MAZMUR 74:9 - Hakcipta - Biatah Bidayuh

⁹ Sopŭrŭg tandā pinatŭng adi kudus yŭn ami mbŭh mating; nabi mbŭh mating tia, ka mating daya puan ndŭg sinde kayuh ati simuti.

MAZMUR 74:9 ပူးပေါင်းရင်းမြစ်များ

PINYIRUAH 12:13

Deya dāng adi susen ngan di uros uros tiban re jadi tandā ramin adi yŭn ngan rŭŭ. Kan Aku kiris deya anŭ, Aku re nandan angān ka dŭh re ngukum angān darŭm Aku panu ngukum daya Egypt.

PUĀS 2:9

Tiban tiban rubuh, parang parang-i mbŭh asur. Madin raja ngga bara daya adi bās mbŭh dog taran ka rais tami. Ukum-adat mbŭh dŭh tia dog ngajar, ka bara nabi mbŭh dŭh tia kiris keya ka darŭm pŭmŭh kayuh so TUHAN.

EZEKIEL 20:12

Aku bada pinyita andu Sabbath jadi tandā pekat-janji Ku ngga ngara, ngga bada ngara ingat Aku, adi TUHAN adi bada ngara kudus.

EZEKIEL 7:26

Pinyirusag re bitunda nyatŭk angān, ka agah arap re adu adu mandŭg. Angān re bada nabi nabi pinandŭng kayuh adi ngara diŭ kiris. Imam imam re dŭh biyŭn kayuh re-i ngajar di bara daya, ka bara nyamba re dŭh biyŭn pinganang pitayan re-i nggen.

AMOS 8:11

“Tika-i re mandŭg adi ngga Aku pait apag ka tarun tana ati. Daya re sikirau, pak dŭh sikirau pinguman; daya re badŭh asŭng, pak dŭh sabab an nok piin. Ngara re sikirau ka badŭh asŭng di agah so TUHAN. Aku, adi TUHAN Raja, mbŭh minyu.

MICAH 3:6

“Bara nabi, pinŭbŭn pimudip ngan mbŭh sindŭk; di angān andu re jadi karŭm. Sabab angān kinanyap daya Ku, angān re dŭh tia kiris kayuh keya ka darŭm pŭmŭh, ka angān re dŭh dapŭd ninjau tadŭ tadŭ kayuh.”

MICAH 3:7

Ngara adi ninjau tipuh adi re, re dog pimangŭh kan kayuh adi ngara nang dŭh jadi bitŭtŭk. Sopŭrŭg ngara re dog pimangŭh sabab TUHAN dŭh nam ngara.

HEBREW 2:4

Nganŭ gŭh adŭp Tapa mbŭh natu sopŭrŭg-i sawŭ ngga barang masam pingandai-nginga ka pingandai-saruh-I, ka ngga pinganggen Roh Kudus adi-I kutung nanyam ka pinyiraan adŭp-I.

AKIM 6:17

Gideon nam, “Kambŭi asŭng Mai munos di aku, kiren garang tandā di aku nang Kaam ati sawŭ TUHAN adi minyu ngga aku.

1 SAMUEL 3:1

Di jaman anŭ, di tika anak anŭ Samuel bituan di TUHAN di ribo pingatur Eli, pinganang dŭh bagŭ mandŭg so TUHAN, ka kayuh adi dog kiris keya ka darŭm pŭmŭh raru jarang gŭh mandŭg so Ayŭh.