MICAH 7:6 - Hakcipta - Biatah Bidayuh

⁶ Di jaman ati bara anak dari mbŭh ndai ka bada sama ngara mun daya budo, anak anak dayung nyakar sindŭ ngara, ka dayung dayung adi mara bikaii ngga dinŭh ngara; pinganyu daya taŭn mbŭh ndi naan so rawang adŭp-i.

MICAH 7:6 ပူးပေါင်းရင်းမြစ်များ

TIBIRIK 49:4

Kuu inŭh adi keya ka uba adi daras, pak kuu dŭh re jadi adi siabo biguna, amai kuu nyibŭŭs ngga dayung nyikŭn ku ka dŭh stabi di ambok sama mu.

2 SAMUEL 16:11

Ka David nang di Abishai ka di sopŭrŭg bara pinurung-i, “Anak adŭp ku an siŭ aku; jadi simuki meh angān re gŭgŭh kiris urah daya Benjamin ati? TUHAN bada ayŭh mangu aku; tandah ayŭh ka awang adŭp-i ndai simŭnŭ.

MAZMUR 41:9

Ndŭg ka jerā ku adi ruai aku sabah, sianŭ adi ndi tubi kudos ngga aku, mbŭh rawan aku.

PITAS 30:11

Agi daya mangu sama-i ka dŭh biyŭn atin trima kaseh di sindŭ-i.

PITAS 30:17

Daya adi ida ida ngga sama-i bait ngamun sindŭ-i adi mbŭh minyamba patut dog man manuk volcha, bait kah batŭh-i dog nukuk manuk kak.

ISAIAH 3:5

Barang naan daya re kinanyuh dingan-i. Daya adi mara re dŭh stabi di bara nyamba, ka daya adi dŭh biguna re dŭh stabi di pingubak ngara.

ISAIAH 9:19

Sabab TUHAN adi Bisa-pŭrŭg baji, ukum-I bijagu mun apui adi minyawit di ndi tarun tana ka man daya, ndŭg ka adi bijurud man jurud adŭp-i.

JEREMIAH 12:6

Ndŭg ka bara madis mu, bara adi darŭm rawang mu, mbŭh tirawan kuu; ngara sua ngga daya adi nyerang kuu. Dŭhnyah sabah ngara, sunggu pinganang ngara mandis.”

JEREMIAH 20:10

Aku dingah barang naan daya sigayas, “Pinyitaru mbŭh di barang yŭn! Ja di ripot ayŭh di ngara adi bikuasa!” Ndŭg ka bara jerā ku kajŭn pinyirabu ku. “Kadŭ ayŭh dapŭd dog ngarah pakai aran tipu,” ngara nang; “ka ata dapŭd nakap ayŭh ka maras dendam.”

JEREMIAH 9:4

Barang naan an jaga adŭp-i so dingan-i, ka jurud pasid dŭh gŭh bisa dog sabah; amai barang naan mbŭh pinipu mun Jacob, ka barang naan kinarap dingan-i.

EZEKIEL 22:7

Angān daya adi darŭm kupo dŭh stabi di pimas ngan. Angān nipu daya tami ka nyibudo dayung uban ngga anak tumang.

OBADIAH 1:7

Pambit ngan mbŭh nipu angān; ngara mbŭh pibu angān so rais ngan. Daya adi ko bidamai ngga angān mbŭh nyerang angān madin. Bara jerā ngan adi ko samah man ngga angān mbŭh tŭŭn jarat ngga nakap angān; ngara nang pasar angān, ‘Diki meh sopŭrŭg pinyipitar ngara?’

MATTHEW 10:21

“Daya re jua jurud adŭp-i yŭn dog ukum kabŭs, ka bara sama re ndai simŭnŭ di tunduh anak-i; anak re rawan pimas ka bada pimas dog ukum kabŭs.

MATTHEW 26:23

Jesus nam, “Sianŭ adi njug ruti-i di pinggen ngga Aku inŭh adi re jua Aku.

LUKE 12:53

Sama re rawan anak dari, ka anak dari rawan sama; sindŭ re rawan anak dayung, ka anak dayung rawan sindŭ. Dinŭh re rawan iban-dayung, ka iban-dayung rawan dinŭh.”

LUKE 21:16

Angān re dog jua pimas ngan, jurud ngan, madis ngan, ka dingan ngan; ka kada so angān re dog ukum kabŭs.

JOHN 13:18

“Dŭh-i pasar sopŭrŭg ngan Aku nang sakanŭ tejah. Aku puan daya adi Aku ko mien. Pak pinganang Surat-kudus dŭh siŭn dŭh an jadi bitŭtŭk, adi nang, ‘Daya adi samah man pinguman Ku mbŭh makat rawan Aku.’