MICAH 1:16 - Hakcipta - Biatah Bidayuh

¹⁶ Daya Judah, kapŭg ubok ngan ngga ngurid anak anak ngan adi angān raru rindu. Nundo ubak ngan bada mun ubak manuk onta, sabab anak anak ngan re dog taran ka rais tami.

MICAH 1:16 ပူးပေါင်းရင်းမြစ်များ

2 RAJA 17:6

anŭ inŭh sawa adi prii darŭm pinyipritah Hoshea, raja-empaya Assyria sirabut Samaria, taban bara daya Israel ka Assyria jadi daya-takap, ka na kada ngara di kupo Halah, kada sindŭk Yang Habor di utung tarun tana Gozan, ka kada di kupo kupo di Media.

JOB 1:20

Ka Job rasu mijog ka nyiratak piraka-i darŭm susah. Ayŭh gumbak ubok-i ka suman adŭp-i di tana.

ISAIAH 15:2

Daya Dibon maad sandah re muās di bari-sambah. Daya Moab nangŭng sien darŭm susah muās kupo Nebo ngga Medeba; ngara gumbak ubok ngga gagap ngara darŭm susah.

ISAIAH 22:12

Di tika anŭ TUHAN Raja Bisa-pŭrŭg bagan angān bada sien ka muās, bada angān nundo ubak ngan ka nēn banang guni.

JEREMIAH 16:6

Adi kaya ngga adi sirata re kabŭs di tarun tana ati, pak mating daya adi re tukang kubur bait ngurid ngara. Mating daya adi re nidi adŭp-i bait nundo ubak-i ngga kiren adŭp-i susah.

JEREMIAH 4:8

Ngapŭi kasŭk piraka banang guni, ka muās ka sien sabab bisā baji TUHAN bayuh tingge Judah.

JEREMIAH 47:5

Pinyusah bās mbŭh nyatŭk daya di Gaza, ka daya Ashkelon gŭh dŭh nang ani ani. Ndŭg sinde ngara adi daya Philistia adi bŭkŭn ngurid?

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

PUĀS 2:19

Ndi ngarŭm ngarŭm ka pari pari makat ka bagan TUHAN; kidaan ani darŭm atin mu ka mite Ayŭh masi di anak anak mu. Anak anak-sŭ mbŭh aŭn sikirau di barang sakap aran!

AMOS 7:11

Ati inŭh kayuh nang-i: ‘Jeroboam re kabŭs darŭm biperang, ka daya Israel re dog taran jo so rais adŭp ngara.’ ”

AMOS 7:17

Ngapŭi meh, Amaziah, TUHAN nang di kuu, ‘Sawŭn mu re jadi dayung sundar di aran kupo, ka bara anak mu re dog siŭ darŭm biperang. Tana mu re dog kutung ka dog nggen di daya bŭkŭn, ka adŭp mu re kabŭs di rais daya adi dŭh puan Tapa. Ka daya Israel taŭn re dog taran jo so rais adŭp ngara.’ ”

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

DITRONOMI 28:41

Angān re biyŭn bagŭ anak dari ngga anak dayung pak ngara re mating, amai ngara re dog taban ngga bu jadi daya-takap.