MICAH 7:1 - Hakcipta - Biatah Bidayuh

¹ Mating tia pingarap! Aku keya ka daya adi sibŭrŭk adi dŭh dapŭd buwa di tŭngŭn kayuh bait buwa anggor di tŭngŭn anggor. Sopŭrŭg buwa anggor ka sopŭrŭg buwa ara adi sidi mbŭh abo dog sun.

MICAH 7:1 ပူးပေါင်းရင်းမြစ်များ

MAZMUR 120:5

Udip bigaur ngga angān inŭh arap keya ka udip di Meshech, puan kah bigaur ngga daya Kedar.

PITAS 20:6

Barang naan daya minyu pasar munki masam tŭtŭd adŭp-i, pak suba jiroh asi adi sawŭ tŭtŭd!

ISAIAH 17:6

Nisŭ adŭ daya adi siramat, ka Israel re keya ka ndi tŭngŭn kanā adi so sopŭrŭg buwa-i dog sun, adŭ-i anŭ adi di tijuk-i, bait-i anŭ adi di daan sapang-i. Aku, TUHAN Tapa Israel, mbŭh minyu.”

ISAIAH 24:13

Anŭ inŭh kayuh adi re jadi di barang bangsa di ndi ong ong. Kayuh anŭ re keya ka ripas pingatŭm, kan buwa kanā mbŭh abo dog piruruh so tŭngŭn-i ka sikasŭn buwa anggor mbŭh abo dog ndu so tŭngŭn-i.

ISAIAH 24:16

So tarun yŭn adi siabo jo di ong re dog dingah ragu muji Israel, bangsa adi tŭnggŭn anŭ. Pak mating pingarap ku tia! Mŭmbŭh inŭh aku! Daya adi jua dingan babŭ jua dingan, ka pingandai arap ngara makin dŭ dŭ arap.

ISAIAH 28:4

Bragah bara pinguru adi mingangŭn anŭ re miyap mun sibungas buwa ara adi masak diŭ so tipuh-i; dog kiris daya, ka rasu dog tambit ka dog man.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

JEREMIAH 15:10

Mbŭh sera inŭh pimudip ku ati! Mani sindŭ ku biranak aku ka darŭm ong? Aku dŭh siŭn dŭh bikaii ka bikarit ngga barang naan daya di tarun tana ati. Pŭn ka aku bŭn nginjam duit so daya bait nginjam duit ka daya, ka daya mangu aku.

JEREMIAH 24:2

Ndi bakur brisi ngga buwa ara adi kana, adi awar masak; bakur anŭ ndi brisi ngga buwa ara adi arap, raru arap re dog man.

JEREMIAH 4:31

Aku dingah sirŭŭn daya sien, sak dayung naman sarang andam re biranak, sirais sak dayung ruwan anak pinuai-i. Anŭ inŭh sien Jerusalem tarik apŭg asŭng-i, pakat tangan-i buang nang, “Mŭmbŭh inŭh aku! Ngara mandŭg re siŭ aku!”

JEREMIAH 45:3

kuu agi nang, ‘Aku abah tia! TUHAN mbŭh nambah pinyusah di pinyusah ku. Aku mbŭh kawŭk nyidaing, ka aku mbŭh dŭh dapŭd rŭŭ-paya!’

JEREMIAH 5:1

Daya di Jerusalem, panu matak mari di aran kupo ngan! Tingga bait tauh! Tingga adŭp ngan! Jiroh di ndi passar passar! Tungang kuu dapŭd ndi naan daya adi ndai kayuh adi batur ka suba tŭtŭd di Tapa? Kambŭi agi, TUHAN re apun Jerusalem.

HOSEA 9:10

TUHAN nang, “Di andu sibungas Aku dapŭd Israel, anŭ mbŭh keya ka dapŭd anggor timbu di tarun tana-pajam. Di andu sibungas Aku kiris tayung-babuk ngan, anŭ mbŭh keya ka kiris sibungas asak buwa ara di tipuh-i. Pak kan ngara mandŭg ka Darŭd Peor, ngara piguru nyambah Baal, ka dŭh tui rasu arap mun tapa adi ngara rindu.

PINYIKIANG 18:13

Sopŭrŭg anŭ mbŭh tung jamu. Barang naan di rawang mu adi bisig nanyam ka adat siŭn man-i.