MAZMUR 72:2 - Hakcipta - Biatah Bidayuh

² isa ayŭh mritah daya Mai ngga pinyitŭnggŭn ka nguasa ngga pinŭnggŭn daya adi dog kinanyuh.

MAZMUR 72:2 ပူးပေါင်းရင်းမြစ်များ

2 SAMUEL 23:3

Tapa Israel mbŭh minyu, pinyigrindung Israel nang di aku: “Raja adi mritah ngga pinŭnggŭn, adi mritah darŭm nundok di Tapa,

1 RAJA 10:9

Puji ka TUHAN adi Tapa mu! Ayŭh mbŭh kiren munki masam munos asŭng-I di kuu; ngapŭi meh Ayŭh mbŭh bada kuu jadi raja Israel. Sabab pinyirindu-I di Israel tan adu adu, Ayŭh mbŭh bada kuu jadi raja isa kuu dapŭd pimanu ukum-adat ngga pinyitŭnggŭn.”

1 RAJA 3:28

Kan daya Israel dingah gaya Solomon matŭd itong, sopŭrŭg ngara mbŭh puno ngga stabi di ayŭh, amai ngara puan nang Tapa mbŭh nggen di ayŭh pinyibijak ngga nyirase kaii daya ngga tŭnggŭn.

1 KRONIKEL 29:19

Nggen di anak ku Solomon atin adi sukup raan tunda pinganang Mai ka pijog ramin simayang ati pakai sopŭrŭg kayuh adi mbŭh aku sidia ati.”

JOB 34:19

Ayŭh dŭh marad ka bara pimritah puan kah nyibandar daya kaya so daya sirata, amai Ayŭh napa sopŭrŭg daya.

MAZMUR 12:5

“Pak madin aku re mandŭg,” nang TUHAN, “sabab ngara adi sirata dog kinanyuh ka adi dog kisiis nyidaing amai mandam. Aku re nggen di ngara pinyipagŭng adi ngara gruwŭn.”

PITAS 29:14

Kambŭi raja ngibān hak daya sirata, ayŭh re tui mritah.

ISAIAH 32:1

Re agi raja adi mritah ngga pinŭnggŭn, ka pinguru pinguru bangsa adi mritah ngga pinyitŭnggŭn.

ISAIAH 32:17

Sabab barang naan daya re ndai kayuh adi batur, re agi udip darŭm damai ka ngga siramat ndŭg situi tui.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

JEREMIAH 33:15

Di tika anŭ Aku re mien bada jadi raja ndi naan so sesang David, adi tŭnggŭn. Raja anŭ re ndai kayuh adi batur ka adi tŭnggŭn di ndi tarun tana rais.

EZEKIEL 34:16

“Aku re jiroh ngara adi manyap, taban pari ngara adi miriseu, marut ngara adi tawan, pibua ngara adi mandam; pak ngara adi gamu buang bake Aku re pirabur, sabab Aku ati pingingat-biri adi ndai kayuh adi batur.

PINANDŬNG 19:11

Komŭnŭ aku kiris shorga tikuka, ka diginŭ agi kuda buda. Pinunggang-i dŭn Adi Tŭtŭd ngga Adi Sawŭ. Ngga pinyitŭnggŭn Ayŭh nggen bisara ka biperang.