MICAH 3:7 - Hakcipta - Biatah Bidayuh

⁷ Ngara adi ninjau tipuh adi re, re dog pimangŭh kan kayuh adi ngara nang dŭh jadi bitŭtŭk. Sopŭrŭg ngara re dog pimangŭh sabab TUHAN dŭh nam ngara.

MICAH 3:7 ပူးပေါင်းရင်းမြစ်များ

MAZMUR 74:9

Sopŭrŭg tandā pinatŭng adi kudus yŭn ami mbŭh mating; nabi mbŭh mating tia, ka mating daya puan ndŭg sinde kayuh ati simuti.

PINYIRUAH 9:11

Bara pinanung mbŭh dŭh tungang situra jawin ngga Moses amai ndi ganan ganan ngara mbŭh puno da pirakis, nimun bara daya Egypt adi bŭkŭn.

ISAIAH 44:25

Aku nyibudo bara daya adi pandai kidaan nasip ka ngarut pininjau bara adi puan pasar bitang. Pinganang daya bijak Aku matah ka kiren pinyibijak ngara budo.

JEREMIAH 18:18

Komŭnŭ daya nang, “Ja ata bipekat rawan Jeremiah! Re ari agi imam adi an ngajar ata, daya bijak adi an pitayan ata, ka bara nabi adi an piagah pinganang so Tapa. Ja ata nyarah ayŭh, ka dŭh tia dingah kayuh adi nang-i.”

EZEKIEL 24:17

Dŭhnyah bada sakuk mu dog dingah daya. Dŭhnyah panu dŭh bibubok bait dŭh bikasut mun daya ngurid. Dŭhnyah nutu jawin mu bait man pinguman daya ngurid.”

EZEKIEL 24:22

Komŭnŭ angān ndai anŭ adi aku mbŭh ndai. Angān dŭh re nutu jawin ngan bait man pinguman daya ngurid.

LEVITICUS 13:45

Kambŭi daya dog andam kurit adi bisā, daya anŭ dŭh siŭn dŭh nēn piraka adi ranjang rasas, dŭhsah nyinod ubok-i, nutu jawin-i di tura ka sagān, ka ngga sirŭŭn bana nang, “Kais kais!”

AMOS 8:11

“Tika-i re mandŭg adi ngga Aku pait apag ka tarun tana ati. Daya re sikirau, pak dŭh sikirau pinguman; daya re badŭh asŭng, pak dŭh sabab an nok piin. Ngara re sikirau ka badŭh asŭng di agah so TUHAN. Aku, adi TUHAN Raja, mbŭh minyu.

MICAH 3:4

Tika-i re mandŭg kan angān re sien bagan TUHAN, pak Ayŭh dŭh re nam angān. Ayŭh dŭh re dingah dua ngan, amai angān mbŭh ndai arap.

MICAH 7:16

Bangsa bangsa re kiris kayuh anŭ ka re mangŭh amai rada pinyibake ngara dŭh biyŭn rati. Ngara re mapot baba ka kajit ngara amai dŭh dapŭd ndai ani ani.

ZECHARIAH 13:4

Kan tika anŭ mbŭh mandŭg, mating nabi re ngangŭn kayuh adi-i kiris keya ka darŭm pŭmŭh, bait ndai adŭp-i bada mun nabi, puan kah nēn piraka nabi adi piburuh ngga-i nipu daya.

1 SAMUEL 14:37

Jadi Saul siken Tapa, “Bisa aku nyerang daya Philistine? Re Mai nggen kah di kieh pimanang?” Pak Tapa dŭh nam di andu anŭ.

1 SAMUEL 28:15

Samuel nang di Saul, “Mani kuu ngaso aku? Mani kuu bada aku pari?” Saul nam, “Aku ati mbŭh dog pinyusah bās! Daya Philistine mbŭh biperang ngga aku, ka Tapa mbŭh tagan aku. Ayŭh dŭh an nam aku tia, bait-i so baba nabi, puan kah so pŭmŭh. Ngapŭi aku bagan kaam, isa kaam kidaan di aku kayuh adi dŭh siŭn dŭh aku ndai.”

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.

1 SAMUEL 9:9

Saul nam, “Kana garang! Ja ata di.” Jadi ngara di meh ka kupo anŭ adi yŭn daya kudus anŭ rŭŭ. Darŭm ngara maad sandah nuju kupo anŭ, ngara bidapŭd ngga kudu kudu naan bujang dayung re di pēn piin. Ngara siken so bara dayung anŭ, “Agi kah sitingga di kupo?” (Di jaman anŭ, nabi dog kadŭn sitingga; jadi kambŭi daya an siken kayuh di Tapa, daya nang, “Ja ata di dapŭd sitingga”)