MICAH 5:2 - Hakcipta - Biatah Bidayuh

² TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

MICAH 5:2 ပူးပေါင်းရင်းမြစ်များ

TIBIRIK 35:16

Jacob ngga rawang-i bu so Bethel, ka kan ngara gibabŭ mua juan-i so Ephrath, tipuh mbŭh mandŭg yŭn Rachel re biranak, pak anak-i raru mbar ruah,

TIBIRIK 35:19

Kan Rachel mbŭh kabŭs, tadang-i dog kubur di pang aran nuju Ephrath, adi madin mbŭh dog kadŭn Bethlehem.

TIBIRIK 48:7

Aku ngatur simuti amai sindŭ mu Rachel. Ruai ku ngurid, ayŭh kabŭs di tarun tana Canaan dŭh jo so Ephrath, darŭm aku mbŭh pari so Mesopotamia. Aku kubur ayŭh diginŭ di bŭngŭn aran di ka Ephrath.” (Ephrath madin dog kadŭn Bethlehem.)

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

1 KRONIKEL 2:54

Salma, adi pijog kupo Bethlehem, inŭh babuk daya Netophath, daya Atroth Beth Joab, ngga daya Zor, adi ndi so so-duwŭh manak adi rŭŭ di Manahath.

1 KRONIKEL 5:2

Tibaran-asar Judah, inŭh adi jadi siabo bake ka adi piruah pimritah yŭn sopŭrŭg tibaran-asar.)

MAZMUR 132:6

Di Bethlehem kieh dingah pasar Pati Simanya, ka kieh dapŭd-i di tarun tana Jearim.

MAZMUR 90:2

Diŭ so Kaam napa dudu sandah bait napa ong, Kaam inŭh mbŭh Tapa adi tan adu adu, ka Tapa ndŭg situi tui.

PINYIRUAH 18:21

Pak nambah anŭ, kuu patut mien kada daya adi bisa jadi pinguru bara daya: pinguru biribu naan daya, biratus naan daya, rimŭh puru ka simŭng naan daya. Ngara dŭh siŭn dŭh daya adi taru di Tapa, adi bisa dog sabah ka dŭh dapŭd dog nyuap.

PINYIRUAH 18:25

ka mien daya daya adi patut so dupan sopŭrŭg daya Israel. Ayŭh tijuan ngara bada jadi pinguru adi digen siribu, siratus, rimŭh puru, ka simŭng naan daya.

ISAIAH 11:1

Taris asar Raja David inŭh mun tŭngŭn kayuh adi mbŭh dog tabŭng; pak keya ka daan bauh adi bikanjak so tŭŭd, simŭnŭ gŭh raja adi bauh re makat so ruang sesang David.

ISAIAH 53:2

Anŭ mbŭh pinyiraan TUHAN inŭh urun-I timbu mun anak kayuh-udip piruat di tana badŭh. Gayŭn-i dŭh kana bait ramus adi re bada ata an kimat ayŭh. Mating pinyiramus-i, mating ani ani di ayŭh adi re tarik atin ta.

ISAIAH 55:4

Aku bada ayŭh jadi pinguru ka pingubak bangsa, ka so ayŭh Aku kiren kuasa Ku di ngara.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

JEREMIAH 30:21

Pimritah ngara re mandŭg so bangsa adŭp ngara, raja ngara so daya adŭp ngara. Ayŭh re tudu Aku kan Aku bagan ayŭh, amai asi re birani mandŭg dŭh dog bagan? Ngara re jadi daya Ku, ka Aku re jadi Tapa ngara. Aku, adi TUHAN, mbŭh minyu.”

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

AMOS 9:11

TUHAN nang, “Andu-i re mandŭg adi ngga Aku pari pijog pritah David, adi keya ka ramin adi mbŭh rubuh. Aku re nyurat sindung-i ka bada-i pari tagap mun dawŭ-i.

MICAH 4:10

Nyiriat ka nyidaing, meh angān daya Jerusalem, mun dayung biranak, amai madin angān dŭh siŭn dŭh bu tingge kupo ka rŭŭ di sapa tarun tana rais. Angān dŭh siŭn dŭh di ka Babylon, pak diginŭ TUHAN re nyiramat angān so pinganyu ngan.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MATTHEW 2:1

Jesus dog biranak di kupo Bethlehem di Judea, di jaman raja Herod. Komŭnŭ, agi kada daya adi birajar pasar bitang mandŭg so Timor ka Jerusalem,

MATTHEW 2:6

‘Bethlehem di tarun tana Judah, kuu ngaŭn dŭh siabo sŭ dupan sopŭrŭg kupo bās di Judah; amai so kuu re mandŭg ndi naan pinguru adi re nyiruton daya Ku Israel.’ ”

MATTHEW 28:18

Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

LUKE 23:2

diginŭ ngara piguru nyarah Ayŭh: “Kieh mbŭh dapŭd daya ati kinanyap bangsa ami ngga ajar-I, nang kieh dŭh siŭn bayar suke ka Caesar, buang-I nang adŭp-I Kristus, adi raja.”

LUKE 23:38

Nyirungan ubak-I agi dog nuris sakati: “Ati inŭh Raja daya Jahudi”

JOHN 7:42

Surat-kudus agi nang Kristus re mandŭg so sesang Raja David ka re dog biranak di Bethlehem, kupo adŭp David.”

DITRONOMI 1:15

Jadi aku tambit ngara adi bijak ka pinguru adi mbŭh pandai adi angān mien so tibaran tibaran-asar ngan, ka aku mbŭh bada ngara tukang ngatur angān. Kada ngara tukang ngatur siribu naan daya, kada siratus naan, kada rimŭh puru, ka kada simŭng naan. Aku tijuan gŭh pinurung yŭn barang tibaran-asar.

COLOSSAE 1:17

Kristus mbŭh agi diŭ so sopŭrŭg kayuh bŭkŭn jadi, ka sabab Ayŭh sopŭrŭg kayuh mbŭh biyŭn yŭn-i nanyam patut.

HEBREW 13:8

Jesus Kristus inŭh babŭ mijah, andu ati, ka adu adu.

HEBREW 7:14

Sopŭrŭg daya puan Ayŭh dog biranak so tibaran-asar Judah; ka Moses mating nyabŭt tibaran-asar anŭ darŭm-i minyu pasar bara imam.

1 JOHN 1:1

Kieh nuris ka angān pasar Pinganang adi nggen udip, adi taŭn mbŭh agi so sibungas-i. Kieh mbŭh dingah pasar-I, ka mbŭh kiris-I ngga batŭh adŭp ami; sawŭ kieh mbŭh kiris-I, ka tangan adŭp ami mbŭh tama-I.

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”

PINANDŬNG 2:8

“Nuris surat ati nuju malaikat eklisia di Smyrna: “Ati inŭh agah so sianŭ adi sibungas ngga adi sikasŭn, adi kabŭs ka adi udip dinge.

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

AKIM 17:7

Di jaman anŭ gŭh agi ndi naan bujang dari daya Levi adi muko rŭŭ di kupo Bethlehem di Judah.

RUTH 1:1

Jah, di jaman Israel gibayuh biyŭn raja, agi apag di tarun tana anŭ. Jadi ndi naan dari dŭn Elimelech, adi so manak Ephrath adi rŭŭ di Bethlehem di Judah, bipindah ngga sawŭn-i Naomi ngga duwŭh madis anak dari ngara Mahlon ngga Chilion di rŭŭ nyitiro di rais Moab. Sitadŭn ngara mbŭh diginŭ,

RUTH 4:11

Bara pinguru ngga adi bŭkŭn nang, “Sawŭ, kieh inŭh jadi saksi. Isa-i TUHAN bada sawŭn mu jadi mun Rachel ngga Leah adi biranak bagŭ anak yŭn Jacob. Isa-i kuu jadi kaya darŭm manak Ephrath ka jadi timagah di Bethlehem.

1 SAMUEL 10:19

Aku ati Tapa ngan, adi pirupas angān so sopŭrŭg susah ngga jera ngan, pak andu ati angān mbŭh tirawan Aku ka mbŭh mite Aku bada nggen raja di angān. Kana, nguruk garang adŭp ngan di sirung jawin TUHAN nanyam ka tibaran tibaran-asar ngga manak manak ngan.’ ”

1 SAMUEL 17:12

David inŭh anak Jesse adi daya Ephrath so Bethlehem di Judah. Jesse biyŭn mai madis anak dari, ka di tipuh Saul jadi raja, Jesse mbŭh minyamba.

1 SAMUEL 17:18

Ka taban simŭng mbos chis ati yŭn pingibās soldadu. Siken ani agah bara kaka mu ka taban pari kayuh ngga kiren kuu agi dapŭd ngara, ka ngara agi sanang gŭh.

1 SAMUEL 23:23

Jiroh sopŭrŭg tarun yŭn-i bisukan ka rasu pari di kidaan di aku. Komŭnŭ aku re di ngga angān, ka kambŭi ayŭh gibabŭ di abong anŭ, aku re jiroh ayŭh, singadu aku kasau ndi tarun tana Judah.”

1 SAMUEL 8:12

Ayŭh re bada kada so ngara jadi pingubak adi nguasa siribu naan soldadu, ka adi bŭkŭn nguasa rimŭh puru naan. Anak anak dari ngan re dog bada majak ŭmŭh-i, ngatŭm buwa di ŭmŭh-i, ka ndai sinyata ngga pingakas yŭn krita kuda perang-i.