MICAH 4:3 - Hakcipta - Biatah Bidayuh

³ Ayŭh re ngatur kaii di dupan bangsa bangsa, di dupan kuasa kuasa bās adi sindŭk ngga adi jo. Ngara re maba pedang ngara bada jadi sinda bajak ka jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

MICAH 4:3 ပူးပေါင်းရင်းမြစ်များ

MAZMUR 46:10

“Ko biperang,” Ayŭh nang, “ka puan meh Aku ati Tapa, bās di tunduh sopŭrŭg bangsa, ngga di ndi ong ong.”

MAZMUR 46:9

Ayŭh pirŭŭ perang di ndi ong ong; Ayŭh mata bawŭh panah, pirusak jarok, ka badang pinangin.

MAZMUR 72:3

Isa-i agi pimujur di tarun tana; isa-i agi pinŭnggŭn dieh.

MAZMUR 72:7

Isa pinŭnggŭn masang di jaman-i, ka isa-i pimujur babŭ sitadŭn buran nggen jawa.

MAZMUR 82:8

Mandŭg, O Tapa, ka mritah ong; sopŭrŭg bangsa mbŭh tung jamai.

MAZMUR 96:13

kan TUHAN mandŭg di mritah ong. Ayŭh re mritah daya ong ngga pinyitŭnggŭn ka ngga patut.

MAZMUR 98:9

sabab Ayŭh mandŭg di mritah ong. Ayŭh re mritah bara daya ong ngga pinyitŭnggŭn ka ngga patut.

ISAIAH 2:4

Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 25:3

Daya so bangsa bangsa adi bikuasa re muji Kaam; Kaam re dog taru di kupo kupo bangsa adi gaok.

ISAIAH 51:5

Aku re rikas mandŭg di nyiramat ngara; tika pimanang Ku mbŭh sindŭk. Aku re mritah bangsa bangsa. Tarun tana adi jo kajŭn Aku mandŭg; ngga pingarap, ngara kajŭn Aku nyiramat ngara.

ISAIAH 60:12

Pak bangsa bangsa adi dŭh bituan di kuu re abo dog pirabur.

ISAIAH 65:25

Kasong tarun ngga anak anak biri re samah man; singah re man siriyang mun sapi, ka jippŭh re man dabu tana. Di Zion, sandah kudus Ku, re mating kayuh adi bisā bait kayuh adi arap.”

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

HOSEA 2:18

Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

HOSEA 2:20

Aku re sita janji Ku ka bada kuu jadi tung jaku, ka kuu re ngaku Aku TUHAN.

JOEL 3:2

Aku re nguruk sopŭrŭg bangsa ka taban ngara ka Rubān Bisara. Diginŭ Aku re nggen bisara di ngara amai sopŭrŭg kayuh adi ngara mbŭh ndai di daya Ku. Ngara ko mesak bara daya Israel ka rais tami ka bikutung tana Israel, tana adi Aku dapu.

MICAH 5:15

Ka ngga bisā baji Ku Aku re maras dendam di sopŭrŭg bangsa adi ko dŭh nundok di Aku.”

ZECHARIAH 14:3

Komŭnŭ TUHAN re ruah ka biperang rawan bangsa bangsa anŭ, mun dawŭ-i.

ZECHARIAH 8:20

TUHAN Bisa-pŭrŭg nang, “Tika-i re mandŭg kan daya so bagŭ kupo re mandŭg ka Jerusalem.

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

PINGANDAI 17:31

Amai Ayŭh muko so ka ndi naan daya adi-I ko mien miratak andu adi ngga-I nggen bisara di ndi ong ong ngga pinyitŭnggŭn. Ayŭh muko kiren kayuh anŭ agi sawŭ darŭm-I pakat daya anŭ so kabŭs!”

PINANDŬNG 19:11

Komŭnŭ aku kiris shorga tikuka, ka diginŭ agi kuda buda. Pinunggang-i dŭn Adi Tŭtŭd ngga Adi Sawŭ. Ngga pinyitŭnggŭn Ayŭh nggen bisara ka biperang.

1 SAMUEL 2:10

Pinganyu TUHAN re dog pirabur; Ayŭh re bidudū rawan ngara so rangit. TUHAN inŭh arang yŭn ndi ong ong; Ayŭh re nggen kuasa ka raja-I. Ayŭh re nggen pimanang di raja adi-I mien.”