MICAH 4:1 - Hakcipta - Biatah Bidayuh

¹ Darŭm tipuh adi re mandŭg sandah adi yŭn Ramin TUHAN mijog re jadi adi siabo bigatung, bigatung so sopŭrŭg sandah. Bagŭ bangsa re birumbek kamanŭ,

MICAH 4:1 ပူးပေါင်းရင်းမြစ်များ

TIBIRIK 49:1

Jacob bagan bara anak dari-i ka nang, “Mandŭg tikuruk kamati, ka aku re kidaan kayuh adi re jadi di angān jŭ:

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

MAZMUR 110:3

Di andu kaam rawan pinganyu mai, daya mai re turung ngga siabo asŭng ngara. Keya ka sipot-abun isan isan dari bujang mai re mandŭg ka kaam di sandah kudus.

MAZMUR 22:27

Sopŭrŭg bangsa re ingat TUHAN. So barang yŭn di ong ngara re pari ka Ayŭh; sopŭrŭg bangsa re nyambah Ayŭh.

MAZMUR 48:1

TUHAN inŭh bās ka patut bana dog kibās di kupo bās Tapa ta, di tunduh sandah kudus-I.

MAZMUR 86:9

Sopŭrŭg bangsa adi Kaam mbŭh napa re mandŭg ka mutu ubak ka Mai; ngara re muji bās Mai.

ISAIAH 27:13

Kan andu anŭ mbŭh mandŭg, trompet re dog mambak ngga bagan sopŭrŭg daya Israel adi dog taran ka Assyria ngga Egypt. Ngara re mandŭg ka nyambah TUHAN di Jerusalem, di sandah kudus-I.

ISAIAH 43:6

Aku re kidaan di rais di utara bada pirupas ngara ka rais di siratan bada dŭh bitan ngara. Tandah daya Ku mari so rais rais adi jo, so barang parad di ong.

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 54:2

Bada bayah bari adi yŭn mu rŭŭ; bada ambu taris-i ka bada tagap pagu-i!

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 26:18

“Di andu Hezekiah jadi raja Judah, nabi Micah so Moresheth kidaan di sopŭrŭg daya nang TUHAN Bisa-pŭrŭg mbŭh nang, ‘Zion re dog majak mun ŭmŭh, Jerusalem re jadi tugung rakang tibawang, ka sandah Ramin TUHAN re jadi tuān.’

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

JEREMIAH 48:47

Pak di tika adi re mandŭg TUHAN re bada Moab mujur dinge. Sopŭrŭg anŭ inŭh kayuh adi TUHAN mbŭh nang re jadi di Moab.

EZEKIEL 38:16

ka nyerang daya Ku Israel mun sabak ribut nyarab mutas tarun tana. Kan tika anŭ mandŭg, Aku re pait kuu bada nyerang tarun tana Ku ngga kiren di bangsa bangsa asi Aku ati, ngga kiren pinyikudus Ku so ka kayuh adi Aku ndai so kuu.

EZEKIEL 40:2

Keya ka darŭm pŭmŭh Tapa taban aku di ka tarun tana Israel ka na aku di tibung darŭd adi bigatung. Aku kiris di sirung jawin ku uruk uruk ramin ka rah-i mun ndi kupo.

EZEKIEL 43:12

Ati inŭh ukum-adat Ramin TUHAN: sopŭrŭg tarun tana adi maning-i di tibung darŭd anŭ inŭh kudus.”

DANIEL 10:14

Aku mbŭh mandŭg an bada kuu mirati kayuh adi re jadi di daya mu ju. Kayuh anŭ adi dog kiris keya ka darŭm pŭmŭh inŭh pasar kayuh adi re.”

DANIEL 2:28

Pak agi Tapa adi pinguasa di shorga, adi pinandŭng rati barang masam rusia. Ayŭh mbŭh kidaan di Tuan Raja kayuh adi re jadi jŭ. Madin aku kidaan pŭmŭh anŭ, kayuh adi dog kiren di kaam darŭm bŭŭs.

DANIEL 2:35

Jam anŭ gŭh basi, tana-riyat, timaga, pirak, ngga mas anŭ rubuh ka jadi mun dabu di tarun yŭn daya ngiik di tipuh paras. Sabak taban sopŭrŭg-i ngga bu, ka arok-i mating gŭh. Pak batuh anŭ jadi tibande darŭd adi muno ndi ong ong.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

DANIEL 7:18

Ka daya Tapa adi Siabo Bigatung, re kambat kuasa-raja ka nyikŭn-i ndŭg situi tui.”

DANIEL 7:22

Komŭnŭ sianŭ adi udip ndŭg situi tui mandŭg ka matŭd itong nanyam ka parad daya Tapa adi Siabo Bigatung. Tipuh mbŭh mandŭg yŭn daya Tapa kambat kuasa-raja.

DANIEL 7:27

Kuasa ngga sangŭn sopŭrŭg pritah di ong re dog nggen di daya Tapa adi Siabo Bigatung. Kuasa-raja ngara dŭh re mungan ka sopŭrŭg pimritah di ong re bituan ka nundok di ngara.”

HOSEA 3:5

Pak tipuh re mandŭg kan daya Israel re pari ka TUHAN adi Tapa ngara, ka sesang David adi raja ngara. Ka ngara re taru di TUHAN ka re kambat pinganggen pinganggen-I adi kana.

MICAH 3:12

Ngapŭi meh, sabab angān, Zion re dog majak mun tana, Jerusalem re jadi tugung rakang tibawang, ka sandah Ramin TUHAN re jadi tuān.

ZECHARIAH 14:10

Ndi abong abong utung tarun tana rais, so kupo Geba di parad ka utara ndŭg kupo Rimmon di parad ka siratan, re dog pirata. Jerusalem re bigatung so tarun tana adi maning-i; bayah kupo anŭ inŭh so Tiban Benjamin ndŭg Tiban Sikuh, di yŭn adi ko agi dawŭ-i tiban, ka so Tawā Hananel ndŭg tarun yŭn mŭ anggor adi raja dapu.

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

ZECHARIAH 8:3

Aku re pari ka Jerusalem, kupo kudus Ku, ka rŭŭ diginŭ. Kupo anŭ re dog kadŭn kupo adi tŭtŭd, ka sandah TUHAN Bisa-pŭrŭg re dog kadŭn sandah kudus.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

PINGANDAI 2:17

‘Ati inŭh kayuh adi re Ku ndai di sikasŭn tipuh, Tapa nang: Aku re ren Roh Ku di tunduh sopŭrŭg daya. Anak dari ngga anak dayung ngan re piagah kayuh adi Aku kidaan di ngara. Bara dari bujang ngan re kiris kayuh keya ka di darŭm pŭmŭh, ka bara nyamba dari ngan re biyŭn bagŭ pŭmŭh so Aku.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

2 PETER 3:3

Diŭ so kayuh bŭkŭn, angān dŭh siŭn dŭh an mirati di sikasŭn tipuh re agi kada daya timbur; pimudip ngara dog nguasa pinyiripong pŭrŭng-i. Ngara re nyibudo angān

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 15:4

Asi daya re dŭh taru Kaam, Tuhan? Asi daya re abah kibās adŭn Mai? Kaam sadi adŭ kudus. Sopŭrŭg bangsa re mandŭg nyambah Kaam, sabab pingandai tŭnggŭn Mai dog kiris sopŭrŭg daya.”

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.