MICAH 7:9 - Hakcipta - Biatah Bidayuh

⁹ Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.

MICAH 7:9 ပူးပေါင်းရင်းမြစ်များ

2 SAMUEL 24:17

David kiris malaikat anŭ adi aŭn siŭ daya, ka nang di TUHAN, “Aku inŭh adi sarah. Aku inŭh adi ndai sarah. Ani sarah mbŭh bara daya anŭ ndai? Kaam patut ngukum aku ngga rawang ku.”

JOB 23:10

Pak Tapa puan kayuh adi ndai ku; kambŭi Ayŭh suba aku, Ayŭh re dapŭd aku bisig keya ka mas.

JOB 35:14

Job, kuu nang adŭp mu dŭh kiris Tapa; pak kajŭn ngga sabar — har mu mbŭh di jawin-I.

MAZMUR 119:154

Ngibān aku so daya di nyarah aku, ka pirupas aku; nyiramat aku, nanyam ka janji Mai.

MAZMUR 37:6

Ayŭh re bada pinŭnggŭn ngan nyirinyak mun batŭh andu di yun andu.

MAZMUR 43:1

O Tapa, kiren aku dŭh sarah, ka ngibān aku so daya adi dŭh stabi di Tapa; pirupas aku so daya adi pingadong ngga adi arap!

MAZMUR 7:6

Makat ngga baji Mai, O TUHAN! Rawan riyŭn bara pinganyu ku; makat meh ka turung aku! Pinyitŭnggŭn inŭh adi raan Mai,

MAZMUR 94:15

Pinyitŭnggŭn re pari ka yŭn bisara, ka sopŭrŭg daya tŭnggŭn re batu-i.

ISAIAH 42:16

“Aku re nguru daya karak di aran adi bŭn ngara kadŭg. Aku re bada karŭm ngara jadi jawa ka pirata aran adi nyurok mugu yŭn ngara. Anŭ inŭh janji Ku, ka Aku re batur batur sita-i.

ISAIAH 42:7

Kuu re kuka batŭh daya adi karak ka pirupas daya so jer adi karŭm.

ISAIAH 46:13

Aku taban andu pimanang bada sindŭk — dŭh-i gibabŭ jo. Pimanang Ku dŭh re dog pirambat. Aku re nyiramat Jerusalem ka taban stabi ka Israel diginŭ.”

ISAIAH 51:22

TUHAN adi Tapa ngan ngibān angān ka nang, “Aku taban saker anŭ ngga bu adi Aku nggen di angān darŭm baji Ku. Angān re dŭhsah tia nok wain adi bada angān tibabeu.

ISAIAH 56:1

TUHAN nang di daya-I, “Ndai kayuh adi patut ka adi batur, amai dŭm nyitiro Aku re nyiramat angān.

JEREMIAH 10:19

Daya Jerusalem bagan, “Mbŭh sera inŭh kieh! Tawan ami dŭh re bua. Kieh pikir ati inŭh kayuh adi kieh dapŭd nyijŭn!

JEREMIAH 14:7

Daya Ku bagan buang nang di Aku, ‘Sunggu dosa ami nyarah kieh, turung kieh, TUHAN, nimun adi mbŭh Kaam janji. Kieh ari tagan Kaam; kieh mbŭh bidosa rawan Kaam.

JEREMIAH 51:10

TUHAN nang, “Daya Ku nyirais nang, ‘TUHAN mbŭh kiren nang ata batur. Ja di kidaan di daya di Jerusalem kayuh adi TUHAN adi Tapa ta mbŭh ndai.’ ”

PUĀS 1:18

“Pak TUHAN inŭh tŭnggŭn, amai aku nundok di Ayŭh. Dingah aku, angān manusia di barang yŭn; tingga aku ati adi sangsara. Bara dari ku ngga bara dayung ku mbŭh dog taban ngga bu jadi daya-takap.

LEVITICUS 26:41

ka bada Aku rawan ngara ka bada ngara dog taran ka rais pinganyu ngara. Ngga pinŭbŭn-i di tika bara sesang ngan mbŭh pirapat adŭp ngara ka mbŭh trima ukum yŭn dosa ngga kraja ngara adi birawan,

MALACHI 3:18

Daya Ku re kiris dinge ka puan ani anŭ adi jadi di daya tŭnggŭn ka ani anŭ adi jadi di daya ginaka, ani anŭ adi jadi di daya adi bituan di Aku ka ani anŭ adi jadi di sianŭ adi dŭh bituan di Aku.”

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

PINANDŬNG 18:20

Gaŭn meh, shorga, sabab pinyirubuh-i! Gaŭn meh, bara daya adi Tapa mbŭh mien ngga bara pinyuruh ka bara nabi, amai Tapa mbŭh nunggu ayŭh sabab kayuh adi-i ko ndai di angān!

1 SAMUEL 24:15

TUHAN re tingga asi so ata duwŭh manak adi sarah. Isa-i Ayŭh nakit tingga kayuh ati, grindung aku, ka nyiramat aku so kaam.”

1 SAMUEL 25:39

Kan David dingah Nabal mbŭh kabŭs, ayŭh nang, “Puji ka TUHAN! Ayŭh mbŭh maras Nabal amai-i pimangŭh aku, ka mbŭh bitan aku adi urun-I so ndai sarah. TUHAN mbŭh ngukum Nabal amai arap-i.” Komŭnŭ David pait pinganang ka Abigail yŭn re tambit ayŭh ndu sawŭn.

1 SAMUEL 26:10

Ngga adŭn TUHAN adi udip,” David nang, “Aku puan nang adŭp TUHAN re siŭ Saul, bait-i di tipuh-i kabŭs sadi adŭp-i puan kah di tipuh biperang.

1 SAMUEL 3:18

Jadi Samuel kidaan di ayŭh sopŭrŭg-i. Sopŭrŭg-i ayŭh dŭh miman. Eli nang, “Ayŭh anŭ TUHAN; Ayŭh re ndai tadŭ mun kayuh adi sŭn-i nang kana.”