MICAH 2:11 - Hakcipta - Biatah Bidayuh

¹¹ “Bara daya ati raan nabi adi gagā kadong ka nipu daya, adi nang, ‘Aku minyu-binabi nang angān re dapŭd raru bagŭ wain ngga nok adi bisā.’

MICAH 2:11 ပူးပေါင်းရင်းမြစ်များ

1 RAJA 13:18

Komŭnŭ nyamba nabi so Bethel anŭ nang di ayŭh, “Aku nabi gŭh mun kuu, ka so ka pesan TUHAN malaikat kidaan di aku bada taban kuu ngga maad ka arŭn ku.” Pak nyamba nabi anŭ kadong.

1 RAJA 22:6

Jadi Ahab bagan bara nabi bada mŭrŭt, agi 400 naan ngara, ka siken ngara, “Patut kah aku di nyerang Ramoth?” “Nyerang nŭh,” ngara nam. “TUHAN re nggen di kaam pimanang.”

JOB 31:5

Aku bipayu aku bŭn arap ka bŭn suba nipu daya.

PITAS 25:14

Daya adi bijanji an nggen kayuh pak bŭn sawŭ nggen inŭh keya ka abun ngga sabak adi dŭh taban ujen.

ISAIAH 28:7

Bara nabi ngga bara imam mbŭh raru mabuk ndŭg ka mbŭh tibabeu. Ngara nok raru bagŭ wain ngga arak ka sikak sikakong amai pikir-i mbŭh manyap. Bara nabi mbŭh raru mabuk ka dŭh tungang mirati kayuh adi keya ka darŭm pŭmŭh adi Tapa nggen, ka bara imam mbŭh raru mabuk ka dŭh tungang ngatur har adi dog taban ka yŭn ngara.

ISAIAH 9:15

Bara nyamba ngga bara adi dog stabi inŭh ubak, ka koi inŭh bara nabi adi nggen ajar kadong!

JEREMIAH 14:14

Pak TUHAN nam, “Bara nabi pakai adŭn Ku ngga kadong daya; Aku mating pait ngara, mating gŭh Aku pesan bait minyu ngga ngara. Ngara minyu pasar kayuh adi ngara kiris keya ka darŭm pŭmŭh, pak anŭ dŭh so Aku. Kayuh adi ngara ninjau inŭh kayuh adi dŭh biguna, kayuh adi adŭp ngara nimbur.

JEREMIAH 23:14

Pak Aku mbŭh kiris bara nabi di Jerusalem ndai anŭ adi rabis arap: ngara tanggah ka kadong daya; ngara turung daya ndai sarah, ndŭg ka mating daya an ko ndai kayuh arap. Di Aku, sopŭrŭg ngara inŭh arap mun daya Sodom ngga Gomorrah.

JEREMIAH 23:17

Di daya adi abah dingah pinganang Ku, ngara ari nang ngara re siramat. Ka ngara kidaan di barang naan daya adi baking nang pinyirusag dŭh re dog ngara.”

JEREMIAH 23:25

Aku puan kayuh adi bara nabi anŭ mbŭh nang, adi minyu kadong ngga adŭn Ku ka kidaan di daya nang Aku mbŭh nggen pinganang Ku di ngara darŭm pŭmŭh.

JEREMIAH 23:32

Dingah kayuh adi Aku, adi TUHAN, nang! Aku rawan bara nabi anŭ adi kidaan pŭmŭh adŭp ngara adi puno ngga pinganang kadong. Ngara kidaan pŭmŭh pŭmŭh anŭ ka kinanyap daya Ku ngga pinganang kadong ka pinganang gambung ngara. Aku mating pait ngara bait mritah ngara bada ndai simŭnŭ; ngara dŭh biguna yŭn sopŭrŭg daya. Aku, adi TUHAN, mbŭh minyu.”

JEREMIAH 28:15

Jadi aku nang sakanŭ di Hananiah, ka aku nang gŭh, “Dingah, Hananiah! TUHAN mating pait kuu, ka kuu bada bara daya ati sabah pinganang kadong.

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

PUĀS 2:14

Bara nabi mu dŭh biyŭn kayuh re ngara kidaan di kuu adŭ-i pinganang kadong; ajar so ngara nipu kuu pak bŭn kidaan dosa mu. Ngara bada kuu bipikir nang kuu dŭhsah pasan dosa mu.

EZEKIEL 13:22

“Ngga pinganang kadong ngan angān pijimŭ atin daya adi kana, adi Aku dŭh an ida ida ngga. Angān ngasu daya arap ndai kraja arap ndŭg ka ngara dŭh dapŭd dog nyiramat.

HOSEA 7:14

Ngara bidua ka Aku dŭh ngga atin batur. Ngara sipŭŭb di tana ka sien mun daya adi dŭh puan Tapa. Kan ngara bidua mite gandom ngga wain, ngara nidi adŭp ngara mun daya adat karŭm. Ngara rawan Aku!

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 3:5

Daya Ku dog kadong nabi nabi adi bijanji an nggen damai di daya adi nggen duit di ngara, pak nang perang re mandŭg ka daya adi dŭh ndai simŭnŭ. Di bara nabi anŭ TUHAN nang,

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.