MAZMUR 9:10 - Hakcipta - Biatah Bidayuh

¹⁰ Daya adi puan Kaam, TUHAN, re sabah di Kaam; Kaam dŭh tagan tadŭ daya adi mandŭg ka Kaam.

MAZMUR 9:10 ပူးပေါင်းရင်းမြစ်များ

2 SAMUEL 22:3

Tapa ku inŭh pinyigrindung ku, aku siramat ngga Ayŭh. Ayŭh grindung aku keya ka pinangin; Ayŭh tak aku ka bada aku siramat. Ayŭh inŭh pinyikudip ku, Ayŭh grindung aku ka nyiramat aku so daya adi ganas.

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

MAZMUR 37:28

amai TUHAN rindu kayuh adi batur ka dŭh tagan daya-I adi tŭtŭd. Ayŭh grindung ngara ndŭg situi tui, pak sesang daya adi ginaka re dog pibu.

MAZMUR 37:39

TUHAN nyiramat daya tŭnggŭn ka grindung ngara di tipuh pito.

MAZMUR 5:11

Pak sopŭrŭg adi mbŭh pagŭng darŭm Kaam re gaŭn; ngara siŭn ari biragu amai gaŭn. Grindung ngara adi rindu Kaam; sabab Kaam ngara tŭk sawŭ sanang.

MAZMUR 57:1

Masi di aku, O Tapa, masi di aku, sabab aku mandŭg ka Kaam yŭn pinyiramat. Di sayung ribo urad Mai aku dapŭd pinyigrindung ndŭg ka sabak ribut adi bangat mbŭh saya.

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

PITAS 18:10

TUHAN inŭh keya ka tawā adi tagap, di yŭn daya tŭnggŭn dapŭd bisukan.

ISAIAH 25:4

Daya sirata ngga daya rumuh mbŭh bu tudu Kaam ka mbŭh siramat di tika pinyusah. Kaam grindung ngara so sabak ribut ka grindung ngara so paras sura. Pinganyu adi gaok nyerang mun sabak ribut di tipuh madud,

ISAIAH 45:19

Aku bŭn minyu darŭm bisukan bait sukan pinŭtŭn kraja Ku. Aku dŭh bada daya Israel jiroh Aku ngga dŭh biyŭn rati. Aku ati TUHAN, ka Aku minyu kayuh adi sawŭ; Aku bada dog puan kayuh adi batur.”

JEREMIAH 29:13

Angān re jiroh Aku, ka angān re dapŭd Aku sabab angān re jiroh Aku ngga siabo atin ngan.

NAHUM 1:7

TUHAN inŭh kana; Ayŭh grindung daya-I di tika pinyusah; Ayŭh kingat ngara adi mandŭg ka Ayŭh.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

1 JOHN 2:3

Kambŭi ata sita pinyipesan Tapa, ata taŭn ngaku adŭp ta sawŭ puan Ayŭh.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.