MAZMUR 9:1 - Hakcipta - Biatah Bidayuh

¹ Aku re muji Kaam, TUHAN, ngga siabo atin ku; aku re kidaan sopŭrŭg kayuh-saruh adi mbŭh Mai ndai.

MAZMUR 9:1 ပူးပေါင်းရင်းမြစ်များ

1 KRONIKEL 16:12

Angān bara sesang Jacob, urun Tapa, bara sesang Israel, adi Tapa mien, ingat pingandai-nginga adi Tapa ndai ngga pinyipatŭd itong adi-I nggen.

1 KRONIKEL 16:24

Piagah bragah-I di bangsa bangsa, pingandai bās-I di sopŭrŭg daya.

MAZMUR 106:2

Asi tungang kidaan sopŭrŭg pingandai bās adi mbŭh-I ndai? Asi tungang muji Ayŭh ngga sukup-i?

MAZMUR 111:1

Muji meh TUHAN! Ngga siabo atin ku aku re nggen trima kaseh ka TUHAN di tika daya-I tikuruk.

MAZMUR 138:1

Aku nggen trima kaseh di Kaam, TUHAN, ngga siabo atin ku; aku nang ragu puji ka Kaam di sirung jawin bara tapa.

MAZMUR 26:7

Aku nang ragu trima kaseh ka kidaan sopŭrŭg pingandai saruh Mai.

MAZMUR 51:15

Turung aku minyu, TUHAN, ka aku re kibās Kaam.

MAZMUR 7:17

Aku jugan trima kaseh ka TUHAN amai pinyitŭnggŭn-I, Aku nang ragu puji ka TUHAN, adi Sambu Sopŭrŭg.

MAZMUR 86:12

Aku re muji Kaam ngga siabo atin ku, O TUHAN adi Tapa ku; Aku re piagah bās Mai ndŭg situi tui,

MAZMUR 9:14

isa aku muji Kaam di sirung jawin daya Jerusalem ka kidaan di ngara sopŭrŭg kayuh kana adi Kaam mbŭh ndai. Aku re gaŭn ginanyŭn sabab Kaam mbŭh nyiramat aku.

ISAIAH 12:1

Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

ISAIAH 43:21

Ngara inŭh daya adi Aku mbŭh ndai yŭn adŭp Ku, ka ngara re nang ragu ngga muji Aku!”

ISAIAH 60:6

Bara pinunggang onta re mandŭg, so Midian ngga Ephah. Ngara re mandŭg so Sheba, taban mas ngga kimanyan. Daya re kidaan agah kana pasar kayuh adi TUHAN mbŭh ndai!

LUKE 10:27

Daya anŭ nam, “ ‘Rindu Tuhan adi Tapa mu ngga siabo abo atin mu, ngga siabo abo simangi mu, ngga siabo abo asŭng mu, ka ngga siabo abo pikir mu’; ka ‘Rindu dingan mu nimun kuu rindu adŭp mu.’ ”

HEBREW 13:15

Ja ata siraru jugan puji ka Tapa ndu sadis ta so ka Jesus, adi pinganggen so baba adi ngaku Ayŭh Tuhan.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!