MICAH 7:4 - Hakcipta - Biatah Bidayuh

⁴ Ngara adi siabo kana ngga adi siabo tŭnggŭn babŭ gŭh dŭh biguna mun uduh. Andu mbŭh mandŭg adi ngga Tapa re ngukum daya, sak adi muko-I bakan so baba bara nabi-I adi keya ka tukang nyibatŭh. Ngara madin mbŭh kandang-kandŭ riruk.

MICAH 7:4 ပူးပေါင်းရင်းမြစ်များ

ISAIAH 10:3

Ani re angān ndai kan Tapa ngukum angān? Ani re angān ndai kan Ayŭh taban pinyirusag so rais adi jo? Kamaki angān mite turung? Diki angān sukan pinyikaya ngan?

ISAIAH 22:5

Ati inŭh tika daya kandang-kandŭ taru, arah, ka riruk di Rubān Pinandŭng, ka TUHAN Raja Bisa-pŭrŭg inŭh adi bada pinyusah anŭ nyatŭk ata. Sindung kupo ta mbŭh rubuh, ka sandah sandah mbŭh puno bada sirais sien daya mite turung.

ISAIAH 55:13

Tŭngŭn sipres re timbu di yŭn bakah pireja; tŭngŭn kemunting re gati tŭngŭn reja. Ati re jadi tandā adi re tan ndŭg situi tui, ngga ingat kayuh adi Aku, adi TUHAN, mbŭh ndai.”

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 11:23

Aku mbŭh miratak tika adi ngga Aku pait pinyirusag bada nyatŭk daya Anathoth, ka kan tika anŭ mbŭh mandŭg, mating so ngara re dŭm.”

JEREMIAH 46:21

Ndŭg ka bara soldadu-i adi dog bayar dŭh dapŭd ndai ani ani mun anak sapi. Ngara dŭh re tan biperang; sopŭrŭg ngara re bigiring ka bikaduh bu. Andu ukum ngara mbŭh mandŭg, andu adi ngga ngara dog pirabur.

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

EZEKIEL 2:6

“Pak kuu, manusia, dŭh siŭn taru ngara bait ani ani adi ngara nang. Ngara re nyakar ka ngamun kuu; anŭ re keya ka udip di yun dudu rikara. Pak, dŭhnyah taru ngara bait tadŭ tadŭ kayuh adi ngara nang.

EZEKIEL 28:24

TUHAN nang, “Sopŭrŭg rais adi maning Israel adi ko ngamun Israel re dŭh tia keya ka tŭngŭn reja ka bakah pireja adi kandam Israel. Ka ngara re puan nang Aku ati TUHAN Raja.”

AMOS 8:2

TUHAN siken, “Amos, ani kiris mu?” “Bakur brisi ngga buwa kayuh,” aku nam. TUHAN nang di aku, “Mbŭh ripuan tipuh daya Ku Israel. Aku dŭh re nukar pikir Ku pasar re ngukum ngara.

NAHUM 1:10

Keya ka randa reja adi bikarut ka mun siriyang adi badŭh, angān pimabuk re dog badang!

LUKE 21:25

“Re agi kayuh saruh jadi di batŭh andu, di buran, ka di bitang. Sopŭrŭg bangsa di ndi ong ong re taru da jawŭn girumbang ka passang bās, ka ngara dŭh puan ani re ngara ndai.

HEBREW 6:8

Pak kambŭi-i pijadi reja ngga uduh, tana anŭ dŭh biguna; tana anŭ bisa dog mangu Tapa ka dog sigot ngga apui.