MAZMUR 72:7 - Hakcipta - Biatah Bidayuh

⁷ Isa pinŭnggŭn masang di jaman-i, ka isa-i pimujur babŭ sitadŭn buran nggen jawa.

MAZMUR 72:7 ပူးပေါင်းရင်းမြစ်များ

1 RAJA 4:25

Sitŭkŭd ayŭh udip, daya di Judah ngga di Israel udip ngga siramat, barang rawang biyŭn teya anggor ngga risŭn ara adŭp-i.

1 RAJA 5:4

Pak madin TUHAN adi Tapa ku mbŭh nggen udip bamai yŭn ku di sopŭrŭg parad baat tana ku. Aku dŭh biyŭn pinganyu ka mating tia serang so barang yŭn.

MAZMUR 92:12

Daya tŭnggŭn re mujur mun tŭngŭn kurma; ngara re udip mun tŭngŭn sedar Lebanon.

ISAIAH 2:4

Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 60:1

Makat, Jerusalem, ka nyekar mun batŭh andu meh; Bragah TUHAN mbŭh nyekar di tunduh mu!

ISAIAH 60:22

Ndŭg ka rawang mu adi siabo sŭ ngga adi dog ngamun re jadi bangsa adi bās ngga adi bikuasa. Kan tika-i adi batur mbŭh mandŭg, Aku re bada kayuh anŭ rikas jadi. Aku ati TUHAN!

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

MALACHI 4:2

Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

LUKE 1:33

ka Ayŭh re adu adu jadi raja yŭn bara sesang Jacob; pritah-I re dŭh biyŭn pinŭbŭn!”

LUKE 2:14

“Bragah ka Tapa di rangit siabo bigatung ka damai di ong yŭn ngara adi pimunos asŭng-I!”

PINGANDAI 4:32

Tibaran adi sabah mbŭh ndi atin ndi pekat. Mating so ngara nang tadŭ tadŭ kayuh adi-i dapu mbŭh tung adŭp-i, pak ngara samah samah sua dapu sopŭrŭg-i.