MICAH 2:8 - Hakcipta - Biatah Bidayuh

⁸ TUHAN nam, “Angān nyerang daya Ku mun pinganyu. Bara dari mari so yŭn biperang, pikir adŭp ngara siramat di ramin, pak diginŭ angān kajŭn yŭn re naku piraka adi ngara nēn.

MICAH 2:8 ပူးပေါင်းရင်းမြစ်များ

2 SAMUEL 20:19

Tung jami kupo inŭh kupo bās, ndi so anŭ adi siabo bamai ka pagŭng di Israel. Mani kuu suba an pirubuh-i? Kuu raan nyirubuh kayuh adi TUHAN dapu kah?”

MAZMUR 55:20

Dingan ku adi dawŭ nyerang dingan-i; ayŭh kadong janji-i.

ISAIAH 9:21

Daya Manasseh ngga daya Ephraim nyerang adŭp dupan adŭp-i, ka samah nyerang Judah. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

JEREMIAH 12:8

Daya adi Aku mbŭh mien rawan Aku; mun singah di darŭm tarun ngara mbŭh ngŭr Aku, ngapŭi Aku tiru di ngara.

MICAH 3:2

pak angān tiru di kayuh adi kana ka rindu kayuh adi arap. Angān nganyit daya Ku udip udip ngara ka nyirigat isin so turang ngara.

MICAH 3:3

Angān man daya Ku. Angān nganyit ngara, mata turang ngara, ka natad ngara mun natad dagin adi re dog na darŭm priok.

MICAH 7:2

Mating tia daya adi tŭnggŭn darŭm rais, mating daya adi tŭtŭd di Tapa. Barang naan daya taŭn kajŭn pluang an siŭ daya. Barang naan daya mbŭh ngasū dingan-i adi samah bangsa.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.