MAZMUR 76:6 - Hakcipta - Biatah Bidayuh

⁶ Kan Kaam pirawan ngara, O Tapa Jacob, kuda kuda ngga ngara adi nunggang-i rabu ka kabŭs.

MAZMUR 76:6 ပူးပေါင်းရင်းမြစ်များ

2 SAMUEL 10:18

ka bara soldadu daya Israel rawan ngara bada ngundur. David ngga bara soldadu-i siŭ 700 naan soldadu daya Syria adi tukang pimanu krita kuda ka 40,000 naan soldadu adi nunggang kuda, ka ngara bada biragan Shobach adi pingibās soldadu pinganyu, adi kabŭs di yŭn biperang.

2 RAJA 19:35

Ngarŭm anŭ ndi naan malaikat TUHAN di ka tarun yŭn daya Assyria bibari ka siŭ 185,000 naan soldadu. Ka ngga isan isan, ngara mbŭh sadi prigure kabŭs!

2 KRONIKEL 32:21

Komŭnŭ TUHAN pait ndi naan malaikat adi siŭ bara soldadu ngga pingubak pingubak bara tibaran soldadu Assyria. Ka raja-empaya pari ka Assyria mangŭh. Ndi andu kan ayŭh di ramin-sambah tapa-i, kada so bara anak dari-i siŭ ayŭh ngga pedang.

MAZMUR 104:7

Kan Kaam nyara piin, ka-i bu; ngara babak kan ngara dingah kuasa sirŭŭn Mai.

MAZMUR 18:15

Rasan rawŭt tatŭng, ka pinagap-rasan tana tatŭng, kan Kaam nang bara pinganyu Mai, TUHAN, ka bidudū baji di ngara.

MAZMUR 80:16

Pinganyu ami mbŭh badang ka tabŭng-i; tingga ngara ngga baji Mai ka pirabur ngara!

PINYIRUAH 15:1

Komŭnŭ Moses ngga bara daya Israel nang ragu ati ka TUHAN: “Aku an nang ragu ka TUHAN, sabab Ayŭh mbŭh dapŭd pimanang adi bibragah; Ayŭh mbŭh taran bara kuda ngga pinunggang-i ka darŭm rawŭt.

PINYIRUAH 15:10

Pak Kaam poh ndi sidah, TUHAN, ka bara daya Egypt rasu rŭnggŭd; ngara timŭtŭm keya ka timah ka darŭm piin adi raru tŭrŭp.

PINYIRUAH 15:21

Miriam biragu yŭn ngara: “Biragu ka TUHAN, amai Ayŭh mbŭh manang darŭm bragah. Ayŭh mbŭh taran bara kuda ngga pinunggang-i ka darŭm rawŭt.”

ISAIAH 37:36

Malaikat TUHAN di ka tarun yŭn bara daya Assyria bibari ka siŭ 185,000 naan soldadu. Ngga isan isan andu jawa ndi ngara mbŭh abo kabŭs!

JEREMIAH 51:39

Ngara pirusong? Aku re sidia gawai yŭn ngara ka bada ngara mabuk ka pawŭn. Ngara re bŭŭs ka re ruro dŭh makat.

JEREMIAH 51:57

Aku re bada bara pimritah-i mabuk — ngara adi bijak, ngara adi pinguru, ka bara soldadu-i. Ngara re bŭŭs ka re ruro dŭh makat. Aku, adi TUHAN, mbŭh minyu, Aku ati TUHAN Bisa-pŭrŭg.

EZEKIEL 39:20

Di mija Ku ngara re man sopŭrŭg kuda ngga bara pinunggang kuda ngga bara soldadu adi barang masam. Aku, adi TUHAN Raja, mbŭh minyu.”

NAHUM 1:6

Kan Ayŭh baji, asi tan? Asi dapŭd rupas so bisā baji-I? Ayŭh piruah baji-I keya ka apui adi bijagu; batuh ruruh kan situra ngga Ayŭh.

NAHUM 2:13

“Aku ati pinganyu mu!” nang TUHAN Bisa-pŭrŭg. “Aku re badang krita krita kuda mu. Bara soldadu mu re dog siŭ darŭm perang, ka Aku re taban ngga bu sopŭrŭg kayuh adi kuu ko sirapas so daya. Sirŭŭn bara pinyisung mu re dŭh tia dog dingah.”

NAHUM 3:18

Raja-empaya Assyria, bara pimritah mu mbŭh kabŭs, ka bara daya bās mu mbŭh bŭŭs adu adu! daya mu mbŭh mingare di arong darŭd, ka mating daya re tia taban ngara ngga mari.

ZECHARIAH 12:4

Di tika anŭ Aku re pitaru sopŭrŭg kuda ka bada sopŭrŭg pinunggang-i jadi gira. Aku re jaga daya Judah, pak kuda pinganyu ngara Aku re bada karak.

1 SAMUEL 26:12

Jadi David tambit jarok ngga bŭrŭh piin batur so bŭngŭn ubak Saul, ka ayŭh ngga Abishai bu so nŭ. Mating daya kiris bait puan kayuh adi mbŭh jadi puan kah burah, amai TUHAN bada sopŭrŭg ngara rŭrŭ bŭŭs.