MICAH 6:2 - Hakcipta - Biatah Bidayuh

² Angān darŭd, angān pinagap-rasan ong adi tan adu adu, dingah kayuh adi TUHAN nang! TUHAN biyŭn kayuh an-I nang pasar daya-I. Ayŭh re nang kayuh adi ngga-I nyarah Israel.

MICAH 6:2 ပူးပေါင်းရင်းမြစ်များ

2 SAMUEL 22:16

Rasan rawŭt mbŭh badŭh, ka pimŭnŭs tana mbŭh tatŭng kan TUHAN nang pinganyu-I ka ngŭr ngara darŭm baji-I.

2 SAMUEL 22:8

Komŭnŭ tana kimŭtŭr ka bigŭgŭs; Pimŭnŭs rangit bigagar ka biguyut amai Tapa mbŭh baji!

MAZMUR 104:5

Kaam mbŭh pijog ong bada tagap di tunduh pinagap rasan-i, ka dŭh-i dapŭd dog ngana.

PITAS 8:29

ka nggen ukum bada piin di rawŭt maad pak dŭh rabis so adi muko-I bada. Aku agi diginŭ di tika Ayŭh na pimŭnŭs ong.

ISAIAH 1:18

TUHAN nang, “Ja, ngatur har ati. Angān mbŭh bitameg bireh bada dosa, pak Aku re ngu angān bada bisig mun salju. Sunggu kais ngan takod bireh, angān re buda mun buruh biri.

ISAIAH 3:13

TUHAN mbŭh sidia re nyarah ka nggen bisara di daya-I.

ISAIAH 43:26

“Ja ata di ka yŭn bisara; nyarah Aku diginŭ! Minyu ka kiren adŭp ngan batur!

ISAIAH 5:3

Jadi madin jerā ku nang, “Angān daya adi rŭŭ di Jerusalem ngga Judah, tingga arap kana ku ka arap kana teya anggor ku.

JEREMIAH 2:9

“Ngapŭi Aku re taban angān ngga bisara ka nyarah angān. Aku re nyarah gŭh bara sesang ngan.

JEREMIAH 25:31

Bana jawŭn sirŭŭn-I re dog dingah ndŭg bŭngŭn bŭngŭn ong. TUHAN mbŭh nyarah bangsa bangsa. Ayŭh re taban bangsa bangsa ngga bisara ka daya ginaka re dog nggen ukum kabŭs. TUHAN mbŭh minyu.’ ”

JEREMIAH 31:37

Kambŭi rangit dapŭd dog ngŭkŭd ka pimŭnŭs ong dog puan, nganŭ adŭ meh Ayŭh re tirawan daya Israel sabab sopŭrŭg pingandai ngara. TUHAN, mbŭh minyu.

HOSEA 12:2

TUHAN biyŭn kayuh an-I pakai ngga nyarah daya Judah; Ayŭh gŭh re ngukum Israel amai urah-rakah ngara. Ayŭh re maras ngara yŭn kayuh adi ngara mbŭh ndai.

HOSEA 12:3

Jacob adi tayung-babuk ngara muko birawan ngga jurud-i Esau kan ngara gibabŭ darŭm ite sindŭ ngara. Kan Jacob mbŭh baga, ayŭh rawan Tapa.

HOSEA 4:1

TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

MICAH 6:1

Dingah kayuh adi yŭn TUHAN nyarah Israel. Makat, O TUHAN, ka kidaan kayuh adi yŭn Mai nyarah Israel. Bada darŭd ngga sandah dingah kayuh adi Kaam nang.

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.

DITRONOMI 4:26

Aku bagan rangit ngga tana jadi saksi rawan angān andu ati nang, kambŭi angān nyibireu aku, angān re miyap so tarun tana anŭ. Angān dŭh re tui rŭŭ di tarun tana di pah mandi Yang Jordan adi angān re ngisi. Angān re abo dog pirabur.