aku kidaan di sopŭrŭg ngan: so andu ati angān re kiris Anak Manusia guru tura ka tauh Ayŭh adi Bisa-pŭrŭg ka mandŭg di tunduh abun!”

JAMES 1:19

Ingat ati, angān adi aku rindu! Barang naan dŭh siŭn dŭh an rikas dingah, pak sais minyu ka sais baji.

PINANDŬNG 1:7

Tingga, Ayŭh mandŭg di tunduh abun! Sopŭrŭg daya re kiris Ayŭh, samŭn ngara adi ko siŭ Ayŭh. Sopŭrŭg daya di ong re muās Ayŭh. Isa-i jadi simŭnŭ!