MAZMUR 79:3 - Hakcipta - Biatah Bidayuh

³ Ngara piruah deya daya Mai mun piin; deya paman mun piin di barang yŭn darŭm Jerusalem, ka mating adi babŭ udip adi re tukang kubur daya kabŭs.

MAZMUR 79:3 ပူးပေါင်းရင်းမြစ်များ

MAZMUR 141:7

Mun apŭg kayuh dog mire ka dog nŭtŭb bada prisupek, simŭnŭ inŭh turang ngara di bŭngŭn rubang kubur.

MAZMUR 79:10

Mani bangsa bangsa sah siken kieh, “Diki Tapa ngan?” Bada kieh kiris Kaam ngukum bangsa bangsa adi piruah deya bara urun Mai.

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 15:3

Aku, adi TUHAN, mbŭh natu nang pat masam kayuh adi sipŭ re jadi di ngara: ngara re dog siŭ darŭm perang; tadang ngara re dog tarik kasong; manuk re man-i, ka dāng tarun re man tadŭh-i.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 25:33

Di andu anŭ tadang ngara adi TUHAN mbŭh siŭ re mingare di ong so tŭbŭn ndi ndŭg tŭbŭn andi. Mating daya re ngurid ngara, ka ngara re dŭh dog tambit ka dog kubur. Ngara re prigure di tunduh tana mun tugung tamŭh.

JEREMIAH 34:20

Aku re nggen ngara ka darŭm tangan pinganyu ngara, adi re siŭ ngara, ka tadang ngara re dog man manuk ngga dāng dāng tarun.

ZEPHANIAH 1:17

TUHAN nang, “Aku re taban pinyirusag anŭ bada nyatŭk manusia, ndŭg ka barang naan daya re panu kāp tarun mun daya karak. Ngara mbŭh bidosa rawan Aku, ka madin deya ngara re babas mun piin, ka tadang ngara re prigure di tunduh tana, madam.”

MATTHEW 23:35

Ngapŭi meh, Tapa re ngukum angān amai bara daya adi dŭh sarah ko dog siŭ, so Abel adi dŭh sarah ndŭg Zechariah anak Berechiah, adi angān siŭ di asah Ramin Tuhan ngga mija-sambah.

ROME 8:36

Sak adi nang Surat-kudus, “Sabab Kaam, di tadŭ nga-i kieh ari re ruban asŭng ami. Daya ndai di tunduh kieh keya ka kieh ati biri adi re dog simareh.”

PINANDŬNG 11:9

Daya so barang rais, tibaran-asar, piminyu, ngga bangsa re tingga tadang ngara sitian taruh andu sitangah ka dŭh re nyibandar-i dog kubur.

PINANDŬNG 16:6

Ngara ko siŭ bara daya adi Kaam ko mien samŭn bara nabi, ka Kaam meh mbŭh nggen deya da ngara nok. Ngara trima kayuh adi ngara patut trima!”

PINANDŬNG 17:6

Ka aku kiris dayung anŭ mabuk ngga deya bara daya adi Tapa mbŭh mien ka ngga deya ngara adi dog siŭ sabab ngara nundok ka bituan di Jesus. Kan aku kiris ayŭh aku gŭgŭh buang nginga.

PINANDŬNG 18:24

Babylon dog ukum sabab deya nabi ngga deya bara daya adi Tapa mbŭh mien mbŭh dog dapŭd darŭm-i. Sawŭ, deya sopŭrŭg daya adi dog siŭ di ong.