MAZMUR 96:4 - Hakcipta - Biatah Bidayuh

⁴ TUHAN inŭh bās ka patut dog muji; Ayŭh inŭh patut dog stabi rabis so tapa tapa adi bŭkŭn.

MAZMUR 96:4 ပူးပေါင်းရင်းမြစ်များ

2 KRONIKEL 2:4

Aku pijog ndi ramin ngga stabi di TUHAN adi Tapa ku. Anŭ re tarun yŭn adi kudus di yŭn ku ngga daya ku nyambah Ayŭh buang badang kimanyan adi buuh ramak, di yŭn ami re ari jugan ruti kudus, ka yŭn ami jugan sadis badang barang isan isan ngga singumi andu, samŭn di andu Sabbath, di andu gawai Anak Buran, ka di andu adi bās adi bŭkŭn ngga stabi di TUHAN adi Tapa ami. Ayŭh mbŭh pesan Israel bada adu adu ndai simŭnŭ.

NEHEMIAH 9:5

Bara daya Levi ati bagan bara daya bada simayang: Jeshua, Kadmiel, Bani, Hashabneiah, Sherebiah, Hodiah, Shebaniah, ngga Pethahiah. Ngara nang: “Mijog ka nggen puji ka TUHAN adi Tapa ngan; muji Ayŭh ndŭg situi tui! Muji adŭn-I adi bibragah sopŭrŭg ngan, sunggu puji manusia dŭh re sukup bās.”

MAZMUR 145:3

TUHAN inŭh bās ka patut bana dog muji; bās-I rabis so tungang dog mirati.

MAZMUR 150:2

Muji meh Ayŭh amai kayuh bās adi mbŭh-I ndai. Muji Ayŭh adi siabo bigatung.

MAZMUR 18:3

Aku bagan, mite turung so TUHAN, ka Ayŭh nyiramat aku so bara pinganyu ku. Muji meh TUHAN!

MAZMUR 48:1

TUHAN inŭh bās ka patut bana dog kibās di kupo bās Tapa ta, di tunduh sandah kudus-I.

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

MAZMUR 66:5

Mandŭg ka tingga kayuh adi Tapa mbŭh ndai, pingandai saruh-I yŭn manusia.

MAZMUR 76:7

Pak Kaam, TUHAN, dog taru sopŭrŭg. Mating daya tungang situra jawin ngga Kaam kan Kaam baji.

MAZMUR 86:10

Kaam inŭh bikuasa ka ndai kayuh adi saruh; Kaam sadi inŭh Tapa.

MAZMUR 89:7

Kaam dog stabi di udung bās bara adi kudus; ka sopŭrŭg ngara taru di Kaam.

MAZMUR 95:3

Amai TUHAN inŭh Tapa Bisa-pŭrŭg, raja adi bikuasa di tunduh sopŭrŭg tapa.

PINYIRUAH 18:11

Madin aku puan nang TUHAN sawŭ bās dŭ so sopŭrŭg tapa adi bŭkŭn, amai Ayŭh mbŭh ndai simŭnŭ di tika daya Egypt dŭh stabi di daya Israel.”

JEREMIAH 5:22

Aku ati TUHAN; mani angān dŭh taru Aku? Mani angān dŭh kimŭtŭr di sirung jawin Ku? Aku na sumat ndu baat rawŭt, baat adi tatap adi dŭh rawŭt dapŭd mutas. Rawŭt bisa magā ka ndai girumbang, pak dŭh dapŭd mutas-i.

DANIEL 2:47

Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

LUKE 12:5

Aku kidaan di angān asi adi angān patut taru: Taru meh Tapa, Ayŭh, ripas-I ko siŭ, biyŭn kuasa taran daya ka darŭm apui neraka. Sawŭ, Aku nang di angān, Ayŭh inŭh adi angān patut taru!

PINANDŬNG 15:4

Asi daya re dŭh taru Kaam, Tuhan? Asi daya re abah kibās adŭn Mai? Kaam sadi adŭ kudus. Sopŭrŭg bangsa re mandŭg nyambah Kaam, sabab pingandai tŭnggŭn Mai dog kiris sopŭrŭg daya.”

1 SAMUEL 4:8

Asi tungang nyiramat ata so tapa tapa adi bikuasa anŭ? Anŭ inŭh tapa tapa adi muko siŭ bara daya Egypt di tarun tana-pajam!