MICAH 1:8 - Hakcipta - Biatah Bidayuh

⁸ Komŭnŭ Micah nang, “Sabab anŭ aku re ngurid ka muās. Ngga kiren susah ku, aku re panu dŭh bikasut ka dŭh nēn piraka. Aku re nyikaong sak kasong tarun ka sien sak manuk onta.

MICAH 1:8 ပူးပေါင်းရင်းမြစ်များ

2 RAJA 18:13

Di sawa adi simŭng pat darŭm pinyipritah Hezekiah, Sennacherib, adi raja-empaya Assyria, nyerang kupo kupo Judah adi bikuta ka ngarah sopŭrŭg-i.

ESTHER 4:1

Kan Mordecai dingah sopŭrŭg kayuh anŭ adi mbŭh jadi, ayŭh nyiratak piraka-i amai susah. Komŭnŭ ayŭh nēn banang guni, ngabu apŭk di ubak-i, ka panu darŭm kupo buang bana sien,

JOB 30:29

Sirŭŭn ku sak sirŭŭn daya susah ka maput keya ka sidaong kasong tarun puan kah jawŭn manuk onta.

MAZMUR 102:6

Aku mbŭh keya ka manuk di tarun tana-pajam, mbŭh keya ka manuk bo di tibawang.

ISAIAH 13:21

Anŭ re jadi tarun yŭn dudu dāng tarun tana-pajam rŭŭ ka yŭn manuk bo bisarin. Manuk onta re rŭŭ diginŭ, ka kambing tarun re agi mirupat di tibawang-i.

ISAIAH 13:22

Re agi angū sirŭŭn masam masam kasong tarun di tawā ngga di istana. Andu Babylon mbŭh sindŭk! Tipuh-i mbŭh re ripuan.”

ISAIAH 16:9

Madin aku muās tŭngŭn tŭngŭn anggor Sibmah mun aku muās Jazer. Aku muās Heshbon ngga Elealeh, sabab diginŭ mbŭh mating pingatŭm ngga pigaŭn atin daya.

ISAIAH 21:3

Kayuh anŭ adi aku kiris ka dingah keya ka darŭm pŭmŭh mbŭh bada aku taru buang kandam aku, andam adi brimun ngga sarang andam re biranak.

ISAIAH 22:4

Madin tandah aku muās sopŭrŭg daya ku adi mbŭh kabŭs. Dŭhnyah suba nyaduh aku.

ISAIAH 32:11

Angān mbŭh udip sanang, mating kayuh adi yŭn ngan gapang; pak madin, kimŭtŭr meh ngga taru! Pirukos piraka ngan ka mŭŭng banang guni di kupong ngan.

JEREMIAH 4:19

Andam-i! Dŭh aku tan nyinjŭn-i! Atin ku! Atin ku mbŭh simadup! Aku dŭh dapŭd bada-i tanang; Aku dingah jawŭn trompet ngga sirais perang.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

JEREMIAH 9:10

Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”

JEREMIAH 9:19

Dingah sak jawŭn sien di Zion, “Kieh mbŭh asur! Kieh mbŭh batur batur dog pimangŭh! Kieh dŭh siŭn dŭh bu so tarun tana ami; ramin arŭn ami mbŭh rubuh.”

EZEKIEL 32:18

“Manusia,” Ayŭh nang, “muās sopŭrŭg daya Egypt. Pait ngara ngga bangsa bangsa bŭkŭn ka ong daya adi mbŭh kabŭs.

MICAH 2:4

Kan andu anŭ mbŭh mandŭg, daya re pakai dundan ngan ndu suto pinyirusag, ka ngara re nang ragu susah ati pasar kayuh adi angān mbŭh kinyam: Ata mbŭh rabur! TUHAN mbŭh tambit tarun tana ta ka nggen-i di daya adi mbŭh ngarah ata.”

1 SAMUEL 19:24

Ayŭh kadi piraka-i ka bitanda ka nyirais di sirung jawin Samuel, ka guring sitagor ndi andu andu anŭ ka ndi ngarŭm ngarŭm anŭ. (Simŭnŭ inŭh pinganang ati timbur, “Saul mbŭh jadi nabi gŭh kah?”)