MAZMUR 72:4 - Hakcipta - Biatah Bidayuh

⁴ Isa-i raja ngibān daya adi sirata; isa-i ayŭh turung daya adi dŭh biyŭn ani ani ka ngarah daya adi kinanyuh ngara.

MAZMUR 72:4 ပူးပေါင်းရင်းမြစ်များ

JOB 34:24

Ayŭh dŭhsah pirasa kan-I an kadi bara pinguru ka gati ngara ngga daya bŭkŭn.

MAZMUR 109:31

sabab Ayŭh ngibān daya sirata ka nyiramat ngara so tibaran adi nggen ukum kabŭs di ngara.

MAZMUR 2:9

Kuu re pirandŭk ngara pakai sikud basi; kuu re pirandŭk ngara bada asur keya ka priok tana.’ ”

MAZMUR 94:5

Ngara bada asur daya Mai, TUHAN; ngara kinanyuh ngara adi mbŭh jamai.

PITAS 20:26

Raja adi bijak re puan asi adi ndai sarah, ka re ngukum daya anŭ ngga dŭh biyŭn masi.

ISAIAH 11:4

Ayŭh re tingga arap kana daya sirata ngga pinyitŭnggŭn ka ngibān hak ngara adi dŭh bigaya. Ngga pinyipesan-I daya re dog ukum, ka daya arap re kabŭs.

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 42:3

Ayŭh dŭh re mata tŭngŭn reed adi miringe bait mura prita adi bŭrŭp bŭrŭp. Ayŭh re taban pinyitŭnggŭn adi tan adu adu yŭn sopŭrŭg daya.

ISAIAH 9:4

Kaam mbŭh mata kuasa ngara adi kinanyuh ka piurun daya Mai. Kaam mbŭh pirupas ngara nimun Kaam nyiramat daya Mai so daya Midian ndun jah.

ZECHARIAH 11:11

Simŭnŭ inŭh simanya dog kinating di andu anŭ. Ngara adi miris ka jua biri nyibatŭh aku, ka ngara puan nang TUHAN minyu so pingandai ku anŭ.

ZECHARIAH 11:7

Ngara adi miris ka jua biri ngaji aku, ka aku jadi pingingat-biri adi re dog siŭ. Aku tambit duwŭh sikud: ndi aku kadŭn “Pinyirasi”, ka anŭ ndi Aku kadŭn “Bisindi”. Ka aku kingat kaban biri anŭ.

MATTHEW 11:5

daya karak dapŭd kiris, daya bajang dapŭd panu, ngara adi naman andam kurit adi bisā mbŭh dog pibisig, daya bangam dapŭd dingah, daya kabŭs dog pakat, ka Agah Kana mbŭh dog nyuse di daya sirata.

PINANDŬNG 18:20

Gaŭn meh, shorga, sabab pinyirubuh-i! Gaŭn meh, bara daya adi Tapa mbŭh mien ngga bara pinyuruh ka bara nabi, amai Tapa mbŭh nunggu ayŭh sabab kayuh adi-i ko ndai di angān!

PINANDŬNG 18:24

Babylon dog ukum sabab deya nabi ngga deya bara daya adi Tapa mbŭh mien mbŭh dog dapŭd darŭm-i. Sawŭ, deya sopŭrŭg daya adi dog siŭ di ong.

PINANDŬNG 19:2

Batur buang tŭnggŭn inŭh ukum-I! Ayŭh mbŭh nunggu dayung sundar anŭ adi kinanyap ong ngga pingandai kais-i. Tapa mbŭh ngukum ayŭh sabab ayŭh ko siŭ bara urun-I.”