MICAH 3:4 - Hakcipta - Biatah Bidayuh

⁴ Tika-i re mandŭg kan angān re sien bagan TUHAN, pak Ayŭh dŭh re nam angān. Ayŭh dŭh re dingah dua ngan, amai angān mbŭh ndai arap.

MICAH 3:4 ပူးပေါင်းရင်းမြစ်များ

JOB 27:9

Kan pinyusah mandŭg, re Tapa dingah kah sien ngara mite turung?

JOB 35:13

Dŭh-i biguna ngara bandar bagan; Tapa Bisa-pŭrŭg dŭh kiris bait dingah ngara.

MAZMUR 18:41

Ngara bagan mite turung, pak mating daya nyiramat ngara; ngara bagan TUHAN, pak Ayŭh dŭh nam.

PITAS 1:28

Nganŭ angān re bagan pinyibijak, pak aku re dŭh nam. Angān re jiroh aku di barang yŭn, pak angān dŭh re dapŭd aku.

PITAS 28:9

Kambŭi kuu dŭh sita ukum-adat, dua mu re abah gŭh Tapa dingah.

ISAIAH 1:15

“Kan angān pakat tangan ngan bidua, Aku re dŭh kimat angān. Dŭh kira pikudu kari angān bidua, Aku re dŭh dingah, amai tangan ngan puno ngga deya.

ISAIAH 3:11

Pak payah inŭh daya adi arap; kayuh adi ngara ndai di tunduh daya bŭkŭn re dog ndai di tunduh adŭp ngara.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 33:5

Kada daya re rawan daya Babylonia, adi re ngisi ramin ramin ngga tadang tadang daya adi Aku re siŭ amai baji ngga bangok Ku. Aku re bu so kupo ati sabab kayuh kayuh arap adi daya-i mbŭh ndai.

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

MICAH 3:7

Ngara adi ninjau tipuh adi re, re dog pimangŭh kan kayuh adi ngara nang dŭh jadi bitŭtŭk. Sopŭrŭg ngara re dog pimangŭh sabab TUHAN dŭh nam ngara.

MICAH 7:13

Pak ong re jadi tarun tana-pajam sabab udip ginaka daya adi rŭŭ dieh.

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

MATTHEW 7:22

Di Andu Bisara, bagŭ daya re nang di Aku, ‘Tuhan, Tuhan! Ngga adŭn Mai kieh ko nyuse agah so Tapa, ngga adŭn Mai kieh pibu bagŭ umot ka ndai bagŭ pingandai-nginga!’

LUKE 13:25

Tuan ramin re makat ka tŭŭp tiban; ka kan angān mijog di sapa ka gutog-i buang nang, ‘Kuka tiban yŭn ami, tuan!’ ayŭh re nam angān, ‘Aku dŭh puan so ki angān mandŭg!’

JOHN 9:31

Ata puan Tapa dŭh dingah pimite daya bidosa; Ayŭh dingah pimite daya adi stabi di Ayŭh ka adi ndai pinyiraan-I.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.

1 SAMUEL 8:18

Kan tipuh anŭ mbŭh mandŭg, angān re mingungut pasar raja ngan anŭ, adi adŭp ngan muko mien; pak TUHAN dŭh re piduri pingadu ngan.”