MICAH 5:1 - Hakcipta - Biatah Bidayuh

¹ Daya Jerusalem, nguruk bara soldadu ngan! Ata mbŭh dog nyikapung! Ngara mbŭh aŭn nyerang pinguru Israel!

MICAH 5:1 ပူးပေါင်းရင်းမြစ်များ

TIBIRIK 35:19

Kan Rachel mbŭh kabŭs, tadang-i dog kubur di pang aran nuju Ephrath, adi madin mbŭh dog kadŭn Bethlehem.

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

1 RAJA 22:24

Komŭnŭ nabi Zedekiah tudu Micaiah, napar jawin-i, ka siken, “So sinde roh TUHAN mbŭh bu so aku ka minyu di kuu?”

2 RAJA 24:2

TUHAN pait pirupak adi bisinyata so Babylonia, Syria, Moab, ngga Ammon bada rawan Jehoiakim yŭn pirabur Judah, nanyam adi mbŭh TUHAN nang so baba urun-I bara nabi.

JOB 16:10

Keya ka dāng mangah ngara bitanyeng kiren jipŭh tingga aku; ngara kirurung aku ka napar jawin ku.

PITAS 8:23

Aku inŭh adi sibungas dog napa, diŭ so ong dog napa.

ISAIAH 10:6

Aku pait Assyria bada nyerang bangsa adi mbŭh taran pinyabah, ka adi mbŭh bada Aku baji. Aku pait ngara bada sirapas ka naku kayuh ngara ka bidigang di tunduh ngara mun digang tana di aran.”

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

ISAIAH 8:9

Tikuruk darŭm taru, angān bangsa bangsa! Dingah, angān parad adi jo. Sidia adŭp ngan yŭn biperang, pak bada adŭp ngan taru! Sawŭ, sidia meh, pak bada adŭp ngan taru!

ISAIAH 9:5

Kasut bara tibaran soldadu adi nyerang samŭn piraka adi bitameg bada deya re dog man apui.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 4:7

Keya ka singah ruah so tarun yŭn-i bisukan, pinyirabur bangsa mbŭh matak. Ayŭh mandŭg di pirabur Judah. Kupo kupo Judah re rubuh, ka mating daya re rŭŭ dieh.

PUĀS 3:30

Sunggu dog mukong ka dog pimangŭh, ata patut trima sopŭrŭg-i.

EZEKIEL 21:32

Angān re dog pirabur ngga apui. Deya ngan re babas di rais adŭp ngan, ka mating daya re ingat angān tia.’ ” TUHAN mbŭh minyu.

EZEKIEL 24:2

“Manusia,” Ayŭh nang, “nuris andu buran ati, sabab ati inŭh andu adi ngga raja Babylonia piguru nyikapung Jerusalem.

DANIEL 9:25

Ngatin ka mirati kayuh ati: so andu pinganang dog nggen bada pari pijog Jerusalem, ndŭg andu pinguru adi Tapa mien mandŭg, ju kari ju sawa re ripuan. Jerusalem re pari dog pijog ngga anak anak aran passar ngga sindung sindung adi tagap, ka re mijog sitian ju kari ju puru sawa, pak anŭ re tipuh susah.

JOEL 3:9

“Piagah kayuh ati di barang bangsa: ‘Sidia yŭn re biperang; bagan bara pimagan ngan; nguruk sopŭrŭg soldadu ngan ka baris meh!

AMOS 2:3

Aku re siŭ pimritah Moab ngga sopŭrŭg pinguru di tarun tana anŭ.”

HABAKKUK 1:6

Aku re bada daya Babylonia bikuasa, ngara adi mangah ka girungos. Ngara baris di ndi ong ong nyerang rais rais bŭkŭn.

HABAKKUK 3:16

Aku dingah sopŭrŭg-i, ka atin ku simadup; bibis ku kimŭtŭr amai taru. Pŭrŭng ganan ku ramah, ka kaja ku sikak darŭm aku panu. Aku re kajŭn andu anŭ mandŭg adi ngga Tapa ngukum ngara adi nyerang ata.

MATTHEW 26:67

Ngara nyiruja jawin-I ka mukong Ayŭh; ka ngara adi napar Ayŭh

MATTHEW 27:30

Ngara nyiruja Ayŭh, ka tambit sikud anŭ ka mukong Ayŭh di ubak-I.

MATTHEW 5:39

Pak madin Aku kidaan di angān: dŭhnyah maras dendam. Kambŭi daya napar angān di paŭp tura ka tauh, bada ayŭh napar gŭh angān di paŭp tura ka bait.

JOHN 18:22

Darŭm Jesus minyu sakanŭ, ndi so ngara adi tukang jaga diginŭ napar Ayŭh, nang-i, “Pagan Kuu minyu sakanŭ di Imam Bās!”

JOHN 19:3

ka matak mari tudu Ayŭh, ngara nang, “Tabi ka Kaam Raja daya Jahudi!” Komŭnŭ ngara napar Ayŭh.

PINGANDAI 23:2

Ananias, adi Imam Bās, bada ngara adi mijog sindŭk Paul napar ayŭh di baba-i.

2 CORINTH 11:20

Angān tan kinyam daya mritah angān, nipu angān, kudog angān, ngamun angān, ka napar angān di jawin ngan.

DITRONOMI 28:49

TUHAN re taban ndi bangsa so bŭngŭn ong da rawan angān, bangsa adi dŭh angān puan piminyu-i. Ngara re nyambar angān mun beuh nyambar nakap dangah-i.

DITRONOMI 33:27

Tapa taŭn siraru jadi pinyigrindung ngan; Tangan-I adu adu jadi pinyibatu ngan. Ayŭh pibu pinganyu ngan darŭm angān masang, ka kidaan di angān bada siŭ ngara.

AKIM 17:7

Di jaman anŭ gŭh agi ndi naan bujang dari daya Levi adi muko rŭŭ di kupo Bethlehem di Judah.