MICAH 2:12 - Hakcipta - Biatah Bidayuh

¹² “Pak Aku re nguruk angān, sopŭrŭg ngan daya Israel adi dŭm. Aku re taban angān keya ka biri pari ka darŭm kandang. Keya ka tarun tana kupai adi puno ngga dudu biri, tarun tana ngan re puno dinge bada bara daya.”

MICAH 2:12 ပူးပေါင်းရင်းမြစ်များ

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

ISAIAH 27:12

Di andu anŭ, so Euphrates ndŭg baat Egypt, TUHAN re nguruk daya-I ndi ngga ndi, mun daya nyidŭrŭ gandom so aping.

ISAIAH 34:6

Pedang-I re bitameg da deya ngga ramak ngara, mun deya ngga ramak anak biri ngga kambing adi dog nyadis. TUHAN re jugan sadis anŭ di kupo Bozrah; Ayŭh re pijadi bisaad adi bisā di tarun tana Edom.

ISAIAH 5:17

Di yŭn kupo rubuh anak biri re man kupai ka anak kambing re dapŭd kupai barŭm.

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 3:18

Israel re jadi ndi ngga Judah, ka samah ngara re mandŭg so rais adi yŭn ngara dog taran ka pari ka tarun tana adi Aku mbŭh nggen di tayung-babuk ngara ndu bisaka.”

EZEKIEL 34:11

“Aku, adi TUHAN Raja, kidaan di angān nang adŭp Ku re jiroh biri biri Ku ka kingat ngara

EZEKIEL 34:13

Aku re tambit ngara so rais rais tami, nguruk ngara, ka taban ngara pari ka tarun tana adŭp ngara. Aku re nguru ngara pari ka darŭd darŭd ngga anak anak sungi di Israel ka re paan ngara di tarun tana kupai adi barŭm.

EZEKIEL 34:22

Pak Aku re nyiramat biri Ku ka dŭh re bada ngara tia dog kinanyuh. Aku re tingga arap kana biri biri Ku ka nyidŭrŭ adi kana so adi arap.

EZEKIEL 34:31

“Angān biri Ku, kaban biri adi Aku paan, inŭh daya Ku, ka Aku inŭh Tapa ngan,” nang TUHAN Raja.

EZEKIEL 36:37

TUHAN Raja nang, “Aku re pari dinge bada bara daya Israel mite turung so Aku, ka Aku re bada ngara bitambah bagŭ mun kaban biri.

EZEKIEL 37:21

Komŭnŭ kidaan di ngara nang Aku, adi TUHAN Raja, re tambit sopŭrŭg daya Ku so bangsa bangsa adi ka ngara mbŭh bu, nguruk ngara, ka taban ngara ngga pari ka tarun tana adŭp ngara.

HOSEA 1:11

Daya Judah ngga daya Israel re jadi ndi. Ngara re mien yŭn adŭp ngara ndi naan adŭ pinguru, ka ngara re pari bitambah bagŭ ka udip mujur di tarun tana ngara. Sawŭ, andu Jezreel inŭh re andu adi bās!

AMOS 1:12

Ngapŭi Aku re pait apui da nyatŭk kupo Teman ka sigot kuta kuta Bozrah.”

MICAH 2:13

Tapa re kuka aran yŭn ngara ka taban ngara pari so tarun tana adi yŭn ngara dog taran. Ngara re nyirubuh tiban tiban-bās kupo ka pirupas adŭp ngara. Raja ngara, adi adŭp TUHAN, re nguru ngara ruah.

MICAH 4:8

Ka kuu, Jerusalem, di yŭn Tapa, keya ka pingingat-biri, kingat daya-I, re pari jadi sindŭ kupo pritah nimun dawŭ-i.

MICAH 5:7

Daya Israel adi babŭ udip re keya ka sipot-abun adi piranyah, adi dog pait TUHAN yŭn bagŭ bangsa, mun ujen adi misa anak tŭngŭn kayuh-udip. Ngara re bisangan di Tapa, dŭh di manusia.

MICAH 5:8

Ngara adi babŭ udip di dupan bangsa bangsa re keya ka singah bidandong jiroh pinguman di tuān bait di tarun tana kupai: kan-i mbŭh di ruang kaban biri, singah anŭ mirupat di tunduh biri, ka nyirigat-i; mating daya dapŭd nyiramat-i.

MICAH 7:14

Jadi pingingat yŭn daya Mai, TUHAN, daya adi Kaam mbŭh mien. Sunggu ngara rŭŭ jeh di tarun tana-pajam, tana damŭn agi maning ngara. Tandah ngara man di tarun tana kupai Bashan ka Gilead, nimun ngara ko jah-i.

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

ZEPHANIAH 3:20

Tika-i re mandŭg! Aku re taban mari daya mu adi papar sasah; Aku re bada kuu timagah di ndi ong ong ka bada kuu udip mujur dinge.” TUHAN mbŭh minyu.