MAZMUR 82:2 - Hakcipta - Biatah Bidayuh

² “Angān dŭh siŭn dŭh ko nggen bisara dŭh ngga pinyitŭnggŭn; angān dŭh siŭn tia marad ka daya adi ginaka!

MAZMUR 82:2 ပူးပေါင်းရင်းမြစ်များ

1 RAJA 18:21

Elijah di ka yŭn bara daya ka nang, “Ndŭg sinde angān gibabŭ ndai pikir ngan? Kambŭi TUHAN inŭh Tapa, nyambah Ayŭh; pak kambŭi Baal inŭh Tapa, nyambah Baal!” Bara daya dŭh nang ani ani.

2 KRONIKEL 19:7

Stabi di TUHAN ka ndai kraja ngan ngga nakit, sabab TUHAN adi Tapa ta abah di pingandai tipu, pingandai marad di pingatur yŭn daya, puan kah trima suap.”

JOB 32:21

Aku dŭh re marad ngga asi asi; aku dŭh re muji asi asi.

JOB 34:19

Ayŭh dŭh marad ka bara pimritah puan kah nyibandar daya kaya so daya sirata, amai Ayŭh napa sopŭrŭg daya.

MAZMUR 62:3

Ndŭg sinde sopŭrŭg ngan nyerang daya adi mbŭh dŭh mbŭh so pinyibake buwang adi mbŭh rubuh?

PINYIRUAH 10:3

Jadi Moses ngga Aaron di dapŭd raja ka nang di ayŭh, “TUHAN, adi Tapa daya Hebrew, nang, ‘Ndŭg sinde kuu dŭh an nundok di Aku? Bada daya Ku ruah isa ngara bisa nyambah Aku.

PITAS 18:5

Taŭn dŭh batur nŭŭh ngarun daya adi sarah ka kinanyuh daya adi dŭh sarah.

EZEKIEL 45:9

TUHAN Raja nang, “Angān mbŭh tui bidosa, angān pimritah Israel! Pirŭŭ pinyiganas ngga kraja ngan adi kinanyuh daya. Ndai kayuh adi batur ka tŭnggŭn. Angān dŭh siŭn tia pibu daya Ku so tarun tana ngara. Aku, adi TUHAN Raja, mbŭh kidaan di angān.

LEVITICUS 19:15

“Ndai anŭ adi batur ka dŭhnyah marad kan angān ngatur har daya; dŭhnyah marad ngga tadŭ daya, bait-i daya sirata puan kah daya kaya.

MATTHEW 17:17

Jesus nam, “Angān manusia adi kurang sabah ka adi manyap! Ndŭg sinde meh Aku dŭh siŭn dŭh rŭŭ ngga angān? Ndŭg sinde Aku patut bijijŭ ngga angān? Taban anak anŭ kamati ka yŭn Ku!”

GALATIA 2:6

Ngara adi mbŭh dog nyirundeng jadi pinguru Kristen mating nggen di aku pikir-kira bauh. Aku nang sakanŭ, sabab aku dŭh piduri asi ngara; di batŭh Tapa sopŭrŭg daya brimun.

DITRONOMI 1:17

Dŭhnyah marad kan matŭd itong. Ngatur sarah barang naan daya dŭh mien asi asi ngara. Dŭhnyah taru di tadŭ daya, amai pimatŭd itong ngan agi mandŭg so Tapa. Kambŭi agi har adi raru mbar angān ngatur, taban-i ka ku, ka aku re ngatur-i.’