MICAH 7:18 - Hakcipta - Biatah Bidayuh

¹⁸ Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

MICAH 7:18 ပူးပေါင်းရင်းမြစ်များ

TIBIRIK 4:7

Kambŭi kuu mbŭh ndai kayuh adi kana, tatu kuu tawŭh; pak sabab kuu mbŭh ndai kayuh adi arap, dosa mbŭh tuman kuu ka re ngarah kuu. Ayŭh raan nguasa kuu, pak kuu dŭh siŭn dŭh ngarah ayŭh.”

1 RAJA 8:23

ka bidua, “TUHAN adi Tapa Israel, mating tapa bŭkŭn mun Kaam di rangit puan kah di ong! Kaam sita simanya Mai ngga daya Mai ka kiren di ngara pinyirindu Mai kan ngara nundok di Kaam ngga siabo atin ngara.

2 KRONIKEL 30:9

Kambŭi angān pari ka TUHAN, ngara adi mbŭh tambit madis ngan jadi daya-takap re masi di ngara ka bada ngara mari. TUHAN adi Tapa ngan inŭh mandis ka masi, ka kambŭi angān pari ka Ayŭh, Ayŭh re trima angān.”

2 KRONIKEL 6:21

Dingah dua ku samŭn dua daya Mai Israel kan ngara nura tarun yŭn ati ka bidua. So yŭn pinyirŭŭ Mai di shorga dingah kieh ka apun kieh.

NEHEMIAH 9:17

Ngara abah dingah pinganang; ngara kambŭt sopŭrŭg kayuh adi Kaam mbŭh ndai; ngara kambŭt pingandai-nginga adi Kaam mbŭh ndai. Darŭm sambuh, ngara mien ndi naan pinguru bada taban ngara pari jadi urun di Egypt. Pak Kaam inŭh Tapa adi an apun; Kaam inŭh mandis buang rindu daya, ka sais baji. Masi Mai inŭh bās; Kaam dŭh tagan ngara.

MAZMUR 103:13

Nimun sama mandis ngga bara anak-i, simŭnŭ inŭh TUHAN mandis ngga ngara adi stabi di Ayŭh.

MAZMUR 130:4

Pak Kaam apun kieh, isa kieh stabi ka tŭtŭd di Kaam.

MAZMUR 35:10

Ngga siabo atin ku aku re nang di TUHAN, “Mating daya re keya ka Kaam. Kaam grindung daya adi ramah so daya adi bake, daya adi sirata so daya adi kinanyuh ngara.”

MAZMUR 65:3

sitagar dosa ngara. Sarah ami ngarah kieh, pak Kaam apun-i.

MAZMUR 65:4

Sanang inŭh ngara adi Kaam mien, adi Kaam taban bada rŭŭ di yŭn pinyirŭŭ Mai. Kieh re munos ngga kayuh kana di Ramin Mai, adi berkat Ramin kudus Mai.

MAZMUR 71:19

Pinŭnggŭn Mai, Tapa, ndŭg rangit. Kaam mbŭh ndai kayuh adi bās; mating adi bŭkŭn re mun Kaam.

MAZMUR 86:15

Pak Kaam, O TUHAN, inŭh Tapa adi masi buang pinyirindu, siraru sabar, siraru mandis ka tŭtŭd.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

MAZMUR 89:6

Mating adi bŭkŭn di rangit re brimun ngga Kaam, TUHAN; mating malaikat di shorga re tungang dog danding ngga Kaam.

MAZMUR 89:8

TUHAN Tapa Bisa-pŭrŭg, mating adi bŭkŭn adi bikuasa mun Kaam; darŭm sopŭrŭg kayuh Kaam inŭh tŭtŭd, O TUHAN.

PINYIRUAH 15:11

“TUHAN, asi adi dupan bara tapa re mun Kaam? Asi re mun Kaam, bibragah buang kudus? Asi re bisa ndai pingandai-nginga ka pingandai bās mun jamai?

PINYIRUAH 34:9

Moses nang, “TUHAN, kambŭi asŭng Mai sawŭ munos di aku, aku mite Kaam sua panu ngga kieh. Ngara ati daya baking, pak apun sarah ngga dosa ami, ka trima kieh jadi daya Mai.”

ISAIAH 1:18

TUHAN nang, “Ja, ngatur har ati. Angān mbŭh bitameg bireh bada dosa, pak Aku re ngu angān bada bisig mun salju. Sunggu kais ngan takod bireh, angān re buda mun buruh biri.

ISAIAH 33:24

Mating daya adi udip di tarun tana ta re nang adŭp-i mandam, ka sopŭrŭg dosa re dog apun.

ISAIAH 38:17

Pide atin ku re marui jadi sanang. Kaam nyiramat aku so sopŭrŭg pinyusah; Kaam apun sopŭrŭg dosa ku.

ISAIAH 40:18

Asi dapŭd ata danding ngga Tapa? Dapŭd kah angān kidaan munki Ayŭh?

ISAIAH 40:25

Asi dapŭd ata danding ngga Tapa kudus? Agi kah adi mun Ayŭh?

ISAIAH 43:25

Pak, Aku ati Tapa adi apun dosa ngan, ka Aku ndai simŭnŭ sabab anŭ tibiat adŭp Ku. Aku dŭh re ingat dosa ngan.

ISAIAH 44:22

Aku mbŭh taran dosa ngan keya ka abun. Pari ka Aku; Aku inŭh adi nyiramat angān.”

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

ISAIAH 57:10

Angān pirarah adŭp ngan jiroh tapa tapa bŭkŭn, pak angān dŭh jŭk. Angān pikir tibudo tibudo ngan adi sembar anŭ nggen di angān pinyibake adi bada angān dŭh bisa jadi ramah.

ISAIAH 57:16

Aku nggen di daya Ku udip, ka Aku re dŭh adu adu nyarah ngara bait adu adu baji di ngara.

ISAIAH 62:5

Keya ka dari adi mara tambit dayung tibŭn ndu sawŭn, Ayŭh adi napa kuu re sawŭn kuu. Keya ka pingaten dari angan pingaten dayung-i, simŭnŭ gŭh Tapa re angan kuu.

ISAIAH 64:9

ka dŭhnyah baji di kieh bait adu adu ingat dosa ami. Kieh inŭh daya Mai; masi di kieh.

ISAIAH 65:19

Adŭp Ku re gaŭn sabab Jerusalem ngga daya-i. Diginŭ re mating puās bait mite turung.

JEREMIAH 3:12

Ayŭh bada aku di ka nang di Israel, “Israel adi dŭh tŭtŭd, pari ka Aku. Aku an apun ka dŭh re baji; Aku dŭh re adu adu baji di kuu.

JEREMIAH 3:5

Kaam dŭh re ari baji, Kaam dŭh re adu adu baji di aku.’ Israel, anŭ inŭh kayuh adi kuu nang, pak kuu mbŭh ndai sopŭrŭg pingandai arap anŭ.”

JEREMIAH 31:20

“Israel, kuu inŭh anak pinuai Ku, anak adi Aku nyirot. Tiap kari Aku nyabŭt dŭn mu Aku ingat kuu ngga pinyirindu. Atin Ku inŭh di kuu; Aku re masi di kuu.

JEREMIAH 31:34

Mating so ngara re sah ngajar dingan ngara adi samah bangsa bada puan TUHAN, sabab sopŭrŭg re puan Aku, so adi siabo sŭ ndŭg ka adi siabo bās. Aku re apun dosa ngara ka re dŭh tia ingat sarah ngara. Aku, adi TUHAN, mbŭh minyu.”

JEREMIAH 32:41

Aku re ngga sanang asŭng ndai kayuh kana yŭn ngara, ka Aku re bada ngara tatap rŭŭ di tarun tana ati.

JEREMIAH 33:8

Aku re pibisig ngara so dosa adi ngara mbŭh ndai rawan Aku, ka Aku re apun dosa ngara samŭn udip ngara adi raan birawan.

JEREMIAH 38:8

Jadi Ebedmelech di kamanŭ ka nang di raja,

JEREMIAH 50:20

Di tika anŭ, dosa re mating tia dog dapŭd di Israel, ka mating tia udip ginaka di Judah, sabab Aku re apun ngara adi Aku mbŭh nyiramat. Aku, adi TUHAN, mbŭh minyu.”

JEREMIAH 9:24

Kambŭi daya raan mingangŭn, ayŭh patut mingangŭn adŭp-i puan ka mirati Aku, sabab pinyirindu Ku dŭh bisa birubah, ka Aku ndai anŭ adi tŭnggŭn ka adi batur. Anŭ inŭh kayuh adi pimunos asŭng Ku. Aku, adi TUHAN, mbŭh minyu.”

EZEKIEL 18:23

Angān pikir Aku gaŭn kiris daya arap kabŭs kah?” TUHAN Raja siken. “Dŭh, Aku raan dŭ kiris ayŭh marik pimudip-i pari ka Aku ka udip.

EZEKIEL 33:11

Kidaan di ngara nang siragi Aku, adi TUHAN Raja, Tapa adi udip, Aku dŭh munos asŭng kiris daya adi bidosa kabŭs. Raan dŭ Aku kiris ngara ko bidosa ka udip. Israel, dŭh tia ndai dosa. Mani kuu raan kabŭs?

EZEKIEL 33:16

Aku re apun dosa adi muko-i ndai, ka ayŭh re udip sabab ayŭh mbŭh ndai kayuh adi batur ka kana.

DANIEL 9:9

Kaam inŭh masi ka an apun, sunggu kieh mbŭh rawan Kaam.

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

HOSEA 14:5

Di daya Israel Aku re jadi keya ka ujen di tana badŭh. Ngara re mirarak mun bunga; ngara re piruat tŭrŭp mun tŭngŭn kayuh Lebanon.

JOEL 2:32

Pak sopŭrŭg daya adi mite turung so TUHAN re siramat. Nimun adi ko TUHAN nang, ‘Kada di Jerusalem re pirupas adŭp ngara; ngara adi Aku mien re siramat.’ ”

AMOS 1:11

TUHAN nang, “Daya Edom mbŭh pari pari bidosa, ka sabab anŭ Aku re sawŭ ngukum ngara. Dŭh ngga masi, ngara siŭ madis madis adŭp ngara, adi daya Israel. Baji ngara dŭh tigŭngŭng, ka ngara dŭh re an ko baji.

AMOS 7:8

Ayŭh siken di aku, “Amos, ani kiris mu?” “Prambap,” aku nam. Komŭnŭ Ayŭh nang, “Aku pakai-i ngga kiren daya Ku mbŭh keya ka sindung adi dŭh tŭnggŭn. Aku dŭh re nukar pikir Ku dinge pasar re ngukum ngara.

AMOS 8:2

TUHAN siken, “Amos, ani kiris mu?” “Bakur brisi ngga buwa kayuh,” aku nam. TUHAN nang di aku, “Mbŭh ripuan tipuh daya Ku Israel. Aku dŭh re nukar pikir Ku pasar re ngukum ngara.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

MICAH 2:12

“Pak Aku re nguruk angān, sopŭrŭg ngan daya Israel adi dŭm. Aku re taban angān keya ka biri pari ka darŭm kandang. Keya ka tarun tana kupai adi puno ngga dudu biri, tarun tana ngan re puno dinge bada bara daya.”

MICAH 4:7

Ngara mbŭh bajang buang jo so ramin arŭn, pak Aku re nggen pluang bauh di ngara adi babŭ udip, ka ngara re jadi bangsa adi bās. Aku re mritah ngara di Sandah Zion so tika anŭ ndŭg situi tui.”

MICAH 5:3

Jadi TUHAN re tagan daya-I ka darŭm tangan pinganyu ngara ndŭg ka andu adi ngga dayung anŭ adi re biranak mbŭh ruwan anak-i. Komŭnŭ bara daya Israel anŭ adi dog taran ka rais tami re dog bada pari ka daya adŭp ngara.

MICAH 7:14

Jadi pingingat yŭn daya Mai, TUHAN, daya adi Kaam mbŭh mien. Sunggu ngara rŭŭ jeh di tarun tana-pajam, tana damŭn agi maning ngara. Tandah ngara man di tarun tana kupai Bashan ka Gilead, nimun ngara ko jah-i.

ZEPHANIAH 3:17

TUHAN adi Tapa mu agi ngga kuu; kuasa-I nggen pimanang di kuu. TUHAN re pawŭn ka gaŭn sabab kuu. ka ngga pinyirindu-I Ayŭh re nggen udip bauh di kuu. Ayŭh re biragu ka gaŭn sabab kuu,

PINYIKIANG 23:21

Aku mbŭh diŭ kiris pimudip Israel adi sundis andu, dŭh re dŭh bituah buang dŭh re dog pinyusah. TUHAN adi Tapa ngara agi ngga ngara; ngara ngaku Ayŭh anŭ Raja ngara.

LUKE 15:32

Ata patut bigawai man siramat ka pawŭn, sabab sude mu mbŭh kabŭs, pak madin ayŭh udip; ayŭh mbŭh manyap, pak madin ayŭh dog dapŭd.’ ”

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

ROME 11:4

Ani pinyinam Tapa di ayŭh? “Aku mbŭh nguruk yŭn adŭp ku 7000 naan daya adi dŭh nyambah tapa-kadong, Baal.”

DITRONOMI 33:26

Angān daya Israel, mating tapa bŭkŭn re mun Tapa ngan, panu darŭm bragah mutas rangit, panu tambus abun di turung angān.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.

AKIM 10:16

Jadi ngara kubo taran tapa tapa saruh ngara ka nyambah TUHAN; ka Ayŭh dŭh munos yang-I kiris pinyusah Israel.