MICAH 2:10 - Hakcipta - Biatah Bidayuh

¹⁰ Makat ka bu meh so ti. Tarun ati mbŭh dŭh tia siramat. Dosa ngan mbŭh taban pinyirabur ka tarun ati.

MICAH 2:10 ပူးပေါင်းရင်းမြစ်များ

1 RAJA 9:7

Aku re kadi daya Ku Israel so tarun tana adi Aku mbŭh nggen di ngara. Aku re tagan gŭh Ramin ati adi Aku mbŭh nyiberkat ndu tarun yŭn Aku dog nyambah. Daya di barang yŭn re tawŭh ka ngamun Israel.

2 RAJA 15:29

Di jaman Pekah jadi raja, Tiglath Pileser, adi raja-empaya Assyria, sirabut kupo kupo di Ijon, Abel Beth Maacah, Janoah, Kedesh, ka Hazor, samŭn tarun tana Gilead, Galilee, ka Naphtali, ka tambit daya ka Assyria jadi daya-takap.

2 RAJA 17:6

anŭ inŭh sawa adi prii darŭm pinyipritah Hoshea, raja-empaya Assyria sirabut Samaria, taban bara daya Israel ka Assyria jadi daya-takap, ka na kada ngara di kupo Halah, kada sindŭk Yang Habor di utung tarun tana Gozan, ka kada di kupo kupo di Media.

2 KRONIKEL 7:20

Aku re taran angān so tarun tana adi Aku nggen di angān, ka Aku re tagan Ramin ati adi Aku mbŭh nyikudus ndu tarun yŭn Aku dog nyambah. Daya di barang yŭn re tawŭh-i ka ngamun-i.

MAZMUR 106:38

Ngara siŭ bara anak-sŭ adi dŭh sarah, ka tarun tana mbŭh sembar bada bara pinyiŭ anŭ.

MAZMUR 95:11

Aku baji ka bipayu; ‘Angān dŭh re mŭrŭt tarun tana anŭ di yŭn Aku nggen di angān rŭŭ-paya.’ ”

JEREMIAH 10:18

TUHAN re taran angān so tarun tana ati; Ayŭh re pirandŭk angān ndŭg ka angān mating tia dŭm. TUHAN mbŭh minyu.

JEREMIAH 3:2

Tingga tibung tibung sandah. Agi kah tarun adi yŭn mu mating nyundar? Kuu kajŭn ambai mu di bŭngŭn aran, nimun daya Arab tuman dangah-i di tarun tana-pajam. Kuu mbŭh nyembar tarun tana ngga pingandai nyundar mu.

JEREMIAH 9:19

Dingah sak jawŭn sien di Zion, “Kieh mbŭh asur! Kieh mbŭh batur batur dog pimangŭh! Kieh dŭh siŭn dŭh bu so tarun tana ami; ramin arŭn ami mbŭh rubuh.”

EZEKIEL 36:17

“Manusia,” Ayŭh nang, “kan bara daya Israel rŭŭ di tarun tana ngara, ngara nyembar-i ngga aran pimudip ngara. Di Aku urah rakah ngara inŭh kais nanyam ka adat, nimun dayung kais nandā buran-i.

EZEKIEL 36:19

Aku ngukum ngara amai aran pimudip ngara, ka Aku bada ngara papar sasah di rais rais tami.

DITRONOMI 12:9

sabab angān gibayuh mŭrŭt tarun tana anŭ adi TUHAN adi Tapa ngan nggen di angān, adi yŭn angān bisa udip bamai.

DITRONOMI 30:18

angān re dog pirabur! Aku bakan angān digiti madin. Angān dŭh re tui udip di tarun tana di pah mandi Yang Jordan adi angān re ngisi.

DITRONOMI 4:26

Aku bagan rangit ngga tana jadi saksi rawan angān andu ati nang, kambŭi angān nyibireu aku, angān re miyap so tarun tana anŭ. Angān dŭh re tui rŭŭ di tarun tana di pah mandi Yang Jordan adi angān re ngisi. Angān re abo dog pirabur.