MICAH 1:7 - Hakcipta - Biatah Bidayuh

⁷ Sopŭrŭg tibudo-i re dog pirandŭk bada asur, sopŭrŭg kayuh adi dog nggen di dayung sundar ramin sambah-i re dog pirabur ngga apui, ka sopŭrŭg gayŭn-i re jadi tugung sapok. Samaria dapŭd kayuh kayuh anŭ yŭn adat pinyidamŭn, ka madin bara pinganyu-i re taban-i ngga bu yŭn sundar bari-sambah di tarun bŭkŭn.”

MICAH 1:7 ပူးပေါင်းရင်းမြစ်များ

2 KRONIKEL 31:1

Ripas gawai, sopŭrŭg daya Israel di ka barang kupo di Judah ka mapar uros uros batuh pirapu', ka pitumbang tandā tandā pinatŭng tapa Asherah, ka pirabur mija mija-sambah ka tarun tarun yŭn bisambah adat karŭm. Ngara ndai simŭnŭ di barang yŭn di Judah, ka di tarun tana Benjamin, Ephraim, ka Manasseh; komŭnŭ sopŭrŭg ngara mari.

ISAIAH 23:17

Kan ju puru sawa anŭ mbŭh ripuan, TUHAN re bada Tyre pari ndai dagang-i ngga sopŭrŭg pritah di ong.

ISAIAH 27:9

Pak dosa Israel re dog apun adŭ-i kan batuh mija-sambah daya adat karŭm mbŭh dog pirandŭk ndŭg ka asur mun dabu binyuh, ka mating tia mija-sambah kimanyan, bait tandā tandā pinatŭng tapa Asherah dŭm.

EZEKIEL 6:6

Sopŭrŭg kupo Israel re dog pirabur, isa sopŭrŭg mija-sambah ngara ngga tibudo tibudo ngara dog mape bada asur, mija mija-sambah ngara re dog mapar, ka sopŭrŭg kayuh adi ngara ndai re miyap.

HOSEA 2:12

Aku re pirusak tŭngŭn tŭngŭn anggor ngga tŭngŭn tŭngŭn ara-i, adi-i nang dog nggen bara ambai-i ngga bayar ayŭh. Aku re marik teya anggor ngga risŭn ara-i bada jadi tarun tana-pajam; ka dāng dāng tarun re pirusak-i.

HOSEA 2:14

Aku re taban ayŭh ka tarun tana-pajam dinge; diginŭ Aku re bada ayŭh pari ka adŭp Ku ngga pinganang pinyirindu.

HOSEA 8:5

Aku tiru di sapi mas adi dog nyambah daya kupo Samaria. Aku raru baji di ngara. Ndŭg sinde meh ngara re adu adu nyambah tibudo?

HOSEA 8:6

Ndi naan daya Israel adi tukang, ndai tibudo, adi taŭn dŭh tapa! Sapi mas adi dog nyambah di Samaria re dog mape bada asur!

JOEL 3:3

Ngara taran dadu ngga natu asi re dapu daya-takap. Ngara jua anak-anya dari ngga dayung da jadi urun ngga bayar dayung sundar bait wain.

LEVITICUS 26:30

Aku re pirabur tarun yŭn angān bisambah di sandah, nyirubuh mija mija kimanyan ngan, ka taran tadang ngan di tunduh dudu tibudo ngan adi mbŭh tumbang. Adi raru sipŭ-i,

DITRONOMI 23:18

Ka dinge, mating duit adi dog dapŭd so kraja pingandai adi mun anŭ siŭn dog taban ka darŭm Ramin TUHAN adi Tapa ngan ngga pijadi payu. TUHAN tiru di sundar bari-sambah.

DITRONOMI 9:21

Aku tambit kayuh anŭ adi pingandai dosa ngan, anŭ inŭh tibudo anak sapi basi anŭ, ka taran-i ka darŭm apui. Komŭnŭ aku mape-i bada randŭk ka mupu-i bada jadi dabu, ka taran dabu-i ka sungi adi aman so darŭd.

PINANDŬNG 18:3

Amai sopŭrŭg bangsa mbŭh nok wain-i, wain-i adi bisā, anŭ inŭh, pingandai kais-i. Raja raja di ong ndai pingandai kais ngga ayŭh, ka bara daya dagang mbŭh jadi kaya so pingandai kais-i adi dŭh ko ko.”

PINANDŬNG 18:9

Raja raja di ong adi ko ndai arap ka pingandai kais ngga ayŭh re sien ka muās kupo anŭ kan ngara kiris asuh so jireb apui adi man ayŭh.

1 SAMUEL 5:4

Awar Isan isan andu jawa andi, ngara kiris dinge patong anŭ tumbang nura Pati Simanya anŭ. Saba anŭ ubak-i ngga so-duwŭh tangan-i pata ka mbŭh gandar gandar di pinutug tiban; pŭrŭng-i adŭ dŭm. (